ບາເຊໂລນາ ສ້າງປະຕິຫານຖະຫລົ່ມ ປາຣິສ ແຊັງແຊັກແມງ 6-1 ຜ່ານເຂົ້າຮອບທີມຸດທ້າຍ ຢູຟາ ແຊ໊ມປຽນລີກ

ການແຂ່ງຂັນເຕະບານ ຢູ ຟາ ແຊ໊ມປຽນລີກ ຮອບ 16 ທີມ ສຸດທ້າຍນັດທີ 2 ໃນວັນພຸດຜ່ານ ມາ ບາເຊໂລນາ ເປີດສະໜາມ ຄຳນູ ສ້າງປະຕິຫານພິກສະຖານະການຈາກເສຍໄປກ່ອນໃນນັດທຳອິດ 0-4 ປະຕູ ເລັ່ງເຄື່ອງໄລ່ຖະຫລົ່ມ ປາຣິສ ແຊັງແຊັກແມງ ໄປ 6-1 ປະຕູ ກັບມາແຊງຜ່ານເຂົ້າຮອບ 8 ທີມສຸດທ້າຍໄດ້ຢ່າງເຫລືອເຊື່ອ.

ບາເຊໂລນາ ໄດ້ປະຕູຈາກ ຫລຸຍ ຊົວເຣດ ໃນນາທີ 3, ເລ ແວງ ຄູກຊາວາ  ເຮັດເຂົ້າປະຕູຕົວເອງໃນນາທີ 40, ລິໂອເນລ ເມສຊີ ໃນນາທີ 50 (ຈຸດໂທດ), ເນມາ ໃນນາທີ 88 ແລະ 90 (ຈຸດໂທດ), ເຊກີ ໂຣແບໂຕ ໄລຍະຕໍ່ເວລານາທີ 96 ທາງ ປາຮິສ ແຊັງແຊັກແມງ ໄດ້ປະຕູຕີໄຂ່ແຕກຈາກ ເອດິນສັນ ຄາວານີ ນາທີ 62 ລວມຜົນການແຂ່ງຂັນ 2 ນັດ ບາເຊໂລນາ ຊະນະ ປາຣິສ ແຊັງແຊັກແມງ 6-5 ຜ່ານເຂົ້າສູ່ຕໍ່ໄປໄດ້ຢ່າງສຸດ​ຍອດ.