ປກສ ເມືອງນາຊາຍທອງ ຈັບຜູ້ຄ້າຢາເສບຕິດພ້ອມຂອງກາງຢາບ້າ 2 ພັນເມັດ
ປກສ ນະຄອນຫລວງ ວຽງຈັນ ໃຫ້ຮູ້ວ່າ: ເມື່ອບໍ່ດົນ ມານີ້, ເຈົ້າໜ້າທີ່ ປກສ ເມືອງ ນາຊາຍທອງ ສາມາດຈັບຕົວ ຜູ້ຕ້ອງຫາຄ້າຂາຍຢາເສບ ຕິດໄດ້ ຢູ່ເຂດບ້ານ ສົງເປືອຍ ເມືອງ ນາຊາຍທອງ ນະຄອນ ຫລວງວຽງຈັນຄື: ທ້າວ ອາ ໄຊ ອາຍຸ 19 ປີ ແລະ ທ້າວ ເກົ້າກອງ ອາຍຸ 26 ປີທັງ ສອງຢູ່ບ້ານສົງເປືອຍໃຕ້ ເມືອງນາຊາຍທອງພ້ອມ ຂອງກາງຢາບ້າ 2 ພັນເມັດ ແລະ ເງິນສົດຈໍານວນ 4 ລ້ານກີບ ມາດໍາເນີນຄະດີ.
+ ປກສ ແຂວງຫົວພັນສາມາດຈັບຕົວຜູ້ຄ້າ ແລະ ມົ້ວສຸມຢາເສບຕິດມາດຳເນີນຄະດີ
+ ປກສ ເມືອງບໍລິຄຳໄຊ ຈັບຜູ້ຕ້ອງຫາພ້ອມຂອງກາງຢາບ້າ 385 ເມັດ
ເຈົ້າໜ້າທີ່ໃຫ້ຮູ້ວ່າ: ພວກ ກ່ຽວທັງສອງໄດ້ຮ່ວມກັນ ຄ້າຂາຍຢາເສບຕິດມາແຕ່ ເດືອນເມສານີ້, ເຊິ່ງຢາບ້າ ທີ່ຊື້ມາຂາຍແຕ່ລະຄັ້ງນັ້ນ ທ້າວ ອາໄຊ ຈະເປັນຜູ້ຕິດຕໍ່ຊື້ ນໍາກຸ່ມແກ້ງຄ້າຂາຍຢາເສບຕິດລາຍໜຶ່ງຢູ່ເຂດບ້ານ ອ່າງນໍ້າຫຸ່ມ, ໂດຍໄດ້ຊື້ມາ ແລ້ວ 4 ຄັ້ງ, ຄັ້ງລະ 50 ຫາ 2 ພັນເມັດ, ພາຍຫຼັງໄດ້ ຢາມາແລ້ວກໍເອົາໄປໃຫ້ ທ້າວ ເກົ້າກອງ, ໄປຕິດຕໍ່ ຂາຍເມື່ອໄດ້ເງິນມາກໍ່ແບ່ງກັນ ເພື່ອໃຊ້ຈ່າຍ, ເຊິ່ງກ່ອນ ຖືກຈັບ ທ້າວ ອາໄຊ ໄດ້ສັ່ງ ຊື້ຢາບ້າອີກ 2 ພັນເມັດແລ້ວ ໂທບອກທ້າວ ເກົ້່າກອງ ມາ ເອົາໄປຂາຍໂດຍໄດ້ມີການນັດສົ່ງຢາກັນຢູ່ເສັ້ນທາງ ເລກທີ 13 ເໜືອ ໃນຂະນະ ນັ້ນ ກໍຖືກເຈົ້າໜ້າທີ່ ໄດ້ເຂົ້າ ກັກຕົວພວກກ່ຽວພ້ອມ ຂອງກາງດັ່ງກ່າວມາດໍາ ເນີນຄະດີ ແລະ ປັດຈຸບັນ ເຈົ້າໜ້າທີ່ພວມສືບສວນ- ສອບສວນ ເພື່ອຂະຫຍາຍ ຜົນຫາຜູ້ຮ່ວມຂະບວນ ການມາດໍາເນີນຄະດີຕາມລະບຽບກົດໝາຍໃຫ້ໄດ້ ໂດຍໄວ.
