ອາເຊນອລ ຄວ້າຕົວ ລິຊສະໄຕເນີ ເສີມທີມຮັບໂຄ໊ສໃໝ່
June 6, 2018 - 5:20 PM
ອາເຊນອລ ໃນຍຸກຂອງ ອູໄນ ເອເມຣີ ເສີມທີມເປັນຄົນທຳອິດ ໂດຍໄດ້ມີການເປີດຕົວ ສະເຕຟານ ລິຊສະໄຕເນີ ແບັກຂວາຈາກທີມ ຢູເວນຕຸສ ແບບບໍ່ມີຄ່າຕົວ ເປັນຜູ້ຫລິ້ນຄົນທຳອິດທີ່ທີມ ອາເຊນອລ ໄດ້ມາຮ່ວມທີມໃນລະດູການນີ້.
ລິຊສະໄຕເນີ ອາຍຸ 34 ປີ ໝົດສັນຍາກັບທີມ ຢູເວນຕຸສໃນລະດູການນີ້ ຫລັງຫລິ້ນກັບ ຢູເວນຕຸສ ເຖິງ 7 ປີ ໂດຍລາວຈະໃສ່ເສື້ອໝາຍເລກ 12 ໃຫ້ກັບຕົ້ນສັງກັດໃໝ່ ລວມທັງກຳລັງຈະເປັນ 1 ໃນ 23 ນັກເຕະທີມຊາດສະວິດເຊີແລນ ຊຸດລຸຍບານໂລກ 2018 ຮອບສຸດທ້າຍທີ່ຣັດເຊຍກາງເດືອນນີ້ນຳອີກ.
