ທຣຳ ຊະນະ ຣອນນີ ລາຍການສະນຸກເກີ ແລດໂບຣກ ເພລເຢີ

ການແຂ່ງຂັນສະນຸກເກີສະສົມຄະແນນໂລກ ລາຍການ ແລດໂບຣກ ເພລເຢີ ແຊ໊ມປຽນ ຊິບ ເຊິ່ງນຳເອົານັກສະນຸກເກີຄິວ 16 ຄົນທີ່ມີຜົນງານດີທີ່ສຸດໃນລະດູການນີ້ມາປະທະສີມືກັນ ທີ່ເມືອງລຽນດັດໂນ ປະເທດເວລ ຮອບ 8 ຄົນສຸດທ້າຍ ຜົນປາກົດວ່າ ຈັດ ທຣຳ ຜ່ານເຂົ້າສູ່ຮອບຮອງຊະນະເລີດໄດ້ສຳເລັດ ຫລັງເອົາຊະນະ ຣອນນີ ໂອຊຸລລິແວນ 5-3 ເຟຣມ ຕໍ່ໄປ.

ສ່ວນການແຂ່ງຂັນໃນຮອບ 16 ຄົນສຸດທ້າຍໃນວັນພຸດຜ່ານມາ ດິງ ຈຸນຮຸຍ ຈາກ ສປ ຈີນ ຜ່ານເຂົ້າຮອບແບບຫວຸດຫວິດ ຫລັງເອົາຊະນະ ຈອນ ຮິກກິນ ຈາກ ສະກອດແລນ 5-4 ເຟຣມ ໂດຍໃນຮອບ 8 ຄົນສຸດທ້າຍ ດິງ ຈຸນຮຸຍ ຈະພົບກັບ ແອນໂທນີ ແຮ ມິລຕັນ ຈາກອັງກິດ ສ່ວນຮອບ 16 ຄົນສຸດທ້າຍອີກຄູ່ໃນມືດຽວ ກັນ ອາລີ ຄາເຕີ ຈາກ ອັງກິດ ເອົາຊະນະ ຊອນ ເມີຟີ ໝູ່ຮ່ວມ ຊາດ 5-4 ເຟຣມ ຜ່ານເຂົ້າຮອບ ໄປພົບກັບ ນິລ ໂຮເບິດສັນ ຕໍ່ໄປ.