ສະມາຄົມຕະຫລົກຢູ່ອາເມລິກາປະກວດຮຽນແບບທ່ານ ທຣຳ

     ລອສແອນເຈລິສ 27 ເມສາ: ສະມາຄົມຕະຫລົກຢູ່ອາເມລິກາຈັດການປະກວດຮຽນແບບປະທານາທິບໍດີ ໂດນັນ ທຣຳ ຂອງອາເມລິກາ ຜູ້ຊະນະເປັນຊາວລາສເວກັສ ທີ່ຮຽນແບບທ່ານ ທຣຳ ມາແຕ່ປີ 2004.

ສະມາຄົມ Laugh Factory ຈັດການປະກວດຢູ່ນະຄອນລອສແອນເຈລິສ ລັດກາລິຟໍເນຍ ໃນວັນທີ 26 ເມສາຕາມເວລາຢູ່ອາເມລິກາ ຫາຜູ້ທີ່ຮຽນແບບປະທານາທິບໍດີ ທຣຳ ໄດ້ຄືທີ່ສຸດ ມີຜູ້ແຂ່ງຂັນທັງໝົດ 10 ຄົນ ໜຶ່ງໃນນັ້ນເປັນຜູ້ຍິງ ແລະ ມີບາງຄົນເດີນທາງໄກມາຈາກນິວຊີແລນ ທັງໝົດແຕ່ງຕົວເຮັດຜົມຮຽນແບບທ່ານ ທຣຳ ມີເວລາເວົ້າ ແລະ ສະແດງຄົນລະ 2 ນາທີ ໃນຫົວຂໍ້ຕ່າງໆເຊັ່ນ: ລະບົບປະກັນສຸຂະພາບໂອບາມາແຄຣ໌, ການຖິ້ມລະເບີດຖະຫລົ່ມຊີຣີ, ກຳແພງເມັກຊິກ ແລະ ຈີນ, ຜູ້ຊະນະຄືທ້າວ ຈອນ ດີ ໂດເມນ ນິໂກ ຊາວລາສເວກັສ ທີ່ເຝິກຮຽນແບບຄົນອື່ນ ເພາະມີບັນຫາໃນການເວົ້າແຕ່ນ້ອຍ, ລາວມີລາຍຮັບຈາກການຮຽນແບບທ່ານ ທຣຳ ມາແຕ່ປີ 2004 ສຳລັບລາງວັນຈາກເວທີນີ້ຄື ໄດ້ເປັນພິທີກອນລາຍການ Fake News/Real News ໃນເວັບໄຊຂອງສະມາຄົມ ແລະ ໄດ້ຮັບເຊີນເປັນນັກສະແດງໃນທຸກລາຍການທີ່ເປັນສະມາຊິກສະມາຄົມ.

ຄະນະກຳມະການຕັດສິນເປັນນັກສະແດງຕະຫລົກ 4 ຄົນ ໜຶ່ງໃນນັ້ນຄືທ້າວ ແດຣເຣລ ແຮມມອນ ອະດີດນັກສະແດງຮຽນແບບທ່ານ ທຣຳ ໃນລາຍງານ Saturday Night Live ທີ່ບອກວ່າທ່ານ ທຣຳ ມີບຸກຄະລິກທີ່ບໍ່ຄືໃຜ ມີຄວາມເປັນຕົວເອງຫລາຍທີ່ສຸດ ຈຶ່ງເໝາະສົມທີ່ຈະຖືກຮຽນແບບຫລາຍທີ່ສຸດ.