7 ທ່າຢືດຕົວວັນລະຄັ້ງ ປັບບຸກຄະລິກປ່ຽນເປັນຄົນໃໝ່ໃນ 1 ເດືອນ
ປັດຈຸບັນຄົນເຮົາມັກຈະຮູ້ສຶກວ່າຕົນເອງເຖົ້າໄວ ແຕ່ບໍ່ໄດ້ເຖົ້າແທ້ ແຕ່ເພາະອາການຕ່າງໆ ທີ່ເກີດຂຶ້ນກັບໂຕເຮົາເຊັ່ນ: ອາການເຈັບຫຼັງ, ປວດເມື່ອຍຄໍ, ປວດແຂນ, ຂາ ອັນມາຈາກພຶດຕະກໍາໃນແຕ່ລະມື້ຂອງເຮົາ ລອງມາເຮັດທ່າຕາມນີ້ເບິ່ງ ຊ່ວຍທ່ານໄດ້.
- ຢືດກ້າມຊີ້ນຄໍດ້ານຫຼັງ
ຂັ້ນຕອນການເຮັດ
- ເລີ່ມດ້ວຍທ່ານັ່ງ ຫຼື ຢືນ ກົ້ມໜ້າໃຫ້ເຂົ້າຫາໜ້າເອິກເລັກນ້ອຍ
- ປະສານມືກັນໄວ້ທີ່ຫຼັງຕົ້ນຄໍ
- ນັບຖອຍຫຼັງຈາກ 20
- ໃຫ້ເຮົາພະຍາຍາມດັນຄໍສູ້ກັບແຮງມືທີ່ພະຍາຍາມກົດໄວ້ຢູ່
- ນັບເຖິງ 0 ປຸບ ຈົບທ່າ
ທ່ານີ້ ຈະເປັນການຢືດກ້າມຊີ້ນບໍລິເວນຕົ້ນຄໍໄດ້ຢ່າງດີ ເຮັດແລ້ວຈະບໍ່ຮູ້ສຶກປວດເມື່ອຍ ແຖມຍັງເຮັດໃຫ້ບຸກຄະລິກທ່າທາງດີຂຶ້ນອີກ.
- ທ່າປ້ອງກັນການປວດຄໍ
ຂັ້ນຕອນເຮັດ
– ຢືນຊື່ ຍົກມືຂວາຂຶ້ນໄວ້ດ້ານຫຼັງຫົວ
– ຫັນດັງໄປທາງຂວາ ແລະ ພະຍາຍາມກົ້ມໄປຂີ້ແຮ້ຂວາ
– ບໍ່ຕ້ອງກຶງມື ປ່ອຍນໍ້າໜັກໄປຕາມສະບາຍ ກົດຫົວໃຫ້ດັງຕໍ່າລົງໄປອີກ
– ເມື່ອເຮັດທ່ານີ້ ຈະຮູ້ສຶກເຖິງອາການເຄັ່ງບໍລິເວນຫຼັງຄໍດ້ານຊ້າຍ
– ຄ້າງໄວ້ປະມານ 30-60 ວິນາທີ
– ກັບສູ່ທ່າເລີ່ມຕົ້ນ ສະລັບຂ້າງເຮັດຄືເກົ່າ
ທ່ານີ້ຈະເນັ້ນບໍລິເວນສ່ວນກ້າມຊີ້ນຄໍດ້ານຫຼັງທີ່ຕິດກະດູກສັນຫຼັງຄໍ ແລະ ຊຶ່ງບາງທີອາການເຈັບຫົວກໍຈະມາຈາກການເມື່ອຍບໍລິເວນນີ້
- ຢືດດ້ານຫຼັງຂອງຫົວໄຫຼ່
ຂັ້ນຕອນເຮັດ
– ປະສານມືໄວ້ດ້ານຫຼັງ (ແອວ) ໂດຍໃຫ້ຝາມືຫັນເຂົ້າຫາຫຼັງ
– ດັນຂໍ້ສອກເຂົ້າຫາກັນໄປທີ່ດ້ານໜ້າຂອງເຮົາ ພ້ອມໆກັບຫໍ່ສັນຫຼັງລົງ
– ເອນໂຕໄປທາງໜ້າເລັກໜ້ອຍ ຈົນຢູ່ໃນທ່າທີ່ຮູ້ສຶກສະບາຍຂຶ້ນ
– ຄ້າງໄວ້ 30-60 ວິນາທີ
