ແລມພາດ ອາດຄຸມທີມ ດາບີ້
ເດິ ເທເຄກຣາບ ສື່ຂອງອັງກິດ ລາຍງານວ່າ: ແຟຣັງ ແລມພາດ ອາດໄດ້ເປັນຜູ້ຈັດການທີມ ດາບີ້ ໂດຍເຊື່ອວ່າລາວຈະຕົກລົງເງື່ອນໄຂຕ່າງໆໄດ້ໃນອີກ 48 ຊົ່ວໂມງຕໍ່ຈາກນີ້.
ແຟຣັງ ແລມພາດ ອະດີດຍອດກອງກາງຊາວອັງກິດ ໃກ້ຈະໄດ້ເປັນຜູ້ຈັດການທີມຄົນໃໝ່ຂອງ ດາບີ້ ເຄົາຕີ້ ສະໂມສອນໃນລະດັບ ເດິ ແຊມປ້ຽນຊິບ ອັງກິດ ຢ່າງເປັນທາງການແລ້ວ, ຫລັງຈາກຂະບວນການເຈລະຈາໃກ້ຈະສິ້ນສຸດລົງດ້ວຍດີ.
ດາບີ້ ກຳລັງເບິ່ງຫາຜູ້ຈັດການທີມຄົນໃໝ່ ຫລັງຈາກ ແກຣີ ໂຣເວັດ ບອກລາທີມແລ້ວໄປຮັບວຽກກັບ ສະໂຕ໊ກ ຊິຕີ້ ເຊິ່ງພວກເຂົາຕົກເປັນຂ່າວກັບຫລາຍຄົນ ໂດຍ ແລມພາດ ຄືໜຶ່ງໃນນັ້ນ ແລະ ມໍ່ໆມານີ້ ແລມພາດ ຢືນຢັນວ່າກຳລັງເຈລະຈາກັບ ດາບີ້ ແທ້.
ຫລ້າສຸດ ເດິ ເທເລກຣາບ ລາຍງານວ່າ: ແລມພາດ ໄດ້ເຈລະຈາເພີ່ມຕື່ມກັບ ດາບີ້ ໃນວັນທີ 29 ພຶດສະພານີ້ ໂດຍການເຈລະຈາດຳເນີນໄປຢ່າງລາບລື່ນ ແລະ ເຊື່ອກັນວ່າ ອະດີດນັກເຕະຊາວອັງກິດຈະຕອບຕົກລົງເງື່ອນໄຂຕ່າງໆກັບທີມໄດ້ໃນອີກ 48 ຊົ່ວໂມງຕໍ່ຈາກນີ້.
