ປະກາດເຈົ້າພາບບານໂລກ 2026 ຈັບມືກັນ 3 ປະເທດ

ອາ​ເມ​ລິ​ກາ, ​​ເມັກ​ຊິ​ໂກ ​ແລະ ກາ​ນາ​ດາ ຈະ​ຈັບ​ມື​ກັນ​ເປັນ​ເຈົ້າພາບ​ບານ​ໂລກ 2026 ຫລັງ​ຈາກ​ຊະນະ​ລົງ​ຄະ​ແນນ​ໂດຍ​ສະມາຊິກສະຫະພັນ​ບານ​ເຕະ​ນາໆ​ຊາດ ຫລື ຟີ​ຟາ ​ໃນ​ວັນ​ທີ 13 ມິຖຸນາ​ນີ້.

3 ປະ​ເທດ​ຈາກ​ອາ​ເມ​ລິ​ກາ​ເໜືອ ​ໄດ້​ຄະ​ແນນ​ໂຫວດ​ເຖິງ 134 ຈາກ​ທັງ​ໝົດ 203 ຈາກ​ການ​ລົງມະຕິ​ຂອງ​ສະມາຊິກ ຟີ​ຟາ ທີ່​ນະຄອນຫລວງ​ມອສ​ໂກ ປະ​ເທດຣັດ​ເຊຍ ​ໂດຍ​ເອົາ​ຊະນະ ​ໂມຣ໊ອກ​ໂກ ທີ່​ໄດ້ 65 ສຽງ​ໄປ.

ທັງ​ນີ້ ຖື​ວ່າ​ມະຫາ​ກຳ​ລູກ​ໜັງ​ແຫ່ງ​ມວນ​ມະນຸດຊາດ ຈະ​ກັບ​ໄປ​ຈັດ​ໃນ​ທະວີບອາ​ເມ​ລິ​ກາ​ເໜືອ​ເປັນຄັ້ງທຳ​ອິດ​ນັບ​ແຕ່​ປີ 1994 ​ເຊິ່ງຈັດ​ທີ່​ປະ​ເທດ​ສະຫະລັດ​ອາ​ເມ​ລິ​ກາ.