ຜົນການແຂ່ງຂັນແຈັດສະກີ້ລາວນາໆຊາດ 2018

ການແຂ່ງຂັນແຈັດສະກີ້ລາວນາໆຊາດ 2018 (Lao international Jetski championship 2018) ໄດ້ດໍາເນີນມາແຕ່ວັນທີ 1-3 ມິຖຸນາ 2018 ທີ່ແດນສະຫວັນນໍ້າງື່ມລີສອດ ເຊິ່ງມີນັກກິລາຈາກ 13 ປະເທດ ນັກກິລາຈຳນວນ 60 ກວ່າຄົນເຂົ້າຮ່ວມ.

ການແຂ່ງຂັນແຈັດສະກີ້ລາວນາໆຊາດຄັ້ງນີ້ ມີການຊີງໄຊ 6 ລຸ້ນເປັນປະເພດຊາຍທັງໝົດເຊັ່ນ: ລະດັບນາໆຊາດ 3 ລຸ້ນຄື: ລຸ້ນ 110 stock inter ອັນດັບທີ 1  ທ້າວ Varin Varivong (Thai) ຄະແນນ 173, ອັນດັບທີ 2 ທ້າວ ເທພາລັກ ໄຂຄຳພິທູນ (ລາວ) ຄະແນນ 146, ອັນດັບທີ 3 ທ້າວ Somchok Kotmanee (Thai) ຄະແນນ 140; ສ່ວນລຸ້ນ 1800 Open International ອັນດັບທີ 1 ທ້າວ ເທພະລັກ ໄຂຄຳພິທູນ (ລາວ) ຄະແນນ 151, ອັນດັບທີ  2 ທ້າວ ສອນເທບ ພົມມະເທບ (ລາວ) ຄະແນນ 149, ອັນດັບທີ 3 ທ້າວ ທິລະນົນ ໄຕປະດິດ (ລາວ) ຄະແນນ 144 ແລະ ລຸ້ນ RUNABOUT GP VIP ອັນດັບທີ 1 ທ້າວ Supahlak Ninnopparat (Thai) ຄະແນນ 173, ອັນດັບທີ 2 ທ້າວ Ekachon Kingchasilp (Thai) ຄະແນນ127, ອັນດັບທີ 3 ທ້າວ Haowalit Kuajaroon (Thai) ຄະແນນ123. ສ່ວນອີກ 3 ລຸ້ນ ສະເພາະຄົນລາວຄື: ລຸ້ນ Blaster 700 cc open Laos only ອັນດັບທີ 1 ທ້າວ ແຟນຕ້າ ສີສົມບັດ ຄະແນນລວມ 173, ອັນດັບທີ 2 ທ້າວ ຫຸມພັນ ຈັນດາພອນ ຄະແນນລວມ 149 ແລະ ອັນດັບທີ 3 ທ້າວ ວັດທະນະໄຊ ລາຊະວົງສິງ ຄະແນນລວມ 123. ຂະນະທີ່ປະເພດ 110 ອັນດັບທີ  1 ທ້າວ ເທພະລັກໄຂ ຄຳພິທູນ ຄະແນນລວມ 154,  ອັນທີ 2 ທ້າວ ຫຸມພັນ ຈັນດາພອນ ຄະແແນນລວມ 151 ອັນດັບທີ 3 ທ້າວ ຄຳພອນ ໄຕປະດິດ ຄະແນນລວມ 151 ແລະ ລຸ້ນ 1800 open Laos only ອັນດັບທີ 1 ທ້າວ ທິລະນົນ ໄຕປະດິດ ຄະແນນລວມ 168, ອັນດັບທີ 2 ທ້າວ ສອນເທບ ພົບມະເທບ ຄະແນນ 147, ອັນດັບທີ 3 ທ້າວ ບິນລີ້ ການສິລາ ຄະແນນ 145.

ຂະນະທີ່ລາງວັນລຸ້ນວີໄອພີ ແລະ ລຸ້ນ 1800 ຊີຊີ ອັນດັບທີ 1 ໄດ້ເງິນສົດ 20 ລ້ານກີບ, ອັນດັບທີ 2 ໄດ້ຮັບເງິນສົດ 10 ລ້ານກີບ, ອັນດັບທີ 3 ໄດ້ຮັບເງິນສົດ 5 ລ້ານກີບ; ສ່ວນລາງວັນລຸ້ນ 1100 ຊີຊີ ອັນດັບທີ 1 ໄດ້ຮັບເງິນສົດ 7,5 ລ້ານກີບ, ອັນດັບທີ 2 ໄດ້ຮັບເງິນສົດ 5 ລ້ານກີບ, ອັນດັບທີ 3 ໄດ້ຮັບເງິນສົດ 2,5 ລ້ານກີບ. ນອກຈາກນັ້ນ ສະເພາະຄົນລາວ ລາງວັນລຸ້ນ 1800 ຊີຊີ, ລຸ້ນ 1100 ຊີຊີແລະ ລຸ້ນ 700 ຊີຊີ ອັນດັບທີ 1 ໄດ້ຮັບເງິນສົດ 5 ລ້ານກີບ, ອັນດັບທີ 2 ໄດ້ຮັບເງິນສົດ 3 ລ້ານກີບ, ອັນດັບທີ 3 ໄດ້ຮັບເງິນສົດ 2 ລ້ານກີບ.