ເຫດຜົນທີ່ ຊີດານ ອຳລາ ຣີລ ມາດຣິດ ແບບກະທັນຫັນ
June 5, 2018 - 5:04 PM
ຊີເນດິນ ຊີດານ ອະດີດຜູ້ຈັດການທີມ ຣີລ ມາດຣິດ ຕົກເປັນຂ່າວລາອອກ ເພາະຂັດແຍ່ງກັບ ຟໍເຣນຕິໂນ ເປເຣຊ ປະທານ ຣີລ ມາດຣິດ ເລື່ອງການຊື້-ຂາຍນັກເຕະ ໂດຍສະເພາະຂອງ ເອແດ໊ນ ອາຊາ ດາວເຕະ ເຊລຊີ ກັບ ດາບິດ ເດ ເຄອາ ຂອງ ແມນເຊສເຕີ ຢູໄນເຕັດ.
ຊີດານ ກັບ ຟໍເຣນຕິໂນ ເປເຣຊ ປະທານສະໂມສອນ ຣີລ ມາດຣິດ ຂັດແຍ່ງກັນໃນເລື່ອງແຜນການເສີມທີມກ່ອນທີ່ຕຳນານນັກເຕະທີມຊາດຝຣັ່ງຈະປະກາດລາອອກ ໃນວັນທີ 5 ມິຖຸນາ ໂດຍລາຍງານລະບຸວ່າ: ຜູ້ຈັດການທີມຊາວຝຣັ່ງຕ້ອງການຄວ້າ ເອແດ໊ນ ອາຊາ ປີກຕົວເກັ່ງ ເຊລຊີ ແຕ່ປະທານ ຣີລ ມາດຣິດ ປະຕິເສດ ແລະ ຢາກໃຫ້ທີມດຶງຕົວ ດາບິດ ເດ ເຄອາ ຜູ້ຮັກສາປະຕູ ແມນເຊສເຕີ ຢູໄນເຕັດ ມາຮັກສາປະຕູຫລາຍກວ່າ ແຕ່ວ່າໂຄ໊ສຄົນເກັ່ງຍັງເຊື່ອໝັ້ນໃນຝີມືຂອງ ເຄເລີ ນາວາສ ມື 1 ຄົນປັດຈຸບັນ.