ໃນການຢືດທ່ານີ້ ຈະຊ່ວຍເລື່ອງກ້າມຊີ້ນບໍລິເວນສ່ວນຫຼັງຂອງຫົວໄຫຼ່ ລວມເຖິງບໍລິເວນກ້າມຊີ້ນຫຼັງ
- ຢືດຫຼັງຊ່ວງເທິງ ແລະ ກາງ
ຂັ້ນຕອນເຮັດ
– ເລີ່ມດ້ວຍທ່າຢືນກົງ ຂາກວ້າງກວ່າຄວາມກວ້າງຂອງສະໂພກ
– ກົ້ມໂຕລົງໄປດ້ານໜ້າ ແລະ ວາງມືລົງເທິງພື້ນ
– ເອົາມືຂວາຂຶ້ນມາວາງເທິງຫົວ
– ໃຊ້ຂໍ້ສອກຂວານໍາ ແລ້ວມຸມໜ້າເອິກຂອງເຮົາໄປທາງຂວາ ໃຫ້ສອກຊີ້ເພດານ ພະຍາຍາມໃຫ້ສູງທີ່ສຸດເທົ່າທີ່ຈະເຮັດໄດ້
– ໝູນກັບສູ່ບ່ອນເກົ່າ ແລ້ວພະຍາຍາມໃຫ້ສອກຂວາແຕະແຂນຊ້າຍ
– ເຮັດຊໍ້າ 10 ຄັ້ງ ແລະ ສະລັບຂ້າງອີກ 10 ຄັ້ງ
- ຢືດສ່ວນເອິກ
– ຢືນກົງ ຢືດແຂນກົງໄປດ້ານຂ້າງໃຫ້ກວ້າງທີ່ສຸດ ຝາມືຫັນອອກດ້ານໜ້າ ນິ້ວແຍກກັນ
– ຫຼັງຈາກນັ້ນໃຫ້ວາແຂນໄປດ້ານຫຼັງ ໂດຍໃຫ້ມື ແລະ ແຂນຢູ່ທ່າເກົ່າ
– ເພື່ອຢືດໃຫ້ຫຼາຍຂຶ້ນ ພະຍາຍາມພັບຂໍ້ມືເຂົ້າຫາກັນ ຄືພະຍາຍາມສ້າງຮູບສາມຫຼ່ຽມ
– ຄ້າງໄວ້ປະມານ 60 ວິນາທີ
- ຢືດບໍລິເວນສັນຫຼັງ
– ນອນງາຍ ແຂນຢືດຊື່ອອກດ້ານຂ້າງ ລວມກັບໂຕແລ້ວຈະເປັນຮູບໂຕ T
– ຍົກຂາຂວາຂຶ້ນມາຊື່ໆ ແລ້ວຢື້ໄປແຕະມືຊ້າຍ ຄ້າງໄວ້ປະມານ 10 ວິນາທີ
– ສະລັບຂ້າງເຮັດ ນັບເປັນ 1 ຄັ້ງ (ເຮັດທ່ານີ້ຊໍ້າໆ 5 ຄັ້ງ)
- ຢືດກ້າມຊີ້ສ່ວນສະໂພກ, ຂາ ແລະ ແຂນ
– ຢືນກົງ ກ້າວຂາຂວາອອກໄປທາງໜ້າຍາວໆ
– ວາງມືໄວ້ກັບພື້ນ ໂດຍໃຊ້ມືຊ້າຍຢູ່ຂ້າງໆຕືນຂວາ ບ່າໄຫຼ່ເພິງຂວາໄວ້
– ກົດສະໂພກລົງເຂົ້າຫາພື້ນ ແລະ ຢືດຂາຊ້າຍໃຫ້ຊື່ ໂດຍການຍົກສົ້ນຕີນຂຶ້ນ ຄ່າງໄວ້ 5 ວິນາທີ
– ເອົາຂາຊ້າຍມວວາງໄວ້ທາງໜ້າຂ້າງໆມືຂວາ
– ນໍາມືແຕ່ລະຂ້າງຈັບປາຍຕີນໄວ້
– ຈາກນັ້ນຢືນຂຶ້ນ ໂດຍໃຫ້ມືຍັງຈັບຕີນຢູ່ ພະຍາຍາມຢ່າໃຫ້ເຂົາງໍຫຼາຍທີ່ສຸດເທົ່າທີ່ເປັນໄປໄດ້ ຄ້າງໄວ້ 10 ວິນາທີ
– ກັບສູ່ທ່າເລີ່ມຕົ້ນ ເຮັດທ່ານີ້ຊໍ້າຕັ້ງແຕ່ຕົ້ນທັງໝົດ 5 ຄັ້ງ
