ອາເຈນຕິນາ ປະກາດຍົກເລີກ ເກມອຸ່ນເຄື່ອງກັບ ອິດສະລາແອນ
ສະມາຄົມບານເຕະອາເຈນຕິນາ ປະກາດຍົກເລີກເກມອຸ່ນເຄື່ອງລະຫວ່າງ ທີມຊາດອາເຈນຕິນາ ກັບ ອິດສະລາແອນ ທີ່ມີກຳນົດຈະແຂ່ງຂັນກັນທີ່ສະໜາມ ເທດດີ ໂຄລເລດ ສະເຕດ້ຽມ ໃນເຢລູຊາເລັມ ຕາເວັນຕົກ ໃນວັນທີ 9 ມິຖຸນານີ້ແລ້ວ ເນື່ອງຈາກເຫດຜົນທາງດ້ານຄວາມປອດໄພ, ຫລັງເກີດເຫດການຮຸນແຮງຂຶ້ນໃນເຂດກາຊາ.
ລາຍງານຂ່າວລະບຸວ່າ: ເຖິງວ່າທ່ານ ເບນຈາມິນ ເນຕັນຢາຮູ ນາຍົກລັດຖະມົນຕີຂອງອິດສະລາແອນ ຈະພະຍາຍາມເຈລະຈາໃຫ້ການແຂ່ງຂັນນັດນີ້ດຳເນີນຕໍ່ໄປຕາມກຳນົດ, ແຕ່ວ່າທ່ານ ເມົາຣິຊິໂອ ມາຄຣີ ປະທານາທິບໍດີຂອງອາເຈນຕິນາ ຢືນຢັນວ່າ: ທ່ານບໍ່ສາມາດຈະຊ່ວຍຫຍັງໄດ້ ເຊິ່ງເຮັດໃຫ້ເກມແຂ່ງຂັນລະຫວ່າງ ອິດສະລາແອນ ກັບ ທີມຊາດອາເຈນຕິນາ ເຊິ່ງເປັນເກມລັບແຂ່ງນັດສຸດທ້າຍກ່ອນບິນໄປລຸຍບານໂລກ 2018 ທີ່ຣັດເຊຍຂອງທີມອິດສະລາແອນຕ້ອງຖືກຍົກເລີກໄປໃນທີ່ສຸດ.
ຂະນະທີ່ ກອນຊາໂລ ອິກວາອິນ ດາວຍິງຄົນດັງຈາກຢູເວນຕຸສ ໃຫ້ສຳພາດແບບໂລ່ງໃຈວ່າ: ໃນທີ່ສຸດສະມາຄົມບານເຕະອາເຈນຕິນາກໍເຮັດໃຫ້ສິ່ງທີ່ຖືກຕ້ອງ ຄວາມປອດໄພ ແລະ ສາມັນສຳນຶກຄືສິ່ງທີ່ຕ້ອງຄຳນຶງເຖິງເປັນອັນດັບທຳອິດ.
