ກອງປະຊຸມສະພາເລັ່ງແກ້ໄຂບັນຫາຂອງຊາດ
ໂດຍ: ທິດກ່ຳ
ກອງປະຊຸມສະໄໝສາມັນ ເທື່ອທີ 5 ຂອງສະພາແຫ່ງ ຊາດຊຸດທີ VIII ເຊິ່ງໄດ້ໄຂຂຶ້ນ ໃນວັນທີ 5 ມິຖຸນາຜ່ານມາ, ຖື ວ່າເປັນເຫດການການເມືອງສຳຄັນ ຂອງຊາດເຮົາ. ກອງ ປະຊຸມຄັ້ງນີ້, ຍັງຈະດຳເນີນ ໄປຈົນຮອດວັນທີ 28 ຂອງ ເດືອນມິຖຸນານີ້ຈຶ່ງຈະໄດ້ສ້ຽງສຸດລົງຕາມວາລະ.
+ ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ VIII ໄຂຂຶ້ນຢ່າງເປັນທາງການ
+ ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ VIII ໄຂຂຶ້ນມື້ນີ້
ຄຳວ່າກອງປະຊຸມສະ ໄໝສາມັນນັ້ນ, ມັນກໍມີຄວາມ ໝາຍວ່າ ເມື່ອເຖິງວັນເວລາ ທີ່ໄດ້ກຳນົດຕາມກົດໝາຍວ່າ ດ້ວຍສະພາແຫ່ງຊາດແລ້ວກໍ ຕ້ອງໄດ້ເປີດຂຶ້ນຕາມວາລະ ແລະ ເປົ້າໝາຍຂອງກອງປະ ຊຸມກໍເພື່ອເປັນການກວດກາ, ຕີລາຄາເຖິງໝາກຜົນແຫ່ງ ການເຄື່ອນໄຫວວຽກງານ ຂອງລັດຖະບານ ແລະ ນັບ ທັງຂົງເຂດວຽກງານທີ່ກ່ຽວ ຂ້ອງກັບພາລະບົດບາດໜ້າ ທີ່ຂອງສະພາ ຫລື ເວົ້າໂດຍ ລວມແລ້ວ ກໍແມ່ນເພື່ອເລັ່ງ ແກ້ໄຂບັນຫາຕ່າງໆທີ່ມັນ ພົວພັນເຖິງຊາຕາກຳຂອງປະ ເທດຊາດໃນສະພາບປັດຈຸບັນ ແລະ ອະນາຄົດ.
ສະເພາະວຽກງານຂອງ ລັດຖະບານນັ້ນ ກໍຈະໄດ້ເລັ່ງ ໃສ່ກວດກາຄືນໝາກຜົນການພັດທະນາເສດຖະກິດ-ສັງຄົມໃນໄລຍະ 4 ເດືອນຜ່ານມາ ແລະ ຄາດຄະເນຜົນຈະໄດ້ຮັບ ໃນ 6 ເດືອນຕົ້ນປີຢ່າງພາວະ ວິໄສ.
ແນວໃດກໍຕາມ, ເທົ່າທີ່ ທິດກ່ຳໄດ້ຕິດຕາມຂ່າວຄາວຜ່ານກອງປະຊຸມຄັ້ງນີ້, ພາຍ ຫລັງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດໄດ້ ກ່າວສູນທອນພົດໄຂກອງປະຊຸມແລ້ວ, ທ່ານນາຍົກລັດ ຖະມົນຕີ ທອງລຸນ ສີສຸລິດ ກໍໄດ້ລາຍງານການເຄື່ອນ ໄຫວຂອງລັດຖະບານຕໍ່ທີ່ປະຊຸມສະພາວ່າ: ກ່ຽວກັບການ ພັດທະນາທາງດ້ານເສດຖະ ກິດ ໂດຍລວມແມ່ນໄດ້ດຳ ເນີນໄປຕາມຄາດໝາຍ ແລະ ແຜນການທີ່ວາງໄວ້, ຕາມ ຂໍ້ມູນທີ່ເກັບກຳໄດ້ໃນ 4 ເດືອນ ຜ່ານມາກໍຄືອັດຕາການເຕີບ ໂຕຂອງເສດຖະກິດໃນ 6 ເດືອນຕົ້ນປີ 2018 ຄາດວ່າ ຈະບັນລຸຢູ່ໃນລະດັບ 6,7%. ໃນນັ້ນ, ຂະແໜງກະສິກຳ ເພີ່ມຂຶ້ນ 2,9%, ທຽບໃສ່ (ມະຕິສະພາຮັບຮອງແມ່ນ 2,8%) ກວມເອົາ 15% ຂອງ GDP, ຂະແໜງອຸດ ສະຫະກຳເພີ່ມຂຶ້ນ 7% (ມະຕິ ສະພາຮັບຮອງແມ່ນ 9,1%) ກວມ 31,2% ຂອງ GDP, ຂະແໜງບໍລິການເພີ່ມຂຶ້ນ 7,9% (ມະຕິສະພາຮັບຮອງ 6,4%) ກວມ 41,7% ຂອງ GDP, ພາສີຈາກການນຳ ເຂົ້າເພີ່ມ 6,8% (ມະຕິຮັບ ຮອງ9%) ກວມເອົາ 11,2% ຂອງ GDP, GDP ຄິດໄລ່ ເປັນມູນຄ່າລາຄາໃນປີໄດ້ ປະມານ 152.436 ຕື້ກີບ, ຄາດຄະເນສະເລ່ຍຕໍ່ຫົວຄົນ ແມ່ນໄດ້ 2.609 ໂດລາສະ ຫະລັດ.
