ບຳບັດຄວາມເຄັ່ງຄຽດໂດຍການກິນອາຫານ
July 2, 2018 - 2:19 PM
- ອາລົມດີ ແລະ ມີຄວາມສຸກດ້ວຍຊັອກໂກແລັດ : ເອີ້ນໄດ້ວ່າເປັນເຂົ້າໜົມຄູ່ປາກຄູ່ໃນຂອງໃຜຫລາຍຄົນ ເພາະຊັອກໂກແລັດນັ້ນມີໃຫ້ເລືອກກິນຫລາຍລົດຊາດ ທັງຍັງມີການອອກແບບມາຫລາຍຮູບແບບໃຫ້ເລືອກຊື້, ແຕ່ຊັອກໂກແລັດທີ່ເຮົາເວົ້າເຖິງນີ້ ໝາຍເຖິງຊັອກໂກແລັດດຳທີ່ມີສ່ວນປະສົມຂອງຄຣີມ ແລະ ນຳ້ຕານໜ້ອຍ ເພາະຖ້າເຮົາເນັ້ນແຕ່ລົດຊາດທີ່ແຊບຈາກຄວາມຫວານເຫລົ່ານັ້ນ ຈະໄດ້ຂອງແຖມເປັນຄວາມຕຸ້ຍມາແທນ, ແຕ່ການເລືອກກິນຊັອກໂກແລັດດຳດັ່ງທີ່ບອກນີ້ຈະເຮັດໃຫ້ຮ່າງກາຍໄດ້ສານ Phenylethylamine ຫລື ສານແຫ່ງຄວາມສຸກທີ່ຈະເກີດເມື່ອເຮົາມີຄວາມຮັກ ໂດຍໃຫ້ລອງກິນມື້ລະ 2 ກ້ອນນ້ອຍໆ ເປັນເວລາ 2 ອາທິດ ຈະຊ່ວຍຫລຸດຄວາມເຄັ່ງຄຽດ ລົງໄດ້.
- ຟື້ນຟູຮ່າງກາຍໃຫ້ແຂງແຮງດ້ວຍຊີ້ນສັດ : ຮ່າງກາຍຄົນເຮົາຕ້ອງການສານອາຫານປະເພດໂປຣຕິນເພື່ອຟື້ນຟູພາກສ່ວນ ທີ່ເສື່ອມສະມັດຕະພາບຕ່າງໆ ຊີ້ນສັດເປັນອາຫານທ່ີເຕັມໄປດ້ວຍໂປຣຕິນເຫລົ່ານັ້ນ ທັງຍັງໃຫ້ພະລັງງານເພື່ອໃຫ້ຮ່າງກາຍໄປໃຊ້ ວຽກນຳອີກ ເມື່ອຮ່າງກາຍໄດ້ຮັບສິ່ງຕ່າງໆເຫລົ່ານີ້ ຄວາມເຄັ່ງຄຽດສະສົມຈຶ່ງຫລຸດລົງໄປນຳ.
- ຫລຸດອາການຊຶມເສົ້າດ້ວຍຊີ້ນປາ : ມີຜົນການສຶກສາວ່າກົດໂອເມກ້າ 3 ທີ່ພົບໃນປາທະເລເກືອບທຸກຊະນິດ ໂດຍສະເພາະ ກຸ່ມປາແຊວມັອນ, ປາທູນ່າ, ປາຊາດີນ ແລະ ປາແມັກເຄີເຣວ ຈະສາມາດປິ່ນປົວອາການຊຶມເສົ້າໃນເດັກໄດ້ ລວມໄປເຖິງຜູ້ທີ່ມີອັດຕາສ່ຽງໃນການຂ້າໂຕຕາຍ. ດັ່ງນັ້ນແລ້ວຈຶ່ງມີການເຊີນຊວນໃຫ້ກິນປາເປັນປະຈຳເພື່ອໃຫ້ຮ່າງກາຍໄດ້ຮັບສານອາຫານທີ່ສາ ມາດຊ່ວຍຫລຸດຄວາມເຄັ່ງຄຽດໃນຊີວິດປະຈຳວັນໄດ້.
