ແລກປ່ຽນຄວາມຮູ້ດ້ານການອອກແບບ

ເມື່ອທ້າຍອາທິດຜ່ານມາ, ບໍລິສັດ ບຣູກຣາດສ໌ ດີຊາຍກຣຸບ ຈຳກັດຜູ້ດຽວ ຮ່ວມກັບສະ ຖາບັນວິຈິດສິນແຫ່ງຊາດຈັດສຳມະນາແລກປ່ຽນບົດຮຽນການອອກແບບພາຍໃຕ້ຫົວຂໍ້: “ການອອກແບບເພື່ອການສື່ສານ” ໂດຍການເຂົ້າຮ່ວມຂອງທ່ານ ປຣະເສີດ ບັນຈົງພັກດີ ອຳນວຍການບໍລິສັດ ບຣູກຣາດສ໌ ແລະ ທ່ານ ໄມສິງ ຈັນບຸດດີ ຫົວໜ້າສະຖາບັນວິຈິດສິນ, ມີວິທະຍາກອນ, ນັກສຶກສາ ແລະ ພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ.

ງານດັ່ງກ່າວຈັດຂຶ້ນເພື່ອສະເຫລີມສະຫລອງວັນອອກແບບໂລກ 2017 (World Design Day 2017) ເພື່ອເປັນການແລກປ່ຽນບົດຮຽນ ແລະ ປະສົບການຊຳນິຊຳນານທີ່ໄດ້ປະສົບຜົນສຳເລັດ ແລະ ມີຜົນງານຢ່າງຫລວງຫລາຍໃນການອອກແບບໃນ ສາຂາວິຊາຕ່າງໆມາບັນລະຍາຍແລກປ່ຽນບົດຮຽນໃຫ້ຄວາມຮູ້ແກ່ຄູ-ອາຈານ, ນັກສິລະປິນ ແລະ ນັກສຶກສາ ເພື່ອເປັນບົດຮຽນທີ່ດີໃນການສົ່ງເສີມພັດທະນາການຮຽນ-ການສອນຂອງພາກວິຊາຕ່າງໆໃນສະຖາບັນວິຈິດສິນແຫ່ງຊາດ ໃຫ້ມີຄວາມກ້າວ ໜ້າຂຶ້ນເລື້ອຍໆ, ການສຳມະນາຄັ້ງນີ້ມີຫລາຍຫົວຂໍ້ຄື: ທີ່ມາຂອງເຈ້ຍຄຸນນະພາບ (Congueror), ສຽງຈາກຕົວອັກສອນ, ຄວາມຫລາກຫລາຍທີ່ໜ້າຫລົງໄຫລ, ເທັກນິກການພິມ ແລະ ອື່ນໆ.