ອະດີດປະທານາທີບໍດີ ອາເມລິກາຜູ້ທີ່ຮັກ ກິລາກອບ ອາດເປັນບົດຮຽນໃຫ້ແກ່ Trump

William Howard Taft ປະທານາທີບໍດີ ຄົນທີ 27 ຂອງ ອາເມລິກາ ເປັນຄົນທີ່ຮັກໃນກິລາກອບ ຊຶ່ງເປັນສິ່ງທີ່ເຮັດໃຫ້ທ່ານປະສົບຄວາມລົ້ມເຫລວໃນການເລືອກຕັ້ງໃນສະໄໝຕໍ່ມາ.

ໃນ 88 ມື້ທີ່ຮັບມອບຕຳແຫນ່ງ ທ່ານປະທານາທີບໍດີ Donald Trump ໄດ້ຫລິ້ນກອບ 14 ຄັ້ງ ສະເລ່ຍແມ່ນ 6,3 ມື້ຕໍ່ຄັ້ງ. ຖືເປັນສະຖິຕິການຫລິ້ນຫລາຍກ່ວາອະດີດປະທານາທີບໍດີ ຄົນລ່າສຸດ ທ່ານ Barack Obama ທີ່ມີສະຖິຕິ 9,5 ວັນຕໍ່ຄັ້ງ.

ທ່ານ Taft ຍອມຮັບວ່າທ່ານເປັນຄົນຕິດກິລາກອບ, ທ່ານໃຊ້ເວລາຫລິ້ນກອບເປັນປະຈຳໃນຊ່ວງທີ່ຫາສຽງເລືອກຕັ້ງໃນ ປີ 1908 ຈົນທ່ານ Theodore Roosevelt ຜູ້ປຶກສາທາງການເມືອງຂອງທ່ານໄດ້ບອກໃຫ້ ທ່ານ Taft ໃຫ້ຫຍຸດຫລິ້ນ ທ່ານໄດ້ບອກອີກວ່າ ໄດ້ຮັບຈົດຫມາຍຫລາຍພັນສະບັບ ຂອງປະຊາຊົນທີ່ຕຳນິທ່ານ Talf ທີ່ໃຊ້ເວລາຫລິ້ນກິລາຄົນລວຍນີ້ຫລາຍຈົນເກີນໄປ.

ເຖີງຢ່າງໃດກໍ່ຕາມ Talf ຍັງໄປເດີ່ນກອບເປັນປະຈຳ ແລະ ຍັງບອກວ່າ: ກິລາກອບເປັນກິລາສະເຫມີພາບ, ສ້າງໃຫ້ມີຈິດໃຈສະຫງົບຊ່ວຍໃນການແກ້ໄຂບັນຫາ. ທ່ານຍັງບອກອີກວ່າ ກອບເປັນກິລາຊ່ວຍໃຫ້ອອກກຳລັງກາຍໄດ້ດີ ແລະ ຊວ່ຍໃຫ້ທ່ານຫລຸດພົ້ນພະຍາດຕຸ້ຍ ເຮັດໃຫ້ທ່ານມີສະພາບຮ່າງກາຍທີ່ແຂງແຮງ ຫລຸດຜົນຈາກຄວາມຄຽດ.
ສຸດທ້າຍ ຜົນຂອງການເລືອກຕັ້ງປະທານາທີບໍດີໃນປີ 1908 ທ່ານ Talf ໄດ້ຖືກແຕ່ງຕັ້ງເປັນປະທານາທີບໍດີ ຂອງ ອາເມລິກາ. ໃນຂະນະທີ່ທ່ານດຳເນີນຕຳແຫນ່ງຢູ່ນັ້ນ ທ່ານກໍ່ຍັງໃຊ້ເວລາໄປນຳກອບເປັນປົກກະຕິ, 20ຄັ້ງ ຕໍ່ 31ວັນ. ໃນຊ່ວງເວລານັ້ນກໍ່ມີສຽງວິພາກວິຈານເປັນຈຳນວນຫລາຍ ແລະ ໄດ້ຄຳຕາຫລົກສຽດສີກ່ຽວກັບ Talf ວ່າ “ໃນຖານະທີ່ເປັນປະທານາທີບໍດີອາເມລິກາ Talf ເປັນນັກກິລາກອບທີ່ເກັ່ງທີ່ສຸດ”

ເຊັນດຽວກັບ ທ່ານ Trump, Taft ຕ້ອງປະເຊີນກັບຄວາມຫ່າງເຫີນພາຍໃນຄະນະ. ທ່ານຖືກກົດດັນໃນຄະນະ, ຈາກປະຊາຊົນໃນການຫລິ້ນກອບຫລາຍຈົນເກີນໄປ ແລະ ໄດ້ມີຫນັງສືພິມໄດ້ອອກຂ່າວຫນ້າຫນຶ່ງໂດຍຂຽນວ່າ: “ທ່ານ Taft ຫລີ້ນກອບເກັ່ງກວ່າການເມືອງ” ແຕ່ທ່ານກໍ່ຍັງບໍ່ລະຖິ້ມໃນກິລາກອບ. ໃນການເລືອກຕັ້ງປະທານາທີບໍດີຄັ້ງຕໍ່ມາໃນປີ 1912 ເຮັດໃຫ້ຄະແນນສຽງຂອງທ່ານຫາຍໄປ ແລະ ຕົກເປັນທີ 3 ໃນການເລືອກຕັ້ງ. ແຕ່ເຊົ້າຕໍ່ມາ Taft ຍັງຕື່ນເຊົ້າ ແລະ ເດີນຫນ້າໄປທີ່ສະຫນາມກອບ.

ແຫລ່ງຂ່າວ: ຕ່າງປະເທດ