ອາເຈນຕິນາ ຍັງມີລຸ້ນເຂົ້າຮອບ ! ໄນຈີເຣຍ ແລະ ໄອແລນ ມີຫວັງເໝືອນກັນ ບານໂລກ 2018 ກຸ່ມດີ
ສະຖານະການຂອງກຸ່ມດີມັນແນ່ນອນ ! ຫລັງຈາກວັນທີ 22 ໄນຈີເຣຍ ເອົາຊະນະນ້ອງໃຫມ່ ໄອແລນ 2-0 ຈາກສອງປະຕູຂອງ ອາເໝັດ ມຸສຊ້າ ນາທີ 49 ແລະ 75, ໄອແລນ ໄດ້ຈຸດໂທດນາທີ 83 ແຕ່ ກິວຟີ້ ຊີກູດສັນ ຍິງຂ້າມຄານ. ໄນຈີເຣຍ ຊະນະເປັນນັດທີ 2 ຈາກ 14 ນັດຫລັງສຸດໃນບານໂລກຮອບສຸດທ້າຍ.
ຄະແນນຂອງກຸ່ມນີ້ ຜ່ານໄປ 2 ນັດ, ໂຄຣເອເຊຍ ມີ 6 ຄະແນນ ເຂົ້າຮອບ 16 ທີມຮຽບຮ້ອຍ, ໄນຈີເຣຍ ມີ 3 ຄະແນນ, ໄອແລນ ແລະ ອາເຈນຕິນາ ມີ 1 ຄະແນນເທົ່າກັນ ທັງສາມທີມຍັງມີລຸ້ນເຂົ້າຮອບໃນນັດສຸດທ້າຍ.
ເງື່ອນໄຂການເຂົ້າຮອບຂອງ ອາເຈນຕິນາ ຕ້ອງຊະນະ ໄນຈີເຣຍ ແລະ ລຸ້ນໃຫ້ ໄອແລນ ບໍ່ຊະນະ ໂຄຣເອເຊຍ ຫລື ຖ້າ ໄອແລນ ຊະນະ ໂຄຣເອເຊຍ, ອາເຈນຕິນາ ຕ້ອງຊະນະ ໄນຈີເຣຍ ໃຫ້ຫລາຍຫນ່ວຍ ແລະ ລຸ້ນໃຫ້ ໄອແລນ ຊະນະ ໂຄຣເອເຊຍ ບໍ່ຂາດ ເພື່ອໃຫ້ປະຕູໄດ້ເສຍຂອງຕົນເອງດີກວ່າຄູ່ແຂ່ງ.
ຂະນະທີ່ ໄອແລນ ຖ້າຕ້ອງການເຂົ້າຮອບຕ້ອງຊະນະ ໂຄຣເອເຊຍ ໃຫ້ຫລາຍຫນ່ວຍ ແລະ ລຸ້ນໃຫ້ ໄນຈີເຣຍ ສະເໝີກັບ ອາເຈນຕິນາ ເພື່ອວັດທີ່ປະຕູໄດ້ເສຍ.
ສ່ວນ ໄນຈີເຣຍ ຖ້າຊະນະ ອາເຈນຕິນາ ເຂົ້າຮອບທັນທີ ຫລື ຖ້າ ສະເໝີ ຕ້ອງລຸ້ນໃຫ້ ໄອແລນ ບໍ່ຊະນະ ໂຄຣເອເຊຍ.
ນັດສຸດທ້າຍຂອງກຸ່ມນີ້ ຈະແຂ່ງຂັນໃນວັນທີ 26 ມິຖຸນານີ້ ໄອແລນ ພົບ ໂຄຣເອເຊຍ ແລະ ອາເຈນຕິນາ ພົບ ໄນຈີເຣຍ.
