ການເງິນເມືອງສັງທອງຈະສູ້ຊົນເກັບລາຍຮັບໃຫ້ໄດ້ຕາມແຜນ

ທ່ານ ຄໍາພູວຽງ ແກ້ວ ສຸພົນ ຫົວໜ້າຫ້ອງການ- ການເງິນເມືອງສັງທອງໃຫ້ ສໍາພາດວ່າ: ເພື່ອເຮັດໃຫ້ ການຈັດຕັ້ງປະຕິບັດວຽກ ງານ ການເງິນ, ງົບປະມານ ປີ 2018 ບັນລຸຕາມລະດັບ ຄາດໝາຍທີ່ ຂັ້ນເທີ່ງໄດ້ ມອບໝາຍໃຫ້ຫ້ອງການ- ການເງິນເມືອງສັງທອງຈັດ ເກັບລາຍຮັບເຂົ້າງົບປະມານ ປີ 2018 ຈໍານວນ 5,8 ຕື້ ກວ່າກີບ ເພີ່ມຈາກລາຍຮັບ ປີຜ່ານມາ 1,86% ໃນນີ້, ລາຍຮັບສ່ວຍສາອາກອນ ຈໍານວນ 4,7 ຕື້ກວ່າກີບ, ຄຸ້ມ ຄອງຊັບສິນຂອງລັດຈໍານວນ 1,1 ຕື້ກວ່າກີບ.

+ ດ່ານພາສີສາກົນປາກຊັນເກັບລາຍຮັບເກີນແຜນ 5 ເດືອນປະຕິບັດໄດ້ 128 ຕື້ກວ່າກີບ

+ ກະຊວງການເງິນປັບປຸງດຳລັດວ່າດ້ວຍຄັງສະສົມແຫ່ງລັດ.

ສະນັ້ນຄະນະພັກ, ຄະນະ ຫ້ອງການ-ການເງິນເມືອງ ສັງທອງ ໄດ້ເອົາໃຈໃສ່ສຶກ ສາອົບຮົມການເມືອງແນວ ຄິດໃຫ້ພະນັກງານ-ລັດຖະ ກອນພາຍໃນຫ້ອງການ ໃຫ້ ມີແນວຄິດອຸ່ນອ່ຽນທຸ່ນທ່ຽງມີຄວາມເຊື່ອໝັ້ນຕໍ່ການ ຊີ້ນຳ-ນຳພາຂອງພັກ ແລະ ການຈັດຕັ້ງປະຕິບັດວຽກ ງານວິຊາສະເພາະດ້ວຍ ຄວາມເອົາໃຈໃສ່ປະຕິບັດໜ້າທີ່ວຽກງານທີ່ມອບໝາຍ, ມີຄວາມຮັບຜິດຊອບສູງມີ ການເຊື່ອມຊືມເອກະສານ ຕ່າງໆເປັນອາທິດ, ເປັນເດືອນ ທີ່ຕິດພັນວຽກງານເກັບ ລາຍຮັບ ແລະ ລາຍຈ່າຍງົບ ປະມານ.

ຫົວໜ້າຫ້ອງການ-ການເງິນເມືອງສັງທອງ ໃຫ້ວ່າ: ປີ 2018 ຫ້ອງການ-ການ ເງິນ ເມືອງສັງທອງ ໄດ້ຮັບຕົວ ເລກເກັບລາຍຮັບທັງໝົດ ຈໍາ ນວນ 5,8 ຕື້ກວ່າກີບ ເພີ່ມ ຈາກລາຍຮັບປີຜ່ານມາ 1,86 % ໃນນີ້, ລາຍຮັບສ່ວຍ ສາອາກອນ ຈໍານວນ 4,7 ຕື້ກວ່າກີບ, ຄຸ້ມຄອງຊັບສິນ ຂອງລັດຈໍານວນ 1,1 ຕື້ກວ່າ ກີບ, ແຕ່ຜ່ານການຈັດຕັ້ງປະ ຕິບັດ ຕົວຈິງໃນ 6 ເດືອນປີ 2018 ສາມາດປະຕິບັດ ໄດ້ 3,4 ຕື້ກວ່າກີບ ເທົ່າກັບ 58,77% ຂອງແຜນການ ປີ. ໃນນີ້, ສວຍສາອາກອນ ປະຕິບັດໄດ້ 2,6 ຕື້ກວ່າກີບ, ຄຸ້ມຄອງຊັບສິນຂອງລັດ 744 ລ້ານກວ່າກີບ, ສ່ວນ ວຽກງານປະຕິບັດລາຍຈ່າຍ ໝົດປີ 2018 ໄດ້ຮັບຕົວ ລາຍຈ່າຍ 27 ຕື້ກວ່າກີບ ທຽບໃສ່ປີຜ່ານມາເພີ່ມຂຶ້ນ 0,71% ຂະນະທີມາຮອດ ປັດຈຸບັນປະຕິບັດໄດ້ແລ້ວ 14 ຕື້ກວ່າກີບ ເທົ່າກັບ 51,08% ຂອງແຜນການປີ.

