ລົງນາມບົດບັນທຶກຄວາມເຂົ້າໃຈໂຄງການພັດທະນາລະບົບກະສິກຳເປັນສິນຄ້າທັນສະໄໝ

    ພິທີລົງນາມບົດບັນທຶກຄວາມເຂົ້າໃຈເພື່ອສຶກສາຄວາມເປັນໄປໄດ້ເພື່ອກໍ່ສ້າງໂຄງການພັດທະນາລະບົບກະສິກຳເປັນສິນຄ້າທັນສະໄໝລະຫວ່າງກົມປູກຝັ່ງ ແລະ ບໍລິສັດ ຊວນເຢລາວ ຈຳກັດໄດ້ມີຂື້ນໃນວັນທີ 25 ເມສານີ້ທີ່ກະຊວງກະສິກໍາ-ປ່າໄມ້ລະຫວ່າງທ່ານ ໄຊປລາເດດ ຈຸລະມະນີ ຫົວໜ້າກົມແຜນ ການ ແລະ ການຮ່ວມມືກະຊວງກະສິກຳ ແລະ ປ່າໄມ້ ແລະ ທ່ານ ສູກົວອູ ປະທານບໍລິສັດ ຊວນເຢລາວ ຈຳກັດ, ໂດຍໃຫ້ກຽດເຂົ້າຮ່ວມເປັນສັກຂີພະຍານຂອງທ່ານ ລຽນ ທິແກ້ວ ລັດຖະມົນຕີກະຊວງກະສິກໍາ-ປ່າໄມ້, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ກົມປູກຝັ່ງໃຫ້ຮູ້ວ່າ: ການລົງນາມບົດບັນທຶກຄັ້ງນີ້ແນ່ໃສ່ສ້າງພື້ນຖານໂຄງລ່າງດ້ານການພັດທະນາລະບົບກະສິກຳໃຫ້ທັນສະໄໝໃນອະນາຄົດ, ໄປຄຽງຄູ່ກັບການນຳໃຊ້ເສັ້ນທາງລົດໄຟລາວ-ຈີນ ໃຫ້ເກີດຜົນປະໂຫຍດສູງສຸດ, ໂດຍ ສະເພາະແມ່ນການຈັດການຜະລິດຢ່າງເປັນລະບົບຕິດພັນກັບການປຸງແຕ່ງຊຶ່ງຈະໄດ້ສ້າງພື້ນຖ່ານໂຄງລ່າງເຊັ່ນ: ລານຕາກຜົນຜະລິດ, ສາງເກັບມ້ຽນ, ຫ້ອງຄົ້ນຄ້ວາ ລວມທັງຫ້ອງວາງສະແດງ ແລະ ຈຸດຄ່ຽນຖ່າຍສິນຄ້າເພື່ອສົ່ງອອກຢ່າງເປັນລະບົບຄົບຊຸດ.