ຍີ່ປຸ່ນ ເປັນທີມທຳອິດຈາກອາຊີ ສາມາດຊະນະ ທີມຈາກອາເມລິກາໃຕ້ ໃນບານໂລກຮອບສຸດທ້າຍ
ແຟນບານຊາວອາຊີ ແລະ ຍີ່ປຸ່ນເຮດັງທົ່ວທະວີບ ເມື່ອທີມຊາດຍີ່ປຸ່ນ 1 ໃນ 5 ຕົວແທນຈາກອາຊີ ສ້າງປະຫວັດສາດ ກາຍເປັນທີມທຳອິດຂອງອາຊີ ສາມາດຊະນະທີມຈາກອາເມລິກາໃຕ້ ໃນບານໂລກຮອບສຸດທ້າຍ ໂດຍຊະນະທີມຊາດໂຄລົມເບຍ ແບບວຸດວິດ 2-1. ຍີ່ປຸ່ນ ໄດ້ປຽບຜູ້ຫລິ້ນ 1 ຄົນຕັ້ງແຕ່ 3 ນາທີທຳອິດ ເມື່ອ ຄາຣລັອສ ຊານເຊັສ ກອງກາງໂຄລົມເບຍ ໃຊ້ແຂນກັນຈັງຫວະຍິງຂອງ ຊິນຈິ ຄາກາວະ ກຳມະການໃຫ້ໃບແດງທັນທີ ເປັນໃບແດງທຳອິດໃນບານໂລກຄັ້ງນີ້ ແລະ ເປັນ ຄາກາວະ ຮັບຫນ້າທີ່ສັງຫານຈຸດໂທດບໍ່ຜິດພາດ ໃນນາທີ 6.
ແຕ່ 10 ຄົນຂອງໂຄລົມເບຍ ສາມາດໄລ່ຕີສະເໝີ ຍີ່ປຸ່ນ 1-1 ຈາກການຍິງບານໄຫມຫນ້າເຂດໂທດສຸດງາມຂອງ ຮວນຄິນເຕໂຣ້ ນາທີ 39 ຈົບເຄິ່ງເວລາທີ 1 ສະເໝີກັນ 1-1.
ມາເຄິ່ງຫລັງ ຍີ່ປຸ່ນ ທີ່ໄດ້ປຽບຜູ້ຫລິ້ນ 1 ຄົນ ເດີນເກມບຸກຢ່າງຫນັກ ແລະ ມາໄດ້ປະຕູໄຊຈາກ Yuya Osako ກອງຫນ້າຈາກ ແວເດີ ເບຣເມັນ ນາທີ 73 ຈົບເກມ ຍີ່ປຸ່ນ ຊະນະ ໂຄລົມເບຍ 2-1 ກາຍເປັນທີມທີ 2 ຂອງອາຊີ ທີ່ສາມາດເກັບ 3 ຄະແນນນັດທີ 1 ໃນບານໂລກຄັ້ງນີ້ ຕໍ່ຈາກ ອີຣານ ຊະນະ ໂມຣັອກໂກ 1-0, ສ່ວນ ຊາອຸດິອາຣະເບຍ, ສ ເກົາຫລີ ແລະ ອົດສະຕຣາລີ ເສຍທັງສາມທີມ.
