ລັດຖະບານຈະສູ້ຊົນແກ້ໄຂຂໍ້ຄົງຄ້າງຕ່າງໆ ໃນຂົງເຂດວັດທະນະທຳ-ສັງຄົມ ໃຫ້ດີຂຶ້ນເທື່ອລະກ້າວ
ຕາມການລາຍງານ ຂອງທ່ານ ນາຍົກຍົກລັດຖະ ມົນຕີ ທອງລຸນ ສີສຸລິດ ໃຫ້ຮູ້ ວ່າ: ລັດຖະບານໄດ້ສືບຕໍ່ເອົາ ໃຈໃສ່ ວຽກງານໃນຂົງເຂດ ວັດທະນະທໍາ-ສັງຄົມ, ໂດຍ ໄດ້ຍົກສູງຄຸນນະພາບການ ສຶກສາ ເຮັດໃຫ້ສາມາດບັນລຸ ບາງຕົວເລກຄາດໝາຍ, ໃນ ນີ້ ພົ້ນເດັ່ນແມ່ນ ອັດຕາການ ປະລະການຮຽນຂອງນັກ ຮຽນ ປ1 ຫຼຸດລົງເຫຼືອ 5,8% (ຕົວເລກຄາດໝາຍ 6,5%), ອັດຕາການເຂົ້າ ຮຽນຂອງເດັກ 5 ປີ ເພີ່ມ ຂຶ້ນຈາກ 74,4% ເປັນ77,1% (ຕົວເລກຄາດ ໝາຍແມ່ນ 76%). ໄດ້ສືບ ຕໍ່ປັບປຸງຄຸນນະພາບການ ບໍລິການສາທາລະນະສຸກ, ປ້ອງກັນພະຍາດລະບາດ ຕາມລະດູການເຮັດ ໃຫ້ບັນ ດາຕົວເລກຄາດໝາຍທາງ ດ້ານສາທາລະນະສຸກບັນລຸ ໄດ້ຄື: ອັດຕາການຕາຍຂອງ ເດັກນ້ອຍລຸ່ມ 5 ປີ ຫຼຸດລົງ ຈາກ 53 ຕໍ່1.000 ຍັງເຫຼືອ 46 ຕໍ່1.000 (ຕົວເລກຄາດ ໝາຍ 51/1000), ອັດຕາ ສ່ວນເດັກນ້ອຍລຸ່ມ 5 ປີທີ່ມີ ນໍ້າໜັກຕ່ຳກວ່າມາດຕະຖານ ຫຼຸດລົງ 0,9% ຈາກ 22% ຍັງເຫຼືອ 21,1% (ຕົວເລກ ຄາດໝາຍ 21%). ນອກນີ້, ຍັງໄດ້ເອົາໃຈໃສ່ພັດທະນາ ສີມືແຮງງານ, ປົກປ້ອງສິດ ຜົນປະໂຫຍດຂອງຜູ້ໃຊ້ແຮງ ງານ ແລະ ຜູ້ອອກແຮງງານ ໂດຍໄດ້ປັບປຸງຄ່າແຮງງານ ຂັ້ນຕໍ່າຈາກ 9 ແສນກີບ ມາ ເປັນ 1.100.000 ກີບ, ພ້ອມ ທັງ ສົ່ງເສີມການອະນຸລັກ ແລະ ເສີມຂະຫຍາຍຄຸນຄ່າ ວັດທະນະທໍາຂອງຊາດ, ເຊິ່ງໃນປີ 2018 ນີ້, ອົງການ ອຸຍເນສໂກໄດ້ຮັບຮອງສຽງ ແຄນລາວ ເປັນມໍລະດົກໂລກ ທາງດ້ານວັດທະນະທໍາ, ພ້ອມ ນີ້, ລັດຖະບານກໍສືບຕໍ່ສະ ເໜີໃຫ້ອົງການອຸຍເນສ ໂກ ຮັບຮອງເອົາທົ່ງໄຫຫີນ ແຂວງ ຊຽງຂວາງ ເປັນມໍລະ ດົກໂລກທາງດ້ານປະຫວັດ ສາດ ແລະ ຮອງຮັບເອົາປ່າ ສະຫງວນຫີນໜາມໜໍ່ເຂົ້າ ເປັນມໍລະດົກໂລກທາງທໍາ ມະຊາດ.
