ສຕລ ອັດສີດ 100 ລ້ານ ຖ້າຢູ 19 ລາວ ຜ່ານເຂົ້າຮອບ ຮອງຊະນະເລີດ ບານເຕະຊີງແຊ້ມອາຊຽນ 2018
ຕອນບ່າຍວັນທີ 26 ມິຖຸນານີ້, ຢູ່ຫ້ອງປະຊຸມສະຫະພັນບານເຕະແຫ່ງຊາດລາວ (ສຕລ) ໄດ້ມີພິທີໂອ້ລົມຄະນະນຳ, ຄະນະຄູຝຶກ ແລະ ນັກກິລາທີ່ກຽມເຂົ້າຮ່ວມການແຂ່ງຂັນບານເຕະຊີງແຊ້ມອາຊຽນ ຮຸ່ນອາຍຸ 19 ປີ (AFF U19 CHAMPIONSHIP 2018) ທີ່ເມືອງຊູຣາບາຢາ (SURABAYA) ປະເທດອິນໂດເນເຊຍ ລະຫວ່າງວັນທີ 1-14 ກໍລະກົດນີ້.
ໂດຍປະທານ ສຕລ ໄດ້ເນັ້ນໃຫ້ນັກກິລາມີຄວາມສາມັກຄີກັນ, ມີລະບຽບິວໄນຢ່າງເຂັ້ມງວດ, ຫລີກເວັ້ນທີ່ສຸດບັນຫາການລົ້ມບານ. ຖ້າວ່າສາມາດຜ່ານເຂົ້າຮອບຮອງຊະນະເລີດໄດ້ ທາງ ສຕລ ຈະມອບເງິນອັດສີດຈຳນວນ 100 ລ້ານກີບ ໃຫ້ກັບນັກກິລາ.
ສຳລັບລາຍຊື່ຄະນະນຳ, ຄະນະຄູຝິກ ແລະ ນັກກິລາປະກອບມີ: ທ່ານ ສົມສະນຸກ ຫລຽນສະຫວັນ ຫົວໜ້າຄະນະ, ທ່ານ ຊູສັກ ສີພູມ ຫົວໜ້າຄູຝຶກ, ທ່ານ ໂອເລ້ ບູສະອາດ ຜູ້ຊ່ວຍຄູຝຶກ, ທ່ານ ພຸດປະສົງ ແສງດາລາວົງ ຄູຝຶກຜູ້ຮັກສາປະຕູ, ທ່ານ ວົງມີໄຊ ສຸບົວຄຳ ຜູ້ຈັດການທີມ, ທ່ານ ສາຍຍັນ ພອນວິໄລ ອຸປະກອນ, ທ່ານ ສຸວັນນີ ພົມມະຈັນ ແພດປະຈຳທີມ, ທ່ານນາງ ພັກພິຊາ ສີພູມ ບໍລິຫານທີມ. ລາຍຊື່ນັກກິລາ 23 ຄົນປະກອບມີ: ຜູ້ຮັກສາປະຕູ: ກິຕ້ອມ ແຫວວົງສົດ ຈາກສະໂມສອນ ປກສ ເອັຟຊີ, ທັດສະນະ ພະພັກດີ ຈາກສະໂມສອນ ກອງທັບ ເອັຟຊີ, ໄຊນະຄອນ ດາລາແສນ ຈາກສະໂມສອນ ລາວໂຕໂຢຕ້າ ເອັຟຊີ. ກອງຫລັງ: ພິມມະສອນ ຈຳປາທອງ ຈາກສະໂມສອນ ປກສ ເອັຟຊີ, ກິດຕິສັກ ພົມວົງສາ ຈາກສະໂມສອນ ຊ້າງນ້ອຍ ເອັຟຊີ, ຈິດປະສົງ ລັດຖະຈັກ ຈາກສະໂມສອນ ຊ້າງນ້ອຍ ເອັຟຊີ, ສິດຕີ້ ສັນຕິກອນ ຈາກສະໂມສອນ ຊ້າງນ້ອຍ ເອັຟຊີ, ໄຊຍະສິດ ສິງສະຫວ່າງ ຈາກສະໂມສອນ ຊ້າງນ້ອຍ ເອັຟຊີ, ເມກ ອິນສຸມັງ ຈາກສະໂມສອນ ຊ້າງນ້ອຍ ເອັຟຊີ. ກອງກາງ: ພະເສົາ ສີໂນນາລາດ ຈາກສະໂມສອນ ປກສ ເອັຟຊີ, ຈັນທະຈອນ ທິໂນລາດ ຈາກສະໂມສອນ ປກສ ເອັຟຊີ, ກຽງທະວີສັກ ໄຊຊະນະປັນຍາ ຈາກສະໂມສອນ ປກສ ເອັຟຊີ, ໂບລິກ ບູສະອາດ ຈາກສະໂມສອນ ປກສ ເອັຟຊີ (ດີວີຊັນ 1), ບົວລະພາ ຈະເລີນສຸກ ຈາກສະໂມສອນ ປກສ ເອັຟຊີ (ດີວີຊັນ 1), ສິດທິກອນ ຂັນທະວົງ ຈາກສະໂມສອນ ປກສ ເອັຟຊີ (ດີວີຊັນ 1), ພອນປະເສີດ ລາດສະວົງ ຈາກສະໂມສອນ ຊ້າງນ້ອຍ ເອັຟຊີ, ອ່ອນແກ້ວ ຄຳສຸລິຍາ ຈາກສະໂມສອນ ຊ້າງນ້ອຍ ເອັຟຊີ. ກອງໜ້າ: ພຸດທະສອນ ວົງໂກສິນ ຈາກສະໂມສອນ ປກສ ເອັຟຊີ (ດີວີຊັນ 1), ນິລັນ ຫລວງສີສົມບັດ ຈາກສະໂມສອນ ກອງທັບ ເອັຟຊີ, ເລັກໂຕຊ່າ ທອງສະຫວັດ ຈາກສະໂມສອນ ລາວໂຕໂຢຕ້າ ເອັຟຊີ, ບຸນພະຈັນ ບຸນກອງ ຈາກສະໂມສອນ ຊ້າງນ້ອຍ ເອັຟຊີ, ກີ້ດາວອນ ສຸວັນນີ ຈາກສະໂມສອນ ຊ້າງນ້ອຍ ເອັຟຊີ, ທັດສະພອນ ໄຊສຸກ ຈາກສະໂມສອນ ຊ້າງນ້ອຍ ເອັຟຊີ.
ການແຂ່ງຂັນບານເຕະຊີງແຊ້ງອາຊຽນ ຮຸ່ນອາຍຸ 19 ປີ AFF U19 CHAMPIONSHIP 2018 ມີ 11 ປະເທດເຂົ້າຮ່ວມ ແບ່ງອອກເປັນ 2 ກຸ່ມຄື: ກຸ່ມເອ ປະກອບມີ: ໄທ, ອິນໂດເນເຊຍ, ຫວຽດນາມ, ສິງກະໂປ, ລາວ ແລະ ຟີລິບປິນ. ກຸ່ມບີ ປະກອບມີ: ມາເລເຊຍ, ມຽນມາ, ຕີມໍເລສເຕ, ກຳປູເຈຍ ແລະ ບຣູໄນ. ສຳລັບຕາຕະລາງການແຂ່ງຂັນທີມຊາດລາວ: ວັນທີ 1/7/2018 ເວລາ 19:00 ອິນໂດເນເຊຍ ພົບລາວ ແຂ່ງຂັນຢູ່ທີ່ສະໜາມ GELORA DELTA STADIUM, ວັນທີ 3/7/2018 ເວລາ 15:30 ໄທ ພົບ ລາວ ແຂ່ງຂັນຢູ່ສະໜາມ JOKO SAMUDRO STADIUM, ວັນທີ 7/7/2018 ເວລາ 15:30 ສິງກະໂປ ພົບ ລາວ ແຂ່ງຂັນຢູ່ສະໜາມ JOKO SAMUDRO STADIUM, ວັນທີ 9/7/2018 ເວລາ 15:30 ລາວ ພົບ ຟີລິບປິນ ແຂ່ງຂັນຢູ່ສະໜາມ JOKO SAMUDRO STADIUM. ກຳນົດການເດີນທາງ ທີມຊາດລາວ ຮຸ່ນອາຍຸ 19 ປີ ຈະອອກເດີນທາງໄປປະເທດອິນໂດເນເຊຍ ໃນຕອນບ່າຍວັນທີ 28 ມິຖຸນານີ້.
