ເງິນລາງວັນບານໂລກ 2018
June 13, 2018 - 5:26 PM
ສະຫະພັນບານເຕະນາໆຊາດ ຫລື ຟີຟາ ໄດ້ອອກມາເປີດເຜີຍເງິນລາງວັນການແຂ່ງຂັນບານໂລກ 2018 ຄັ້ງນີ້ ເຊິ່ງມີເງິນລາງວັນລວມຫລາຍກວ່າ 400 ລ້ານໂດລາສະຫະລັດ ເຊິ່ງຖືເປັນເງິນລາງວັນຫລາຍທີ່ສຸດເປັນປະຫວັດສາດ.
ໂດຍທີມແຊ້ມຈະໄດ້ຮັບເງິນລາງວັນສູງເຖິງ 38 ລ້ານໂດລາສະຫະລັດ, ສ່ວນຮອງແຊ້ມຮັບເງິນລາງວັນ 28 ລ້ານໂດລາສະຫະລັດ. ຂະນະທີ່ອັນດັບ 3 ໄດ້ 24 ລ້ານໂດລາສະຫະລັດ ແລະ ອັນດັບ 4 ໄດ້ 22 ລ້ານໂດລາສະຫະລັດ.
ສ່ວນທີມເຂົ້າຮອບ 8 ທີມສຸດທ້າຍ ໄດ້ 16 ລ້ານໂດລາສະຫະລັດ, ສ່ວນທີມທີ່ຕົກຮອບ 16 ທີມສຸດທ້າຍໄດ້ 12 ລ້ານໂດລາສະຫະລັດ ແລະ ທີມທີ່ຕົກຮອບທຳອິດຍັງໄດ້ເງິນລາງວັນ 8 ລ້ານໂດລາສະຫະລັດ.
