ກະຊວງສຶກສາປັບປຸງຄູ່ມືເພດສຶກສາຮອບດ້ານ ໃຫ້ເໝາະກັບຊັ້ນມັດທະຍົມ
ທ້າຍອາທິດຜ່ານມາ, ກະຊວງສຶກສາທິການ ແລະ ກິລາ (MoES) ຮ່ວມກັບ ສະຫະປະຊາຊາດກອງ ທຶນສຳລັບປະຊາກອນ (UNFPA) ໄດ້ຈັດກອງ ປະຊຸມ ປຶກສາຫາລື ກ່ຽວກັບ ເພດສຶກສາຮອບດ້ານສຳ ລັບຊັ້ນມັດທະຍົມສຶກສາຂຶ້ນທີ່ນະຄອນ ຫລວງວຽງຈັນ ໂດຍການເປັນປະທານຮ່ວມຂອງ ທ່ານ ສຸກສະຫວັນ ພອນເທວາ, ຮອງຫົວໜ້າ ກົມສຶກສາຄົ້ນຄວ້າວິທະຍາສາດ ແລະ ທ່ານ ນາງ ເຟຣ ເດີຣິກາ ເມເຢີ, ຜູ້ຕາງໜ້າ UNFPA ປະຈຳສປປ ລາວ, ມີບັນດາຄູ-ອາຈານ, ຜູ້ພັດ ທະນາຫລັກສູດ, ຜູ້ຊ່ຽວ ຊານດ້ານການສຶກສາ ແລະ ຜູ້ຊ່ຽວຊານດ້ານໄວໜຸ່ມ, ພ້ອມທັງອົງການຊ່ວຍເຫລືອ ສັງຄົມອື່ນໆ ເຂົ້າຮ່ວມ .
+ ສຶກສານະຄອນຫລວງ ແລະ ເບຍລາວ ຮ່ວມສະຫລອງວັນເດັກນ້ອຍສາກົນ ແລະ ວັນປູກໄມ້ແຫ່ງຊາດ
+ ເຜີຍແຜ່ປື້ມຄູ່ມືແຫ່ງຊາດ ການບໍລິການທີ່ເປັນມິດກັບເຍົາວະຊົນ ແລະ ໄວໜຸ່ມ
ຮອງຫົວໜ້າກົມສຶກ ສາຄົ້ນຄວ້າວິທະຍາສາດໄດ້ ກ່າວວ່າ: ເຍົາວະຊົນ ແລະ ໄວໜຸ່ມ ແມ່ນກະດູກສັນຫລັງ ຂອງຊາດ, ພວກເຂົາເຫລົ່າ ນີ້ ຈະປະກອບສ່ວນເຂົ້າໃນ ການສ້າງສາພັດທະນາປະ ເທດໃນພາຍໜ້າ. ດັ່ງນັ້ນ, ພວກເຮົາບໍ່ຄວນເບິ່ງຂ້າມ ຄວາມສຳຄັນຂອງເພດສຶກ ສາແບບຮອບດ້ານ, ພວກ ເຮົາຕ້ອງຮັບປະກັນໃຫ້ໄວ ໜຸ່ມສາມາດນຳຄວາມຮູ້ທີ່ ພວກເຂົາໄດ້ຮຽນມາໝູນໃຊ້ເຂົ້າໃນຊີວິດປະຈຳວັນ.
ທ່ານ ນາງ ເຟຣເດີຣິກາ ເມເຢີ ກ່າວວ່າ: ເພດສຶກສາ ແບບຮອບດ້ານ (CSE) ມີ ບົດບາດສຳຄັນ ໃນການ ເຮັດ ໃຫ້ເຍົາວະຊົນ ແລະ ໄວໜຸ່ມ, ໂດຍສະເພາະໄວໜຸ່ມຍິງເພື່ອ ພັດທະນາຄວາມຮູ້ ແລະ ທັດສະນະຄະຕິທີ່ເໝາະສົມ, ລວມທັງການຄິດໃນແງ່ທີ່ ດີ, ໃຫ້ການເຄົາລົບໃນສິດ ສະເໝີພາບ ເຊິ່ງທັງ ໝົດນີ້ ລ້ວນແຕ່ປະກອບສ່ວນໃຫ້ ການມີສະພາບແວດລ້ອມທີ່ ດີ ແລະ ປອດໄພ.
ສປປ ລາວ ມີໄວໜຸ່ມຍິງ ແລະ ຊາຍທັງໝົດ 1,4 ລ້ານ ຄົນ (ອາຍຸແຕ່ 10-19 ປີ), ກວມ 21,9% ຂອງປະຊາ ກອນທັງໝົດ. ໃນນັ້ນຂອງ ໄວໜຸ່ມຍິງອາຍຸ 15-17 ປີ ປະມານ 41,8%ແມ່ນໄດ້ ອອກໂຮງຮຽນ ແລະ 23, 5% ໄດ້ແຕ່ງງານ ຫລື ຢູ່ຮ່ວມ ກັນ ແລະ ມີອັດຕາການເກີດ 83 ຄົນ ຕໍ່ໄວໜຸ່ມຍິງ 1.000 ຄົນ ອາຍຸ 15-19 ປີ. ເພດສຶກ ສາແບບຮອບດ້ານ (CSE) ມີຄວາມສໍາຄັນໃນການເຂົ້າ ເຖິງໄວໜຸ່ມຍິງ ແລະ ຊາຍ, ເພື່ອໃຫ້ພວກເຂົາມີຄວາມຮູ້ ແລະ ທັກສະ ທີ່ສາມາດນຳ ໃຊ້ ໃນອານາຄົດໄດ້.
CSE ມີບົດບາດສໍາຄັນ ໃນການສ້າງທາງເລືອກທີ່ດີໃນອະນາຄົດ ດ້ານສຸຂະພາບ ໃຫ້ແກ່ໄວໜຸ່ມ; ທັງຫລີກເວັ້ນ ການຖືພາແຕ່ອາຍຸຍັງນ້ອຍ ແລະ ພະຍາດຕິດຕໍ່ທາງເພດ ສຳພັນໃນໄວໜຸ່ມ, ລວມທັງ ສົ່ງເສີມໃຫ້ພວກເຂົາມີສາຍ ສຳພັນຕໍ່ໝູ່ເພື່ອນ ແລະ ຄອບ ຄົວຂອງພວກເຂົາດີຂຶ້ນ./.
