ແຂວງສະຫວັນນະເຂດຈັດກິດຈະກຳປູກໄມ້ຫລາຍກວ່າ 3 ພັນເບ້ຍ ຢູ່ບ້ານຄຳປ່າແໜ
ໃນວັນທີ 3 ມິຖຸນາ ນີ້, ພະແນກກະສິກຳ ແລະ ປ່າ ໄມ້ແຂວງ ສະຫວັນນະເຂດ ຮ່ວມກັບພະແນກສຶກສາ ແລະ ກິລາແຂວງ, ຄະນະກຳມາ ທິການເພື່ອຄວາມກ້າວໜ້າ ຂອງແມ່ຍິງ ແລະ ແມ່-ເດັກ ຂັ້ນແຂວງ ພ້ອມດ້ວຍ ອົງ ການປົກຄອງເມືອງ ຈຳພອນ ແລະ ຈຸດສຸມກຸ່ມບ້ານຄຳ ປ່າແໜ, ໄດ້ຈັດກິດຈະກໍາປູກ ຕົ້ນໄມ້ຈຳນວນ 3.000 ກວ່າ ເບຍຢູ່ບ້ານດັ່ງກ່າວໃນໂອ ກາດວັນປູກຕົ້ນໄມ້ແຫ່ງ ຊາດ, ວັນເດັກນ້ອຍສາກົນ, ພ້ອມ ກັບວັນປ່ອຍປາ ແລະ ອະ ນຸລັກສັດນ້ຳ-ສັດປ່າ ແຫ່ງ ຊາດຢ່າງເປັນຂະບວນຟົດ ຟື້ນໂດຍການ ເຂົ້າຮ່ວມ ຂອງ ທ່ານ ສັນຕິພາບ ພົມວິຫານ ເຈົ້າແຂວງ ແຂວງ ດັ່ງກ່າວ ແລະ ທ່ານ ຄຳບຸນ ນັດ ໄຊຍະ ນົນ ຮອງລັດຖະມົນຕີ ກະ ຊວງກະສິກຳ ແລະ ປ່າໄມ້.
+ ປະເມີນຜົນກະທົບໂຄງການປູກໄມ້ວິກຂອງບໍລິສັດບົວລະພາຕໍ່ສິ່ງແວດລ້ອມ ແລະ ສັງຄົມ
+ ກະຊວງກະສິກໍາ ແລະ ປ່າໄມ້ ຈັດກິດຈະກໍາປູກໄມ້ຫຼາຍກວ່າ 4 ພັນຕົ້ນ ທີ່ສູນຄົ້ນຄວ້າປ່າໄມ້ນໍ້າຊວງ
ເພື່ອ ເອົາໃຈໃສ່ປູກຈິດ ສຳນຶກໃຫ້ອານຸຊົນ ແລະ ເຍົາ ວະຊົນລຸ້ນຫຼັງ ໃຫ້ມີຄວາມ ຮັກ ແລະ ຜູກພັນກັບທຳມະ ຊາດ ໂດຍສະເພາະປ່າໄມ້; ແລະ ເປັນການປຸກລະດົມ ທຸກພາກສ່ວນທົ່ວສັງຄົມ ຮ່ວມປະກອບສ່ວນດ້ານວັດ ຖຸ ແລະ ຈິດໃຈ ໃນການປົກ ປ້ອງ ສິດທິຂອງເດັກ, ພັດທະ ນາເດັກນ້ອຍທີ່ເປັນອານາ ຄົດຂອງຊາດ ໃຫ້ມີຄວາມ ຮູ້ຄວາມສາມາດ, ມີສ່ວນ ຮ່ວມເຂົ້າໃນການແກ້ໄຂ ຄວາມທຸກຍາກຕິດພັນກັບ ການປົກປັກຮັກສາ ແລະ ຄຸ້ມຄອງຊັບພະຍາກອນທຳ ມະຊາດໃຫ້ຍືນຍົງ.
ກິດຈະກໍາປູກໄມ້ດັ່ງ ກ່າວ, ມີຕົ້ນໄມ້ຫຼາຍກວ່າ 3 ພັນເບ້ຍ, ປະກອບມີ ໄມ້ແຕ້ ຄ່າ, ເບ້ຍໄມ້ຄູນ ແລະ ກາ ກະເລົາ,ໝາກມ່ວງ, ໝາກ ມີ້, ໝາກຂາມ, ເບ້ຍໄຜ່ລືມ ແລ້ງ ແລະ ປ່ອຍປາ ຈຳ ນວນ 215.000 ໂຕປະ ກອບມີ ປານິນ, ປາໃນ, ປາ ປາກ, ປາເອິນ ແລະ ປາມາ ລິການ; ລົງສູ່ນຳທຳມະ ຊາດ ພ້ອມນີ້ ກະຊວງກະ ສິກຳ ແລະ ປ່າໄມ້, ໄດ້ມອບ ເຄື່ອງປະສົມຝຸ່ນ 1 ຊຸດ ແລະ ອຸປະກອນການສຶກ ສາຈຳນວນໜຶ່ງໃຫ້ ແກ່ ປະຊາຊົນບ້ານດັ່ງກ່າວ ອີກດ້ວຍ./.
