ບໍລິສັດບົວລະພາ ແລະ ສະໂຕຣາ ຈັດກິດຈະກຳປູກໄມ້

ເນື່ອງໃນໂອກາດວັນ ປູກຕົ້ນໄມ້ແຫ່ງຊາດ ທີ1ມິຖຸນາ, ບໍລິສັດບົວລະພາ ກະສິກຳ-ປ່າໄມ້ ຈຳກັດ ແລະ ບໍລິສັດ ສະໂຕຣາ ເອັນໂຊ ລາວ ຈຳກັດໄດ້ ຮ່ວມກັນຈັດ ພິທີປູກຕົ້ນໄມ້ຢູ່ທີ່ສວນທົດ ລອງ ບ້ານແສນອຸດົມ,ເມືອງ ໄຊທານີ, ນະຄອນຫຼວງວຽງ ຈັນ, ຂຶ້ນໃນອາທິດຜ່ານມາ ນີ້,ໂດຍມີທ່ານ ອາລຸນແກ້ວ ກິດຕິຄຸນ ລັດຖະມົນຕີປະ ຈຳສຳນັກງານນາຍົກລັດຖະ ມົນຕີ, ທ່ານ ສະເຕຟານ ເຮີ ສະຕຣອມ ເອກອັກຄະລັດຖະທູດຊູແອັດປະຈຳລາວ, ພ້ອມ ດ້ວຍແຂກຖືກເຊີນພະນັກ ງານບໍລິສັດເຂົ້າຮ່ວມຢ່າງ ຫຼວງຫຼາຍ.

+ ຄະນະທ່ານທູດ ອີຢູ ຢ້ຽມຢາມສວນປູກໄມ້ວິກ ແລະ ໂຮງງານເຟີນິເຈີບໍລິສັດ ບົວລະພາ

+ ການປູກໄມ້ຢູ່ແຂວງເຊກອງ ໄດ້ເປັນຂະບວນຟົດຟື້ນດີ

ໄມ້ທີ່ນຳມາປູກມີ 4 ສາຍ ພັນເຊັ່ນ:ໄມ້ດູ່ລາຍ, ແຕ້ຂ່າ, ຂະຍູງ ແລະ ໄມ້ສັກ ຈຳນວນ ຫຼາຍພັນເບ້ຍ,ໃນເນື້ອທີ່1,5ເຮັກຕາ ທ່ານ ນາງ ສຸໄພວັນ ທ່ຽງຈັນໄຊ ຮອງຜູ້ອຳນວຍ ການບໍລິສັດບົວລະພາກະສິ ກໍາ-ປ່າໄມ້ ຈຳກັດກ່າວວ່າ: ໃນທຸກໆປີແມ່ນໄດ້ມີການກ້າເບ້ຍໄມ້ຫຼາຍລ້ານຕົ້ນ, ສະ ເພາະໃນປີນີ້ສາມາດກ້າໄດ້ ແລ້ວ 1,9 ລ້ານເບ້ຍ ແລະ ຈະ ນຳໄປປູກແບບມີສ່ວນຮ່ວມກັບປະຊາຊົນຢູ່ 3 ແຂວງ ຄື: ນະຄອນຫຼວງວຽງຈັນ, ແຂວງວຽງຈັນ ແລະ ແຂວງ ໄຊຍະບູລີ.ມາຮອດປັດຈຸບັນ ບໍລິສັດໄດ້ປູກ ແລ້ວໃນເນື້ອ ທີ່ 4 ພັນກວ່າເຮັກຕາ.

ນອກນີ້ ທາງບໍລິສັດຍັງ ໄດ້ເນັ້ນເລື່ອງສີມືແຮງງານ ໂດຍອີງໃສ່ຕະຫຼາດສາກົນ ທີ່ສັ່ງຊື້ ເຮັດໃຫ້ສິນຄ້າ ໄດ້ສົ່ງ ອອກໄປຫຼາຍກວ່າ 20 ປະ ເທດເປັນຕົ້ນແມ່ນ ໄມ້ປູພື້ນ, ຜະລິດຕະພັນສຳເລັດຮູບຈຳນວນໜຶ່ງ ແລະ ພ້ອມຈະສ້າງ ໂຮງງານຝານ-ໄມ້ອັດໃນປີນີ້ເພື່ອສົ່ງອອກໄປຈີນ ສະນັ້ນ ຈິ່ງໄດ້ກະກຽມແຫຼ່ງວັດຖຸ ດິບທີ່ພຽງພໍສຳລັບປ້ອນ ໂຮງງານນີ້.