ຈຸນຮຸນ ຊະນະ ຣອນນີ 13-10 ເຟຣມ ຜ່ານເຂົ້າຮອບຮອງຊະນະເລີດສະນຸກເກີຊີງແຊ໊ມໂລກ ໄປພົບກັບ ເຊລບີ

ການແຂ່ງຂັນສະນຸກເກີຊີງແຊ໊ມໂລກ 2017 ທີ່ຄຣູເບິ້ລ ເທຍ ເຕີ ເມືອງເຊຟຟິລ ປະເທດອັງກິດ ໃນຮອບກ່ອນຮອງຊະນະເລີດ ໃຊ້ ລະບົບແຂ່ງຂັນຊະນະ 13 ຈາກ 25 ເຟຣມ ຕິງ ຈຸນຮຸຍ ຈາກ  ມື ວາງອັນດັບ 4 ສປ.ຈີນ. ອອກຄິວ ໄດ້ຢ່າງຮ້ອນແຮງ ຫຼັງເອົາຊະນະ ຣອນນີ ໂອຊຸລລິແວນ ອະດີດ ແຊ໊ມໂລກ 5 ສະໄໝ ຈາກ ອັງກິດ ໄປໄດ້ຢ່າງງົດງາມ 13-10 ເຟຣມ ຜ່ານເຂົ້າສູ່ຮອບຮອງຊະ ນະເລີດໄປພົບກັບ ມາກ ເຊລບີ ມືວາງອັນດັບ 1 ຂອງລາຍການ ຈາກ ອັງກິດ ທີ່ເອົາຊະນະ ມາໂກ ຟູ ມືວາງອັນດັບ 8 ຈາກ ຮົງກົງ ໄປໄດ້ 13 -3 ເຟຣມ ຕໍ່ໄປ.

ສຳລັບການແຂ່ງຂັນເກມນີ້ ຣອນນີ ສ້າງຄວາມຮືຮາດ້ວຍ ການປະຕິເສດໂອກາດເຮັດແມັກຊິມຳເບຣກໃນເຟຣມທີ 17 ຫຼັງ ຈົງໃຈເລືອກເກັບແດງ-ຊົມພູ ແທນທີ່ຈະເປັນແດງ-ດຳໜຶ່ງຊຸດ ໃຫ້ຄະແນນຂອງລາວຢູ່ທີ່ 146 ຄະແນນໜ້ອຍກວ່າແມັກຊິມຳ ເບຣກ 147 ພຽງຄະແນນດຽວ ເທົ່ານັ້ນ.