ໄປທ່ຽວຊົມວັງນ້ຳຢ້ຽມໃຫ້ຊື່ນໃຈ
ໂດຍ: ຊາຍພະເນຈອນ
ວັງນໍ້າຢ້ຽມ ຕັ້ງຢູ່ເຂດ ເມືອງຫີນບູນ, ແຂວງຄໍາ ມ່ວນເປັນສາຍນໍ້າທີ່ໄຫຼມາ ຈາກຂຸນກອງແລງ, ເຊິ່ງ ອອ້ມຮອບບໍລິເວນວັງນໍ້າ ດັ່ງກ່າວເຕັມໄປດ້ວຍພູຜາທີ່ ສູງຊັນ ແລະ ປ່າໄມ້ອັນດົກ ໜາຂຽວງາມອຸ່ມທຸ່ມປົກ ຄຸມຫຸ້ມຫໍ່ຕະຫຼອດປີເຮັດໃຫ້ ອາກາດເຂດນີ້ມີຄວາມສົດ ຊື່ນຊຸ່ມເຢັນດີ. ວັງນໍ້າ ຢ້ຽມ ເປັນນໍ້າສີຂຽວສົດໃສໄຫຼ ເຢັນຕະຫຼອດປີ ແລະ ມີໝູ່ປາ ລ່ອງລອຍ ຢູ່ຕາມວັງນໍ້າປະ ກອບມີສະຖານທີ່ບໍລິການລົງ ອາບນໍ້າ, ສະຖານທີ່ໃຫ້ນັ່ງ ຊົມວີວ ແລະ ພັກຜ່ອນ ຢ່ອນ ໃຈຕະຫຼອດຮອດຮ້ານອາ ຫານ-ກິນດື່ມມີອາຫານຫຼາກ ຫຼາຍຊະນິດໄວ້ຄອຍບໍລິການ ບັນດານັກທ່ອງທ່ຽວ ທີ່ມາ ທ່ຽວຊົມຢ່າງສະດວກສະ ບາຍ, ເຊິ່ງແຕ່ລະອາທິດ ໄດ້ມີຜູ້ຄົນລັ່ງໄຫຼມາທ່ຽວ ຊົມ ແລະ ລົງອາບນໍ້າແຊ່ ເຢັນບໍ່ໄດ້ຂາດ.
+ ໄປເມືອງວັງວຽງ-ລ່ອງເຮືອນ້ຳຊອງ-ທ່ອງທ່ຽວຖ້ຳຈັງ-ລອຍນ້ຳຖ້ຳປູ
ວັງນໍ້າຢ້ຽມເປັນສະ ຖານທີ່ທ່ອງທ່ຽວທາງທໍາ ມະຊາດທີ່ສວຍສົດງົດງາມ, ເໝາະແກ່ການມາພັກຜ່ອນ ຢ່ອນໃຈ ແລະ ມາກິນເຂົ້າ ປ່າສາມັກຄີ, ເຊິ່ງຢູ່ຫ່າງ ຈາກເມືອງຫີນບູນໄປ 39 ກິໂລແມັດ, ໂດຍໄດ້ມີເສັ້ນ ທາງປູຢາງທຽວໄປ-ມາ ຢ່າງສະດວກສະບາຍ ແລະ ບໍ່ໄດ້ເສຍຄ່າບໍລິການຫຍັງ ມີແຕ່ຄ່າອາຫານ ແລະ ເຄື່ອງ ດື່ມພາຍໃນບ່ອນທ່ອງທ່ຽວ ໃນລາຄາປົກກະຕິ ຈຶ່ງເຮັດ ໃຫ້ນັກທ່ອງທ່ຽວທັງພາຍ ໃນ ແລະ ຕ່າງປະເທດເຂົ້າ ມາທ່ຽວຊົມເປັນປະຈໍາ.
ທ່ານໃດຫາກໄດ້ໄປວັງ ນໍ້າຢ້ຽມ ທ່ານຍັງສາມາດໄປ ທ່ຽວຊົມ ແລະ ລົງອາບນໍ້າ ແຊ່ເຢັນຢູ່ຫຼາຍບ່ອນເຊັ່ນ: ຕາດກອງແລງ ແລະ ຕາດ ວັງໄສທີ່ ໄຫຼມາຈາກຂຸນກອງ ແລງເຊັ່ນດຽວກັນ, ເຊິ່ງ ຫ່າງ ຈາກເມືອງຫີນບູນໄປ 39 ກິໂລແມັດ. ນອກນັ້ນຍັງມີ ຫ້ວຍແອກທີ່ເປັນບ່ອນທ່ຽວ ຊົມ ແລະ ລົງອາບນໍ້າແຊ່ ເຢັນ ຕື່ມອີກ ເຊິ່ງທັງໝົດນີ້ ແມ່ນ ຢູ່ບໍລິເວນໄກ້ໆກັນສະເພາະ ຫ້ວຍແອກຫ່າງຈາກເທ ສະບານເມືອງທ່າແຂກໄປ ປະມານ 26 ກິໂລ ແມັດ ແລະ ແຕ່ຂົວຫ້ວຍແອກຫາຂຸນ ກອງແລງ 15 ກິໂລແມັດ ເທົ່ານັ້ນ./.
