ເຜີຍແຜ່ພາລະບົດບາດກາແດງ ຢູ່ 2 ແຂວງພາກເໜືອ
ເມື່ອບໍ່ດົນມານີ້, ອົງການ ກາແດງລາວ ນຳໂດຍ ທ່ານ ທອງພະຈັນ ສອນນະສິນ ຮອງປະທານອົງການກາ ແດງລາວ, ມີທ່ານ ພອນຄຳ ແກ້ວວິໄລ ຫົວໜ້າກອງ ໂຄສະນາ ແລະ ຂົນຂວາຍການ ກຸສົນ ອົງການກາແດງລາວ, ພ້ອມດ້ວຍພະນັກງານວິຊາ ການຈໍານວນໜຶ່ງ ໄດ້ລົງໂຄ ສະນາພາລະບົດບາດ ຂອງ ຂະບວນການກາແດງ ຢູ່ 2 ແຂວງພາກເໜືອ ຄື: ບໍ່ແກ້ວ ແລະ ຫຼວງນ້ຳທາ, ເຊິ່ງມີຜູ້ ເຂົ້າຮ່ວມຮັບຟັງທັງໝົດ 450 ຄົນ.
+ ລາວເຜີຍແຜ່ຜົນກອງປະຊຸມການພັດທະນາການສຶກສາກ່ອນໄວຮຽນ
+ ເຜີຍແຜ່ພາລະບົດບາດກາແດງຢູ່ 3 ເມືອງແຂວງໄຊສົມບູນ
ເພື່ອໃຫ້ຮັບຮູ້, ເຂົ້າໃຈ ແລະ ເຮັດໃຫ້ສັງຄົມປະກອບ ສ່ວນໃນວຽກງານມະນຸດສະທຳຂອງກາແດງໃຫ້ກວ້າງ ຂວາງຂຶ້ນຕື່ມ. ເຊິ່ງຫົວຂໍ້ທີ່ ນໍາສະເໜີໃນຄັ້ງນີ້ລວມມີ: ປະຫວັດຄວາມເປັນມາຂອງຂະບວນການກາແດງສາກົນ, ເຄື່ອງໝາຍ ແລະ ການນຳໃຊ້ ເຄື່ອງໝາຍມະນຸດສະທຳ, ປະຫວັດ ແລະ ພາລະບົດ ບາດ, ສິດໜ້າທີ່ຂອງອົງ ການກາແດງລາວໃນແຕ່ລະ ໄລຍະ, ຜົນງານການເຄື່ອນ ໄຫວວຽກງານກາແດງ, ລວມທັງ ສປປ ລາວ ໄດ້ ເຂົ້າເປັນພາຄີສົນທິສັນຍາ ແລະ ອານຸສັນຍາສາກົນ ເຊິ່ງ ເອື້ອອຳນວຍໃນພາລະກິດ ປະຕິວັດຕໍ່ສູ່ ປົດປ່ອຍຊາດກໍ ຄືການປົກ ປັກຮັກສາ ແລະ ສ້າງສາພັດທະນາປະເທດ ຊາດ ແລະ ກົດໝາຍມະນຸດ ສະທຳສາກົນ.
ການເຜີຍແຜ່ໃນຄັ້ງນີ້, ໄດ້ຮັບຄວາມສົນໃຈຈາກຜູ້ ເຂົ້າຮ່ວມ ເຊິ່ງສະແດງອອກ ໃນການຖາມ-ຕອບຕ່າງໆ ຕໍ່ກັບວຽກງານມະນຸດສະ ທຳເຊັ່ນ: ການບໍລິຈາກ ເລືອດ, ການຊ່ວຍເຫຼືອບັນ ເທົາທຸກ, ວຽກຊອກຫາ ແຫຼ່ງທຶນ, ວຽກສຸຂະພາບ ແລະ ອື່ນໆ.
