ປະກອບຄຳເຫັນໃສ່ຮ່າງກົດໝາຍ ກ່ຽວກັບສ່ວຍສາອາກອນ

ເມື່ອບໍ່ດົນມານີ້, ກົມນະໂຍບາຍການເງິນ ແລະ ນິຕິກຳ,ກະຊວງການເງິນ. ໄດ້ ຈັດກອງປະຊຸມທາບທາມ ປະກອບຄຳ ເຫັນໃສ່ 3 ຮ່າງ ກົດໝາຍຄື: ຮ່າງກົດໝາຍ ວ່າດ້ວຍອາກອນລາຍໄດ້, ຮ່າງກົດໝາຍວ່າດ້ວຍອາ ກອນຊົມໃຊ້, ຮ່າງກົດໝາຍ ວ່າ ດ້ວຍການຄຸ້ມຄອງສ່ວຍ ສາອາກອນ. ທັງນີ້, ເພື່ອເຮັດ ໃຫ້ມີເນື້ອໃນຈະແຈ້ງ, ຄົບ ຖ້ວນ,ສອດຄ່ອງກັບຫຼັກການສ້າງນິຕິກຳ ແລະ ສະພາບ ເງື່ອນໄຂຄວາມເປັນຈິງຂອງປະເທດ,ພາຍໃຕ້ການເປັນ ປະທານຂອງທ່ານ ອາດສະ ພັງທອງ ສີພັນດອນ ຮອງ ລັດຖະມົນຕີກະຊວງການ ເງິນ, ມີບັນດາຫົວໜ້າພະ ແນກການເງິນ 6 ແຂວງ ເຂົ້າຮ່ວມ.

+ ສະພາຮັບຮອງກົດໝາຍວ່າດ້ວຍການຄຸ້ມຄອງໜີ້ສິນສາທາລະນະສະບັບສ້າງໃໝ່

+ ສະພາຮັບຮອງຮ່າງກົດໝາຍວ່າດ້ວຍທະບຽນຄອບຄົວສະບັບປັບປຸງໃໝ່

ທ່ານ ອາດສະພັງທອງ ສີພັນດອນ ກ່າວວ່າ: 3 ຮ່າງ ກົດໝາຍໃນຂົງເຂດສ່ວຍ ສາອາກອນນີ້, ແມ່ນແຍກ ຈາກກົດໝາຍສ່ວຍສາອາ ກອນສະບັບປັດຈຸບັນເພື່ອໃຫ້ ມີຄວາມຈະແຈ້ງ, ຄົບຖ້ວນ ແລະ ສອດຄ່ອງກັບນິຕິກຳ ອື່ນໆແລະສະພາບການເຕີບໃຫຍ່ທາງດ້ານເສດຖະກິດ- ສັງຄົມໃນປັດຈຸບັນ ແລະ ອະ ນາຄົດ; ເພື່ອເປັນການສືບ ຕໍ່ຈັດຕັ້ງປະຕິບັດຕາມແນວ ທາງນະໂຍບາຍຂອງພັກ- ລັດຖະບານໃນການຫັນ ການຄຸ້ມຄອງລັດ-ຄຸ້ມຄອງ ສັງຄົມດ້ວຍລະລຽບກົດ ໝາຍໃຫ້ນັບມື້ໜັກແໜ້ນ ພ້ອມທັງເປັນການຈັດຕັ້ງ ຜັນຂະຫຍາຍວິໄສທັດ 2030, ຍຸດທະສາດພັດ ທະນາການເງິນແຫ່ງລັດ ຮອດປີ 2025, ແຜນປະ ຕິຮູບລະບົບຄຸ້ມຄອງການ ເງິນແຫ່ງລັດຮອດປີ 2020, ຂອງຂະແໜງການ ເງິນຂອງພວກເຮົາທີ່ໄດ້ ກຳນົດການສ້າງ ແລະ ປັບ ປຸງນິຕິກຳຂະແໜງການ ເງິນໃຫ້ມີຄວາມຄົບຊຸດ, ມີ ຄວາມສອດຄ່ອງກັບການ ຂະຫຍາຍຕົວຂອງເສດ ຖະກິດ-ສັງຄົມໃນປັດຈຸບັນ ແລະ ສາມາດເຊື່ອມໂຍງ ກັບພາກພື້ນ ແລະ ສາກົນ.

ສ້າງທ່າແຮງທາງ ດ້ານລາຍຮັບໃຫ້ມີຄວາມໝັ້ນທ່ຽງ,ມີຖານລາຍຮັບທີ່ຮັບປະກັນຕໍ່ການປະຕິ ບັດພັນທະເຂົ້າງົບປະມານ ແຫ່ງລັດ, ເຊິ່ງໃນໄລຍະ ຜ່ານມາລາຍຮັບສ່ວຍສາ ອາກອນເປັນລາຍຮັບທີ່ ເປັນອັນດັບ 1 ຂອງລາຍ ຮັບພາຍໃນເຊິ່ງກວມເອົາ ປະມານ 50% ຂຶ້ນໄປຂອງ ລາຍຮັບພາຍໃນ ຫຼື ຢູ່ໃນລະ ດັບ 9% ຂອງGDP.

ທ່ານ ບຸນເຫຼືອ ສິນໄຊ ວໍຣະວົງ ຫົວໜ້າກົມນະໂຍ ບາຍການເງິນ ແລະ ນິຕິກໍາ ກ່າວວ່າ: ຮ່າງກົດໝາຍ 3 ສະ ບັບໄດ້ສະເໜີສະພາບການ ເຕີບໃຫຍ່ຂອງເສດຖະກິດ, ເພື່ອຄວາມສະດວກໃນການຄຸ້ມຄອງ ແລະ ຈັດຕັ້ງປະຕິ ບັດ, ພ້ອມທັງເປັນການປັບ ປຸງກົນໄກການຄຸ້ມຄອງ ແລະ ຈັດເກັບລາຍຮັບສ່ວຍສາອາກອນໃຫ້ມີປະສິດທິພາບກວ່າເກົ່າ, ເຊິ່ງໄດ້ກຳນົດຫຼັກການ, ລະບຽບການ, ວິທີການ ແລະ ມາດຕະການ ເພື່ອຄຸ້ມຄອງ ແລະ ກວດກາວຽກງານສ່ວຍ ສາອາກອນແຕ່ລະປະເພດ, ຊຸກຍູ້ສົ່ງເສີມການຜະລິດທຸ ລະກິດໃຫ້ມີການຂະຫຍາຍ ຕົວຢ່າງແຂງແຮງແນ່ໃສ່ຮັບປະກັນການເກັບພັນທະອາ ກອນເຂົ້າງົບປະມານແຫ່ງ ລັດໃຫ້ຖືກຕ້ອງ, ຄົບຖ້ວນ, ປະ ກອບສ່ວນເຂົ້າໃນການພັດ ທະນາເສດຖະກິດ-ສັງຄົມ ຂອງຊາດໃຫ້ມັ່ງຄັ່ງເຂັ້ມແຂງ ຂຶ້ນເທ່ືອລະກ້າວ.