ໂຄງການເມດຕາທຳຈະຈັດກິດຈະກຳບວດເນນລະດູຮ້ອນ
ໃນວັນທີ 5 ກໍລະກົດນີ້, ທ່ານ ພະອາຈານ ອະທິປະ ໄຕ ໄມຕຣີຈິດ ປະທານໂຄງ ການເມດຕາທຳ, ອົງການ ພຸດທະສາສໜາສຳພັນລາວ ໄດ້ຖະແຫລງວ່າ: ແຕ່ວັນທີ 12-21 ກໍລະກົດນີ້, ຢູ່ວັດ ສະພານທອງເໜືອ ເມືອງ ສີສັດຕະນາກ ນະຄອນ ຫລວງວຽງຈັນ, ຈະມີພິທີ ບວດເນນລະດູຮ້ອນ ເຊິ່ງ ເປັນກິດຈະກຳໜຶ່ງທີ່ທາງ ໂຄງການເມດຕາທຳຈັດ ຂຶ້ນເພື່ອໃຫ້ຊາວໜຸ່ມ, ເຍົາ ວະຊົນ, ໄດ້ມີໂອກາດບວດ ທົດແທນຄຸນພໍ່-ແມ່ ແລະ ສຶກສາຮ່ຳຮຽນທຳມະທາງພຸດທະສາສະໜາ, ພ້ອມ ທັງເປີດໂອກາດໃຫ້ເຍົາວະ ຊົນໃຊ້ເວລາຫວ່າງ ໃຫ້ ເກີດ ປະໂຫຍດ, ຫ່າງໄກຢາເສບ ຕິດ, ໄພສັງຄົມ ແລະ ອະ ບາຍຍະມຸກຕ່າງໆ.
+ ວາງສີລາລຶກໂຄງການກໍ່ສ້າງ ພະເຈົ້າໃຫຍ່ ພຸດທະຣັດຕະນະບາຣະມີສຣີ ບໍ່ແກ້ວ
+ ພິທີເທທອງຫລໍ່ເກດພະພຸດທະຮູບອົງຫລວງປາງປະທານພອນ ເພື່ອນໍາໄປປະດິດສະຖານໄວ້ທີ່ແຂວງຊຽງຂວາງຈັດຂຶ້ນຢ່າງສົມກຽດ.
ປະທານໂຄງການ ເມດ ຕາທຳໃຫ້ຮູ້ວ່າ: ໃນກິດຈະ ກຳນີ້, ຈະມີການເຝິກອົບຮົມ ທຳມະ ແລະ ຟັງການບັນ ລະຍາຍທຳມະຕ່າງໆ, ພ້ອມ ທັງສອນທັກສະຊີວິດ, ເປັນ ຕົ້ນແມ່ນການຮຽນຮູ້ຜົນ ຮ້າຍຢາເສບຕິດ, ບັນຫາ ໂລກເອດ ແລະ ອື່ນໆ ເຊິ່ງ ເປັນປະກົດການຫຍໍ້ທໍ້ ທາງສັງຄົມ ແລະ ໄວໜຸ່ມ, ສຳລັບຜູ້ທີ່ຢາກເຂົ້າຮ່ວມ ໂຄງການແມ່ນຕ້ອງເປັນ ເຍົາວະຊົນອາຍຸ 12-18 ປີ, ເຊິ່ງຈະເປີດຮັບສະໝັກແຕ່ ມື້ນີ້ ຫາ 10 ກໍລະກົດນີ້.
