ຜົນກະທົບຈາກການດື່ມນ້ຳເຢັນຫລັງອາຫານ
ຫລາຍທ່ານລຶ້ງເຄີຍກັບການດື່ມນຳ້ເຢັນໆຫລັງຈາກກິນເຂົ້າແລ້ວ, ແຕ່ຮູ້ຫລືບໍ່ວ່ານຳ້ເຢັນໆທີ່ດື່ມລົງໄປທັນທີຫລັງກິນເຂົ້ານັ້ນອາດເຮັດໃຫ້ທ່ານເປັນພະຍາດມະເຮັງລຳໄສ້ໄດ້.
ອາຫານທີ່ເຮົາກິນເຂົ້າໄປລ້ວນແຕ່ຕ້ອງຜ່ານຂະບວນການປຸງແຕ່ງດ້ວຍນຳ້ມັນເປັນສ່ວນຫລາຍ ແລະ ອາຫານສ່ວນຫລາຍກໍມີໄຂມັນຫລາຍຢູ່ແລ້ວ ຫລັງຈາກທີ່ທ່ານກິນແລ້ວດື່ມນຳ້ເຢັນໆລົງໄປທັນທີນັ້ນ ຄວາມເຢັນຈະເຮັດໃຫ້ໄຂມັນຈັບໂຕເປັນກ້ອນຢູ່ໃນກະເພາະອາຫານ ແລະ ລຳໄສ້, ໄຂມັນທີ່ຈັບໂຕເຫລົ່ານີ້ເມື່ອພົບກັບກົດໃນກະເພາະອາຫານຈະກາຍເປັນສະພາບເຄິ່ງຂອງແຫລວທີ່ໜຽວ ແລະ ຂຸ້ນ. ຈາກນັ້ນຈະໄຫລເຂົ້າລຳໄສ້ກ່ອນອາຫານທີ່ມີສະພາບເປັນຂອງແຂງຊະນິດອື່ນ ແລະ ຈະຖືກດູດຊຶມເຂົ້າສູ່ລຳໄສ້, ແຕ່ສິ່ງສຳຄັນລຳໄສ້ຈະບໍ່ສາມາດດູດຊຶມໄຂມັນຊະນິດອື່ນໄດ້ທັງໝົດ. ດັ່ງນັ້ນ, ຜິວໜັງລຳໄສ້ຂອງເຮົາຈະເຕັມໄປດ້ວຍຄາບໄຂມັນ ເມື່ອການສະສົມແບບນີ້ເປັນປະຈຳດົນໆໄປຈະເຮັດໃຫ້ເກີດປະຕິກິລິຍາທີ່ນຳມາເຊິ່ງພະຍາດມະເຮັງລຳໄສ້ໃນທີ່ສຸດໄດ້.
ເມື່ອຮູ້ແນວນີ້ແລ້ວກໍຄວນຫັນມາດື່ມນຳ້ອຸ່ນ ຫລື ນຳ້ໃນອຸນຫະພູມທຳມະດາຈະດີຕໍ່ລະບົບພາຍໃນ ກໍໍຄືລະບົບການເຮັດວຽກຂອງກະເພາະອາຫານ ແລະ ລຳໄສ້.
ນອກຈາກນີ້, ຖ້າຢາກມີລຳໄສ້ທີ່ສະອາດກໍຄວນກິນແຕ່ອາຫານທີ່ມີປະໂຫຍດ ແລະ ບໍ່ກິນອາຫານປີ້ງຈີ່ຈົນໄໝ້ດຳ.
