ແກ່ນທ້າວມີທ່າແຮງທາງດ້ານກະສິກຳ 6 ເດືອນສົ່ງອອກຫລາຍກວ່າ 10 ລ້ານໂດລາສະຫະລັດ
ຫ້ອງການອຸດສາຫະ ກຳແລະການຄ້າເມືອງ ແກ່ນທ້າວໄດ້ໃຫ້ຮູ້ວ່າ: ໃນ ໄລຍະ 6 ເດືອນຕົ້ນປີນີ້, ຫ້ອງ ການອຸດສາຫະກໍາ ແລະ ການຄ້າເມືອງພວກເຮົາໄດ້ອະນຸຍາດອອກໃບຢັ້ງຢືນ ແຫຼ່ງກໍາເນີດສິນຄ້າໃຫ້ແກ່ ຊາວກະສິກອນ ແລະ ຜູ້ປະ ກອບການ ເພື່ອສ້າງຄວາມ ສະດວກໃຫ້ແກ່ການຈຳໜ່າຍພາຍໃນແລະຕ່າງປະ ເທດ, ເຊິ່ງໄດ້ອະນຸຍາດ ສິນຄ້າອອກຕ່າງປະເທດ 130.000 ກວ່າໂຕນມູນ ຄ່າ 10 ລ້ານກວ່າໂດລາ ສະຫະລັດ.
+ ຄຳມ່ວນໄດ້ເກີນດູນການຄ້າຫລາຍກວ່າ 56 ລ້ານໂດລາໃນສົກປີຜ່ານມາ
+ ສິນຄ້າຄຸ້ມຄອງ 3 ລາຍການອາດຈະຖືກຍົກເລີກການອອກໃບອະນຸຍາດນຳເຂົ້າ ແລະ ສົ່ງອອກ
ທຽບໃສ່ໄລຍະດຽວກັນຂອງປີຜ່ານມາປະຕິບັດ ໄດ້ 86 %, ໃນນີ້ສາລີ, ມັນ ຕົ້ນດິບ, ມັນຕົ້ນແຫ້ງ 62.350 ໂຕນມູນຄ່າ 6.858.500 ໂດລາ, ຖົ່ວ ແດງ, ຖົ່ວດິນຝັກຂິງດໍາ ແຫ້ງ, ໝາກເດືອຍ, ງາ, ແກນສາລີ, ເຈ້ຍສົດ ແລະ ດິນຂໍ.
ນອກນັ້ນ, ຍັງໄດ້ອອກ ໃບຢັ້ງຢືນແຫຼ່ງກຳເນີດສິນ ຄ້າ ເພື່ອຈຳໜ່າຍພາຍໃນ ແຂວງແລະຕ່າງແຂວງ ໄດ້ ເກີນ 4 ຕື້ກີບ. ໃນນີ້ອອກ ໃບຢັ້ງຢືນແຫຼ່ງກໍາເນີດສິນ ຄ້າພາຍໃນແຂວງ 1.771 ລ້ານກີບ, ມີໝູ 82 ໂຕ, ງົວ 75, ຄວາຍ 366; ສະເພາະ ອອກໄປຕ່າງແຂວງມູນຄ່າ1.119ລ້ານກີບ,ໃນນີ້ມີງົວ 96 ໂຕ, ຄວາຍ 45 ໂຕ, ເຂົ້າ ເປືອກ 189.000 ໂຕນ, ຖົ່ວແດງ 105.000 ໂຕນ.