- ຜ່ອນຄາຍກ່ອນນອນດ້ວຍນົມສົດ : ການດື່ມນົມອຸ່ນໆກ່ອນນອນມີສ່ວນຊ່ວຍໃນການຫລຸດຄວາມເຄັ່ງຄຽດ ແລະ ເຮັດໃຫ້ ນອນຫລັບສະບາຍໄດ້ ເພາະໃນນົມຈະມີສານອາຫານປະເພດທາດການຊຽມ ແລະ ເມື່ອໄປລວມໂຕກັບກົດແລັກຕິກບໍລິເວນປາຍປະສາດ ຈະຊ່ວຍເຮັດໃຫ້ກົດແລັກຕິກນັ້ນບໍ່ສາມາດເຮັດໃຫ້ລະຄາຍເຄືອງຕໍ່ລະບົບປະສາດໄດ້. ນອກຈາກນີ້, ນົມສົດຍັງເປັນ ແຫລ່ງຂອງກົດອະມິໂນທຣີບໂຕຟານຄືກັນ ການດື່ມນົມຈຶ່ງມີສ່ວນຊ່ວຍໃນການຫລຸດຄວາມເຄັ່ງຄຽດໄດ້ອີກທາງໜຶ່ງ.
- ຄາຍຄຽດໂດຍໝາກກ້ວຍຫອມ : ການກິນໝາກກ້ວຍຫອມຈະຊ່ວຍຄາຍຄຽດໄດ້ດີ ເພາະໃນໝາກກ້ວຍຫອມອຸດົມໄປດ້ວຍ ສານທຣິບໂຕຟານ ແລະ ຍັງມີນຳ້ຕານຄົບທັງ 3 ຊະນິດ ຄື : ຊູໂຄສ, ຟຣຸກໂຕສ ແລະ ກລູໂກສ ເຊິ່ງເປັນນຳ້ຕານທີ່ຮ່າງກາຍພ້ອມນຳໄປໃຊ້ວຽກໄດ້ທັນທີ ທັງຍັງມີເສັ້ນໄຍອາຫານໃນໝາກກ້ວຍຊ່ວຍເຮັດໃຫ້ລະບົບຂັບຖ່າຍໃນຮ່າງກາຍເຮັດວຽກໄດ້ດີຂຶ້ນ, ຫລຸດການສະສົມສານພິດໃນຮ່າງກາຍ.
- ຫລຸດຄວາມເຄັ່ງຄຽດດ້ວຍທັນຍາພືດ : ເມື່ອຮ່າງກາຍປະສົບກັບຄວາມເຄັ່ງຄຽດຫລາຍຂຶ້ນ ຈະສະສົມເອົາສານອາຫານຕ່າງໆໄວ້ເພື່ອສ້າງເປັນຮໍໂມນທີ່ຊ່ວຍໃນການຕອບສະໜອງເມື່ອຮ່າງກາຍຕ້ອງພົບກັບສະຖານະການຕ່າງໆ ໃນຂະນະດຽວກັນກໍໄລ່ສານອາຫານບາງຊະນິດອອກທາງນຳ້ຍ່ຽວນຳ ແລະ ສານອາຫານສຳຄັນດັ່ງວິຕາມິນເບທີ່ຫາກໄລ່ອອກແລ້ວ ເຮົາຄວນກິນເພີ່ມເຂົ້າໄປທີ່ສຸດ ເພາະວິຕາມິນເບເປັນສານທີ່ຊ່ວຍເຮັດໃຫ້ປະສາດຕ່າງໆເຮັດວຽກໄດ້ຢ່າງເປັນປົກກະຕິ ເຊິ່ງຈະສະແດງອາການໄດ້ຢ່າງຈະແຈ້ງ ແລະ ທັນທ່ວງທີໃນຍາມທີ່ຮ່າງກາຍເຮົາອ່ອນແອລົງຈາກຄວາມເຄັ່ງຄຽດທີ່ຮຸກຮານ ເຊິ່ງວິຕາມິນເບຈະມີຫລາຍໃນອາຫານຈຳພວກທັນຍາພືດຕ່າງໆ, ເຂົ້າໜົມປັງໂຮຫວີດ, ເຂົ້າຈີ່, ແປ້ງສາລີ ແລະ ເຂົ້າບໍ່ຜ່ານການຜັດສີດັ່ງເຂົ້າເໝົ້າ, ເຂົ້າກໍ່າ ເປັນຕົ້ນ.