+ ລັດຖະບານຮ່ວມມືກັບເຄືອຂ່າຍພາກທຸລະກິດເພື່ອສົ່ງເສີມວຽກງານໂພຊະນາການ
+ ເຫັນພ້ອມກັບ 9 ຂໍ້ສະເໜີ ຂອງສະພາຕໍ່ລັດຖະບານ
ທ່ານນາຍົກໃຫ້ຮູ້ວ່າ: ເຖິງວ່າວຽກງານໃນຂົງເຂດດັ່ງກ່າວ ຈະສາມາດບັນລຸ ບາງຕົວເລກຄາດໝາຍ, ແຕ່ ຍັງເຫັນວ່າມີຂໍ້ບົກບ່ອງຫຼາຍຢ່າງເຊັ່ນ: ການປະລະການ ຮຽນຂອງນັກຮຽນຊັ້ນມັດ ທະຍົມຕອນຕົ້ນ ແລະ ຕອນ ປາຍ ຍັງສູງຖ້າທຽບໃສ່ຄາດ ໝາຍທີ່ວາງໄວ້, ການພັດ ທະນາການສຶກສາຢູ່ເຂດຊົນນະບົດຫ່າງໄກສອກຫຼີກຍັງ ບໍ່ທັນບັນລຸຕາມແຜນການ ເປັນຕົ້ນແມ່ນໂຄງລ່າງພື້ນ ຖານ, ການຂະຫຍາຍໂອກາດ ໃຫ້ເດັກນ້ອຍໃນເກນອາຍຸ ໄດ້ເຂົ້າຮຽນກຽມຄວາມພ້ອມ ກ່ອນເຂົ້າຮຽນຊັ້ນປະຖົມ, ການແກ້ໄຂຄູອາສາສະໝັກ, ຄຸນນະພາບການຮຽນ-ການສອນຍັງເປັນບັນຫາທີ່ຈະ ຕ້ອງສຸມໃສ່ແກ້ໄຂ ແລະ ດ້ານ ສາທາລະນະສຸກ ຍັງເຫັນວ່າ ອັດຕາການສັກຢາກັນພະ ຍາດຢູ່ບາງແຂວງຍັງຕໍ່າ, ການຂາດສານອາຫານຊໍ້າ ເຮື້ອ, ຈໍານວນການຕາຍຂອງ ແມ່ ແລະ ເດັກນ້ອຍລຸ່ມ 1 ປີ ແລະ 5 ປີ ຢູ່ບາງແຂວງຍັງ ສູງ, ອັດຕາການຊົມໃຊ້ນໍ້າ ສະອາດ, ວິດຖ່າຍໃນໂຮງ ຮຽນຍັງຕ້ອງໄດ້ເອົາໃຈໃສ່ ຕື່ມ.
ພ້ອມນີ້, ດ້ານການພັດ ທະນາສືມືແຮງງານ, ສະໜອງ ແຮງງານເຂົ້າສູ່ຕະຫຼາດແຮງ ງານທັງພາຍໃນ ແລະ ຕ່າງ ປະເທດຍັງບໍ່ທັນສາມາດ ຕອບສະໜອງຕາມຄວາມ ຕ້ອງການ, ການປະຕິບັດ ນະໂຍບາຍຕໍ່ຜູ້ມີຜົນງານ ແລະ ຄຸນງາມຄວາມດີ ໃນພາ ລະກິດປະຕິວັດ ປະຕິບັດບໍ່ໄດ້ ຕາມແຜນຍ້ອນງົບປະມານ ຈໍາກັດ ແລະ ບາງກໍລະນີກໍຊໍ້າ ຊ້ອນ, ການກວດກູ້ລະເບີດ ອອກຈາກພື້ນທີ່ການພັດທະ ນາ ຍັງບໍ່ບັນລຸຕາມຄາດໝາຍ ທີ່ວາງໄວ້. ນອກນີ້, ການປະ ຕິບັດຄາດໝາຍໃຫ້ນັກທ່ອງ ທ່ຽວເຂົ້າມາທ່ຽວລາວໃນ 3 ເດືອນຕົ້ນປີ ບັນລຸໄດ້ ຈໍານວນ 1.067.401 ເທື່ອຄົນ ຫຼືເທົ່າ ກັບ 20,53% ຂອງແຜນ ການປີ ແລະ ສຳລັບທິດທາງ ແຜນການໃນ 6 ເດືອນທ້າຍ ປີ, ລັດຖະບານຈະສືບຕໍ່ຈັດ ຕັ້ງປະຕິບັດນະໂຍບາຍສ້າງ ການເຕີບໃຫຍ່ວຽກງານໃນ ຂົງເຂດວັດທະນະທໍາ-ສັງຄົມ ໂດຍອີງໃສ່ກຳລັງແຮງສັງ ລວມທົ່ວຂົງເຂດດັ່ງກ່າວໂດຍ ຈະສືບຕໍ່ເອົາໃຈໃສ່ແກ້ໄຂ ຂອດການບໍລິການອໍານວຍ ຄວາມສະດວກໃຫ້ແກ່ວຽກ ງານການທ່ອງທ່ຽວເປັນຕົ້ນ ຂັ້ນຕອນການອະນຸຍາດເຂົ້າ- ອອກເມືອງ, ຄ່າບໍລິການອາ ຫານ-ທີ່ພັກ, ຄ່າຂົນສົ່ງ ແລະ ຄ່າບໍລິການສະຖານທີ່ທ່ອງ ທ່ຽວ, ພ້ອມທັງຈະສືບຕໍ່ເອົາ ໃຈໃສ່ແກ້ໄຂບັນຫາຄູ ແລະ ອາສາສະໝັກຄູທີ່ມີລັກສະນະ ເຫຼືອບໍ່ພໍຢູ່ເຂດຊາຍແດນ, ຊົນ ນະບົດ ແລະ ຫ່າງໄກສອກ ຫຼີກໃຫ້ຖືກຕ້ອງຕາມສາຍວິ ຊາສະເພາະ ແລະ ຮັບປະກັນ ຄຸນນະພາບຂອງການຮຽນ-ການສອນໃຫ້ມີປະສິດທິຜົນ ກວ່າເກົ່າ./.
