ສິ່ງທີ່ຄວນຮູ້ ຫາກຢາກອອກກໍາລັງກາຍໃນຊ່ວງອາກາດຮ້ອນ

ການອອກກໍາລັງກາຍໃນສະພາບອາກາດກໍາລັງຮ້ອນອົບເອົ້ານັ້ນ ຈະເຮັດໃຫ້ຮ່າງກາຍຂອງເຮົາ​ເຮັດ​ວຽກໜັກຂຶ້ນ ແລະ ເຮັດໃຫ້ແຮ່ທາດຕ່າງໆໃນຮ່າງກາຍຂອງເຮົາຫຼຸດລົງຢ່າງວ່ອງໄວ, ເມື່ອເຮົາອອກກໍາລັງກາຍນັ້ນ ໂຕເຮົາຕ້ອງການການລະບາຍຄວາມຮ້ອນທີ່ຫຼາຍກວ່າປົກກະຕິ ແລະ ນີ້ຄືເຕັກນິກດີໆຍາມທີ່ຕ້ອງການອອກກໍາລັງກາຍທ່າມກາງອາກາດຮ້ອນອົບເອົ້າ:

1. ຂະນະອອກກໍາລັງກາຍເຮົາຄວນຈິບນໍ້າຊ້າໆເຂົ້າໄປທຸກໆ 15 ຫຼື 30 ນາທີ ເພື່ອຮັກສາອຸນຫະພູມໃນຮ່າງກາຍ
2. ຄວນນຸ່ງເສື້ອຜ້າອອກກໍາລັງກາຍທີ່ລະບາຍອາກາດໄດ້ດີ ຈະຊ່ວຍໃຫ້ຮ່າງກາຍຂອງເຮົາບໍ່ສະສົມຄວາມຮ້ອນຫຼາຍເກີນໄປ
3. ຄວນພົກຜ້າເຢັນໆມາໄວ້ເຊັດໂຕດ້ວຍ ວິທີນີ້ຈະຊ່ວຍລະບາຍຄວາມຮ້ອນໄດ້ໄວ ແລະ ດີຂຶ້ນ