ນັກເພາະກາຍທີມຊາດລາວ ຮ່ວມລາຍການ ເພາະກາຍອາຊີຕາເວັນອອກສຽງໃຕ້

ສະ​ຫະ​ພັນ​ເພາະ​ກາຍ​ແຫ່ງ​ຊາດ​ລາວ ໄດ້​ສົ່ງ 2 ນັກ​ກິລາ​ເພາະ​ກາຍທີມ​ຊາດລາວ​ຊຸດ​ທຳ​ອິດ ເພື່ອ​ເຂົ້າ​ຮ່ວມ​ການ​ແຂ່ງ​ຂັນ​ຊີງ​ແຊ້ມ​ເພາະ​ກາຍ ອາ​ຊີ​ຕາ​ເວັນ​ອອກ​ສຽງ​ໃຕ້ ຄັ້ງ​ທີ 15 ລະ​ຫວ່າງວັນ​ທີ 25-30 ມິ​ຖຸ​ນາ 2018 ທີ່​ສຽມ​ລຽບ  ຣາ​ຊະ​ອາ​ນາ​ຈັກ​ກຳ​ປູ​ເຈຍ. ສໍາລັບການ​ແຂ່ງ​ຂັນ​ລາຍ​ການ​ດັ່ງ​ກ່າວແບ່ງ​ອອກ​ເປັນ 6 ລຸ້ນ ໂດຍ​ສະ​ເພາະ ສ​ປ​ປ ລາວ ສົ່ງ​ເຂົ້າ​ຮ່ວມ 2 ລຸ້ນ​ປະ​ກອບ​ດ້ວຍ ທ່ານ ຕຸ້ຍ ໄຊ​ຍະ​ລາດ ຈະ​ລົງ​ແຂ່ງ​ຂັນ​ລຸ້ນ Men’s Bodybuilding ນ້ຳ​ໜັກ​ບໍ່​ເກີນ 65 ກິ​ໂລກ​ຣາມ ແລະ ນາງ ພອຍ​ໄພ​ລິນ ພັນ​ທະ​ລີ ຈະ​ລົງ​ແຂ່ງ​ຂັນ​ລຸ້ນ Women’s Model Physique ລວງ​ສູງບໍ່​ເກີນ 160 ຊັງ​ຕີ​ແມັດ.