ສະນັ້ນ, ເພື່ອຮັບປະກັນ ການຈັດຕັ້ງປະຕິບັດວຽກ ງານການຈັດເກັບລາຍຮັບ ເຂົ້າງົບປະມານໃນປີ 2018 ບັນລຸຕາມແຜນການທີ່ກໍາ ນົດໄວ້, ຫ້ອງການ-ການເງິນ ເມືອງສັງທອງ ໄດ້ສືບຕໍ່ຈັດ ຕັ້ງປະຕິບັດວຽກງານຈຸດ ສຸມໂດຍຫັນພະນັກງານລົງ ກໍ່ສ້າງຮາກຖານ ຖືເອົາວຽກ ງານການຈັດເກັບລາຍຮັບ ເຂົ້າງົບປະມານສອດຫ້ອຍ ກັບທຸກຂະແໜງການວຽກ ງານ ໂດຍສະເພາະແມ່ນ ການເງິນບ້ານ, ພ້ອມທັງ ກະຕຸກຊຸກຍູ້ການເກັບລາຍ ຮັບຈາກວິຊາການ ແລະ ຄ່າ ທໍານຽມຂອງບັນດາຫ້ອງ ການອອ້ມຂ້າງຈໍານວນ 14 ຫ້ອງການ, ສືບຕໍ່ແຈ້ງໄປ ຍັງເຈົ້າຂອງກໍາມະສິດທີ່ ດິນທັງຢູ່ໃກ້ ແລະ ຢູ່ໄກທີ່ມີ ຕອນດິນເປັນກຳມະສິດຢູ່ ເຂດ ເມືອງສັງທອງໃຫ້ຮີບ ຮ້ອນມາເສຍຄ່າທໍານຽມ ນໍາໃຊ້ດິນປະຈໍາ ປີ 2018 ພ້ອມທັງ, ປະສານສົມທົບ ກັບຄະນະຊຸກຍູ້ລາຍຮັບ ຂັ້ນນະຄອນຫຼວງວຽງຈັນ ແລະ ເມືອງເພື່ອກະຕຸກຊຸກ ຍູ້ການເກັບລາຍຮັບຈາກ ບັນດາຖານຫົວໜ່ວຍທຸລະກິດຕ່າງໆຢູ່ພາຍໃນເມືອງສັງທອງ.

ພ້ອມນັ້ນ, ຍັງໄດ້ເລັ່ງ ກວດກາຕິດຕາມຄ່າຊັບພະຍາກອນດິນທີ່ຍັງມີການ ເຄື່ອນໄຫວພາຍໃນເມືອງ ແລະ ສືບຕໍ່ເດີນສໍາຫຼວດ ຖານລາຍຮັບສວ່ຍສາອາ ກອນ, ສືບຕໍ່ຈັດຕັ້ງປະຕິບັດ ວຽກງານການຕິດຕາມຈົດຮັບ-ຈົດຈ່າຍຈາກກອງທຶນຢາທີ່ຍັງຄ້າງ, ຖ້າອີງໃສ່ ຖານລາຍຮັບຫົວໜ່ວຍ ທຸລະກິດຂອງເມືອງ ແລະ ການຂຸດຄົ້ນດິນດໍາ, ດິນ ແດງ, ຫີນຊາຍ, ຫີນຂົບ ແລະ ຊັບພະຍາກອນໄມ້ ປ່ອງຈໍານວນໜຶ່ງທີ່ເປັນ ທ່າແຮງໃນການຈັດເກັບ ລາຍຮັບເຂົ້າງົບປະມານ ຄາດຄະເນໝົດປີ 2018 ການປະຕິບັດລາຍຮັບເຂົ້າ ງົບປະມານຈະສູ້ຊົນໃຫ້ໄດ້ ຕາມແຜນການທີ່ວາງໄວ້.