ໄຊຍະບູລີ ເອົາໃຈໃສ່ຄຸ້ມຄອງຊ້າງໃນປ່າສະຫງວນນ້ຳປຸຍ

ເມື່ອບໍ່ດົນມານີ້, ຢູ່ພະ ແນກກະສິກຳ ແລະ ປ່າໄມ້ ແຂວງໄຊຍະບູລີ, ໄດ້ຈັດ ກອງປະຊຸມວຽກງານການ ຄຸ້ມຄອງປະຊາກອນຊ້າງປ່າ ແລະ ການແກ້ໄຂຂໍ້ຂັດແຍ່ງ ລະຫວ່າງຄົນກັບຊ້າງໃນ ເຂດປ່າສະຫງວນແຫ່ງ ຊາດນ້ຳປຸຍໂດຍການເປັນ ປະທານຂອງ ທ່ານ ພົງສະ ຫວັນ ສິດທະວົງ ເຈົ້າແຂວງ ໄຊຍະບູລີ, ມີຜູ້ຕາງໜ້າ ຈາກອົງການອານຸລັກທຳມະ ຊາດໂລກ(WWF), ພ້ອມ ດ້ວຍພາກສ່ວນກ່ຽວຂ້ອງ ເຂົ້າຮ່ວມ.

+ ແຂວງໄຊຍະບູລີທໍາລາຍສີ້ນສ່ວນຂອງສັດປ່າຫລາຍສິບກິໂລ.

+ ເມືອງວັງວຽງປະກາດຜາມອມ, ຜາໂພເປັນເຂດປ່າສະຫງວນ

ກອງປະຊຸມ ໄດ້ຮັບຟັງ ຄວາມເປັນມາຂອງໂຄງ ການວຽກງານການຄຸ້ມຄອງ ປະຊາກອນຊ້າງປ່າ ແລະ ການແກ້ໄຂຂໍ້ຂັດແຍ່ງລະ ຫວ່າງຄົນກັບຊ້າງປ່າໃນ ເຂດປ່າສະຫງວນແຫ່ງຊາດນ້ຳປຸຍ ໃນໄລຍະຜ່ານມາ, ເຊິ່ງປ່າສະຫງວນແຫ່ງຊາດນ້ຳປຸຍ ໄດ້ຮັບການຊ່ວຍເຫຼືອ ຈາກກອງທຶນອະນຸລັກທຳ ມະຊາດໂລກ WWF ແຕ່ປີ 2009 ເປັນຕົ້ນມາ ແລະ ໃນ ໄລຍະ 6 ເດືອນຜ່ານມາໄດ້ ຈັດຕັ້ງປະຕິບັດກວດກາລາດຕະເວນ ລົງກວດກາຕາມຈຸດ ທີ່ຕິດຕັ້ງກ້ອງໄວ້ ໃຊ້ໄດ້ທັງ ໝົດແມ່ນ 28 ໜ່ວຍໃນ ເຂດພື້ນທີ່ເປົ້າໝາຍ, ໄດ້ ລົງສຳຫຼວດ 9 ຄັ້ງມີໄລຍະ ທາງໃນການສຳຫຼວດທັງ ໝົດ 854,95 ກິໂລ ແມັດ ແລະ ການເກັບກຳຂໍ້ມູນ ຕົວຈິງພົບເຫັນຮ່ອງຮອຍ ສັດປ່າທັງໝົດ 60 ຄັ້ງ, ປະເພດທີ່ພົບເຫັນໂຕ, ຮ່ອງຮອຍຕີນ, ອາໂຈມ ແລະ ຮ່ອງຮອຍການກິນ ໄດ້ 9 ຊະນິດສັດປ່າດັ່ງນີ້: ຊ້າງປ່າ, ກວາງ, ຟານ, ໝູ ປ່າ, ເຫງັນ, ເມີຍ, ເໝັ້ນ, ໝີ ແລະ ນົກເປົ້າປະມານ 1.000 ກວ່າໂຕ. ມີພາບ ຄົນບຸກລຸກໃນພື້ນທີ 26 ພາບ,ສະເພາະວຽກງານ ຊ່ວຍເຫຼືອອຸປະກອນແກ້ ໄຂຂໍ້ຂັດແຍ້ງລະຫ່ວາງ ຄົນກັບຊ້າງປ່າການຊ່ວຍ ເຫຼືອຕິດຕາມການນຳ ໃຊ້ເຄື່ອງຊ໋ອດໄຟຟ້າຈຳ ນວນ 13 ເຄື່ອງໃຫ້ແກ່ 4 ບ້ານ, ແມ່ນເພື່ອປ້ອງກັນ ສັດປ່າ ທີ່ເຂົ້າມາທຳລາຍ ເຄື່ອງປູກຂອງຝັງຂອງປະຊາຊົນ ເຫັນວ່າຜົນກະທົບ ແລະ ຂໍ້ຂັດແຍ່ງລະຫວ່າງ ຄົນ ແລະ ຜົນເສຍຫາຍ ຂອງຜົນລະປູກໄດ້ຫຼຸດລົງ.