4 ປັດໄຈທີ່ເຮັດໃຫ້ເກີດສິວ

ການເປັນສິວໃນໄວຜູ້ໃຫຍ່ນັ້ນມີສາເຫດຫລາກຫລາຍ ທັງຄວາມສະອາດ, ຄວາມເຄັ່ງຄຽດ, ຄວາມມັນເທິງໃບໜ້າ ລວມໄປ ເຖິງແບັກທີເຣຍ ເຊິ່ງຫລາຍທ່ານຮູ້ດີ, ແຕ່ເຊື່ອບໍ່ວ່າຍັງມີອີກຫລາຍໆສາເຫດຂອງການເກີດສິວທີ່ທ່ານອາດຈະຄິດບໍ່ເຖິງດັ່ງນີ້ :

1. ປອກໝອນ : ໝອນທີ່ທ່ານໃຊ້ໝູນນອນເປັນປະຈຳທຸກໆຄືນມີທັງເຫື່ອ, ນຳ້ລາຍ ແລະ ສິ່ງເປິເປື້ອນຈາກເສັ້ນຜົມປົນຢູ່ ເຊິ່ງເປັນສາເຫດຂອງການເກີດສິວໄດ້. ດັ່ງນັ້ນ, ກ່ອນນອນຄວນປັດ ແລະ ເຮັດອະນາໄມທຸກເທື່ອ ແລະ ປ່ຽນປອກໝອນໃໝ່ຢູ່ສະເໝີ.
2. ໂທລະສັບມືຖື : ການລົມໂທລະສັບຕ້ອງເອົາສຳຜັດກັບແກ້ມ ແລະ ຄາງ ເຊິ່ງມີຄວາມມັນກັບໜ້າຈໍໂທລະສັບ ເຮັດໃຫ້ສິ່ງເປິ ເປື້ອນເທິງໃບໜ້າຕົກຄ້າງຢູ່ໜ້າຈໍໂທລະສັບ ແລະ ກາຍເປັນແຫ່ລງສະສົມເຊື້ອພະຍາດສາເຫດຂອງການເກີດສິວ. ການເຊັດເຮັດອະນາໄມໜ້າຈໍໂທລະສັບທຸກເທື່ອ ຫລື ໃຊ້ຫູຟັງຈະຊ່ວຍຫລຸດບັນຫາການເກີດສິວລົງໄດ້.
3. ລະບົບກອງອາກາດຂອງແອ : ຖ້າບໍ່ເບິ່ງແຍງຮັກສາຄວາມສະອາດໃຫ້ດີ ຂີ້ຝຸ່ນ ແລະ ແບັກທີເຣຍຈະສົ່ງຜົນໃຫ້ເກີດສິວໄດ້ ດັ່ງນັ້ນການເຮັດຄວາມສະອາດແອ ແລະ ປ່ຽນໄສ້ກອງອາກາດແອທຸກ 3 ເດືອນ ກໍຈະຊ່ວຍຫລຸດປັດໄຈສ່ຽງໄດ້ ແລະ ຍັງເຮັດໃຫ້ອາກາດບໍລິສຸດຫລາຍກ່ວາເກົ່າ ຈຶ່ງດີຕໍ່ສຸຂະພາບດ້ານອື່ນໆໄປນຳ.
4. ການສຳຜັດ : ການສຳຜັດ, ຫອມ ຫລື ກອດກັບຄົນໃກ້ຊິດໂດຍແກ້ມ ແລະ ໃບໜ້າໂດຍກົງ ອາດສົ່ງຜົນໃຫ້ຜິວໜັງລະຄາຍເຄືອງ ສິວຈຶ່ງຂຶ້ນຢູ່ບໍລິເວນນັ້ນຫລາຍ ເພາະຜິວໜ້າອາດຈະສຳຜັດນຳ້ມັນຈາກເຄື່ອງສຳອາງ ຫລື ເຈວໃສ່ຜົມຂອງບຸກຄົນທີ່ທ່ານໃກ້ຊິດກໍໄດ້ ເຊິ່ງນີ້ກໍເປັນໜຶ່ງສາເຫດທີ່ເຮັດໃຫ້ທ່ານເປັນສິວໄດ້ຄືກັນ.