ກອງປະຊຸມຄະນະຈັດຕັ້ງປະສານງານການຄ້າດ້ານສິນຄ້າອາຊຽນ ຄັ້ງທີ 27

ໃນວັນທີ 1 ມິຖຸນາ ນີ້, ທີ່ໂຮງແຮມ ລາວພາຊາ ນະຄອນຫຼວງວຽງຈັນ, ໄດ້ມີກອງປະຊຸມຄະນະຈັດຕັ້ງປະສານງານການຄ້າດ້ານສິນຄ້າອາຊຽນ ຄັ້ງທີ 27 ຊຶ່ງລາວ ເປັນເຈົ້າພາບ, ໂດຍການເຂົ້າຮ່ວມຂອງທ່ານ ຫົວໜ້າພະແນກການພົວພັນການຄ້າສາກົນ ກົມການຄ້າ ແລະ ອຸດສາຫະກໍາ ກະຊວງການຕ່າງປະເທດ ແລະ ອຸດສາຫະກໍການຄ້າຝ່າຍລາວ, ມີທ່ານຮອງຫົວໜ້າກົມນະໂຍບາຍການຄ້າຕ່າງປະເທດ ກະຊວງການຄ້າ ແລະ ອຸດສາຫະກໍາ ແລະ ມີຜູ້ຕາງໜ້າບັນດາປະເທດສະມາຊິກອາຊຽນເຂົ້າຮ່ວມນໍາດ້ວຍ. ເພື່ອສືບຕໍ່ປຶກສາຫາລືຜົນຂອງກອງປະຊຸມຄັ້ງທີ່ຜ່ານມາ ໂດຍແນໃສ່ສົ່ງເສີມການຂະຫຍາຍຕົວຂອງ ຕະຫຼາດໃຫ້ແກ່ກັນ ແລະກັນ ລະຫວ່າງປະເທດສະມາຊິກອາຊຽນ, ເຮັດໃຫ້ການໄຫຼວຽນຂອງສິນຄ້າຢູ່ພາຍໃນອາຊຽນໄດ້ມີການຊື້ຂາຍຮ່ວມກັນເພີ່ມສູງຂຶ້ນ, ຫຼຸດຜ່ອນຂອດຂັ້ນຕ່າງໆ ທີ່ຈະເປັນອຸປະສັກຕໍ່ການບໍລິການ.

ໃນກອງປະຊຸມໄດ້ຍົກໃຫ້ເຫັນວ່າ: ການໂອນຖ່າຍສາລະບານອັດຕາພາສີສະບັບ AHTN 2012 GXAO AHTN 2017, ການປະຕິບັດຫຼັກການ MFN ແບບອັດຕະໂນມັດ, ບັນຫາການສົ່ງອອກສາລີຂອງລາວ, ໄທ ແລະ ມຽນມ້າ, ການລົບລ້າງອັດຕາພາສີໂຄຕາ (Tariff Quota “trq”), ການຈັດຕັ້ງປະຕິລັດການອອກໃບຢັ້ງຢືນດ້ວຍຕົວເອງອາຊຽນ, ການຈັດຕັ້ງປະຕິບັດການນໍາໃຊ້ E-Form D ຜ່ານລະບົບປະຕູດຽວອາຊຽນ (ASW), ການປະກອບຖານສະຖິຕິຕົວເລກການຄ້າອາຊຽນ, ຖານຂໍ້ມູນທາງດ້ານອາຊຽນ (NTR/ATR), ຜ່ານໂຄງການຊ່ວຍເຫຼືອຈາກ EU ARISE ແລະNon-paper ຂອງສປປ ລາວ ກ່ຽວກັບການສົ່ງເສີມການສົ່ງອອກຂອງປະເທດ CLMV ອື່ນໆອີກ.