ບ້ານມົກຕົ້ນ ກຸ່ມສຳພັນໄຊ ເມືອງຫລາ ແຂວງອຸດົມໄຊ ໄດ້ຂົວຂ້າມນ້ຳແລ້ວ
ເມື່ອບໍ່ດົນມານີ້, ຢູ່ບ້ານ ມົກຕົ້ນ ກຸ່ມສໍາພັນໄຊ ເມືອງ ຫລາ ແຂວງອຸດົມໄຊ ໄດ້ມີ ພິທີມອບ-ຮັບຂົວເບຕົ່ງເສີມ ເຫຼັກໃຫ້ແກ່ປະຊາຊົນບ້ານ ດັ່ງກ່າວເປັນຜູ້ຄຸ້ມຄອງນຳ ໃຊ້, ໂດຍມີ ທ່ານ ນາງ ສົມລີ ສີອ່ອນຕາ ຮອງເຈົ້າເມືອງ ຫລາ, ຜູ້ຊີ້ນຳວຽກງານກອງ ທຶນຫລຸດຜ່ອນຄວາມທຸກ ຍາກເມືອງ, ມີຫົວໜ້າຫ້ອງ ການ ທລຍ ແຂວງອຸດົມໄຊ ພ້ອມດ້ວຍອຳນາດການປົກ ຄອງ ແລະ ປະຊາຊົນພາຍ ໃນບ້ານເຂົ້າຮ່ວມຢ່າງພ້ອມພຽງ.
+ ຂົວປາກຊາວເມືອງໝື່ນຫັກເຮັດໃຫ້ການສັນຈອນເສັ້ນທາງເລກທີ 11 ເປັນອຳມະພາດຫລາຍຊົ່ວໂມງ
+ ເລີ່ມກໍ່ສ້າງຂົວຂ້າມນ້ຳຂອງເຊື່ອມຈອດລະຫວ່າງເມືອງປາກທາ ແຂວງບໍ່ແກ້ວ-ເມືອງຄອບແຂວງໄຊຍະບູລີ
ຂົວດັ່ງກ່າວ ແມ່ນໄດ້ຮັບ ການສະໜັບສະໜຸນງົບປະມານ ກໍ່ສ້າງຈາກກອງທຶນ ຫຼຸດຜ່ອນຄວາມທຸກຍາກ (ທລຍ) ໃນຮອບວຽນ 15 ປີ 2018 ທີ່ມີມູນຄ່າທັງໝົດ 276 ລ້ານກວ່າກີບ, ໃນນັ້ນ ທຶນ ທລຍ ແມ່ນ 265 ລ້ານ ກວ່າກີບ ແລະ ທຶນປະກອບ ສ່ວນຂອງຊຸມຊົນຈຳນວນ 11 ລ້ານກີບ ເຊິ່ງເລີ່ມລົງມື ກໍ່ສ້າງມາແຕ່ວັນທີ 1 ເມສາ 2018 ແລະ ສໍາເລັດໃນວັນທີ 17 ພຶດສະພາ 2018.
ທ່ານ ນາຍບ້ານມົກຕົ້ນ ໃຫ້ຮູ້ວ່າ: ປະຊາຊົນພາຍໃນ ບ້ານແມ່ນມີຄວາມດີໃຈ ຫລາຍທີ່ໄດ້ມີຂົວມາດຕະ ຖານຊົມໃຊ້, ຜ່ານມາປະ ຊາຊົນ ພົບຄວາມຫຍຸ້ງຍາກ ຫລາຍ ໃນການເດີນທາງ ໄປມາໃນການຂ້າມຫ້ວຍ ນ້ຳໂດຍສະເພາະແມ່ຍິງ ແລະ ເດັກນ້ອຍບໍ່ສາມາດ ໄປໄດ້ແຕ່ລະປີໄດ້ນຳພາ ປະຊາຊົນຕັດໄມ້ມາເຮັດ ຂົວແບບປະຖົມປະຖານ ເວລາຝົນຕົກນໍ້ານອງຂົວ ກໍຖືກນໍ້າຊຸກໜີໄປເຮັດໃຫ້ ພົບຄວາມຫຍຸ້ງຍາກໃນ ການໄປມາ, ແຕ່ພໍໄດ້ຂົວ ໃໝ່ທີ່ແໜ້ນໜາຖາວອນ ແລ້ວຕໍ່ໄປພວກເຮົາຈະ ພ້ອມກັນປົກປັກຮັກສາຂົວ ນີ້ໃຫ້ດີທີ່ສຸດ ແລະ ຂໍຂອບ ໃຈນຳພັກ- ລັດຂັ້ນເທິງກໍຄື ທລຍທີ່ ເປັນຫ່ວງເປັນໄຍ ແລະ ໃຫ້ການຊ່ວຍເຫຼືອ ໃຫ້ການດຳລົງຊີວິດຂອງ ປະຊາຊົນນັບມື້ດີຂຶ້ນ./.