ນອກຈາກໄດ້ສະເໜີສະ ເພາະປະເດັນໃນດ້ານເສດຖະກິດແລ້ວຍັງມີ 12 ບັນຫາທີ່ ກ່ຽວກັບໝາກຜົນແຫ່ງການຈັດຕັ້ງປະຕິບັດວຽກງານຈຸດສຸມໃນໄລຍະຜ່ານມາ, ນັບທັງ ຄາດຄະເນການປະຕິບັດແຜນ 6 ເດືອນຕົ້ນປີ, ເຊິ່ງທິດກ່ຳ ບໍ່ສາມາດນຳເອົາມາເວົ້າກິໆກີໆໃນບົດນີ້ໄດ້, ແຕ່ໃນມື້ໜ້າ ຈະພະຍາຍາມແກະໄງ້ເອົາ ບາງຈຸດບາງຕອນທີ່ສຳຄັນ ມາເລົ່າສູ່ກັນຟັງ ເພື່ອພ້ອມກັນ ຄົ້ນຄິດ ແລະ ສຶກສາຄົ້ນຄວ້າ ຢ່າງຖີ່ຖ້ວນ.
ເຖິງຢ່າງໃດກໍດີ, ຕາມ ການປະກອບຄຳເຫັນຂອງ ຄະນະປະຈຳສະພາແຫ່ງຊາດຕໍ່ບົດລາຍງານຂອງລັດຖະ ບານ ໃນຄັ້ງນີ້, ທ່ານ ບຸນປອນ ບຸດຕະນະວົງ ຮອງປະທານ ຄະນະປະຈຳສະພາແຫ່ງຊາດ ໄດ້ຕາງໜ້າໃຫ້ສະພາມີຄໍາ ເຫັນວ່າ: ຕໍ່ໝາກຜົນການ ເຄື່ອນໄຫວຂອງລັດຖະບານ ໃນ 4 ເດືອນຜ່ານມາມັນກໍມີ ທັງດ້ານດີ, ດ້ານອ່ອນ, ບາງຂໍ້ ຄົງຄ້າງ ແລະ ສິ່ງທ້າທາຍ ທີ່ຈະຕ້ອງໄດ້ປະເຊີນໜ້າແກ້ ໄຂໃນຂັ້ນຕໍ່ໄປເປັນຕົ້ນ: ໃນ ດ້ານເສດຖະກິດມະຫາພາກ ເຖິງວ່າມີການເຕີບໂຕແຕ່ກໍ ຍັງບໍ່ທັນໜັກແໜ້ນເພາະສ່ວນ ໃຫຍ່ອີງໃສ່ແຕ່ການລົງທຶນ ໃນການກໍ່ສ້າງພື້ນຖານໂຄງລ່າງ, ການຂຸດຄົ້ນຊັບພະຍາ ກອນທຳມະຊາດ. ບັນດາຂະ ແໜງການເລົ່ານີ້ ຊ້ຳພັດຍັງ ບໍ່ທັນສ້າງລາຍຮັບ ແລະ ວຽກ ເຮັດງານທຳໃຫ້ແກ່ຜູ້ອອກ ແຮງງານລາວເທົ່າທີ່ຄວນ, ຖ້າສະພາບການຂະຫຍາຍ ຕົວຍັງມີຄວາມບອບບາງລັກສະນະນີ້ ການຂະຫຍາຍຕົວ ຂອງລວມຍອດຜະລິດຕະພັນຈະຕ່ຳກວ່າແຜນການປີທີ ວາງໄວ້ລະດັບ 7%.
