ເປີດການກໍ່ສ້າງໂຮງໝໍກະເສມຣາດອິນເຕີເນຊັນແນວ ທີ່ວຽງຈັນ
ພິທີເປີດການກໍ່ສ້າງໂຮງ ໝໍກະເສມຣາດ ອິນເຕີເນຊັ້ນແນວ ວຽງຈັນ ໄດ້ມີຂຶ້ນໃນວັນທີ 25 ພຶດສະພານີ້ ທີ່ນະຄອນຫລວງ ວຽງຈັນ ໂດຍການໃຫ້ກຽດເຂົ້າ ຮ່ວມຂອງ ທ່ານ ສອນໄຊ ສີພັນ ດອນ ຮອງນາຍົກລັດຖະມົນຕີ ເຊິ່ງມີທ່ານລັດຖະມົນຕີ, ຮອງລັດ ຖະມົນຕີ, ທູຕານຸທູດ ແລະ ຜູ້ ຕາງໜ້າອົງການຈັດຕັ້ງສາກົນ ເຂົ້າຮ່ວມ.
+ ໂຮງໝໍເຊດຖາທິຣາດສະຫລອງວັນພະຍາບານສາກົນຄົບຮອບ 118 ປີ
+ ເຈົ້າຄອງນະຄອນລົງຕິດຕາມຄວາມຄືບໜ້າການກໍ່ສ້າງໂຮງໝໍມິດຕະພາບ
ໂອກາດນີ້, ທ່ານ ສະເຫຼີມ ຫານພານິດ ຜູ້ອຳນວຍການໃຫຍ່ ບໍລິສັດ ບາງກອກ ເຊັນ ອິນເຕີເນ ຊັນແນວ (ລາວ) ຈຳກັດ ໄດ້ ກ່າວລາຍງານວ່າ: ໂຄງການກໍ່ ສ້າງໂຮງໝໍກະເສມຣາດ ອິນເຕີ ເນຊັ້ນແນວ ວຽງຈັນສ້າງຂຶ້ນ ໃໝ່ທີ່ບ້ານດອນນົກຂຸ້ມ ເມືອງ ສີສັດຕະນາກ ນະຄອນຫຼວງ ວຽງຈັນ ໃນມາດຕະຖານຄຸນນະ ພາບລະດັບສາກົນ ຫຼື JCI ຈາກ ການອອກແບບຂອງສະຖາບັນສະຖາປະນິກອາເມລິການ (AIA), ຄາດວ່າຈະໃຊ້ງົບໃນ ການລົງທຶນປະມານ 70 ລ້ານໂດ ລາສະຫະລັດ, ໃນນັ້ນ 50 ລ້ານ ໂດລາສະຫະລັດ ຈະເປັນການລົງ ທຶນໄລຍະທຳອິດ ໂດຍສຸມໃສ່ ການກໍ່ສ້າງ ແລະ ການໃຫ້ບໍລິ ການທາງດ້ານການປິ່ນປົວເຊັ່ນ: ການບໍລິການຜູ້ປ່ວຍເຂດນອກ, ການບໍລິການຜູ້ປ່ວຍອຸປະຕິເຫດ ສຸກເສີນ, ການບໍລິການຜູ້ປ່ວຍວິ ກິດ, ການບໍລິການຜູ້ປ່ວຍເຂດໃນ ແລະ ຂະແໜງສະໜັບສະໜູນ ທາງດ້ານການແພດອື່ນໆ ເຊິ່ງ ທາງໂຮງໝໍຈະໄດ້ທຸ່ມເທເຂົ້າໃສ່ການບໍລິການທາງດ້ານການ ແພດນັບຕັ້ງແຕ່ການກວດ-ບົ່ງ ມະຕິ ແລະ ການປິ່ນປົວແບບຄົບ ວົງຈອນ ດ້ວຍເຄື່ອງມືທີ່ທັນສະ ໄໝ, ມີແພດໝໍທີ່ຊ່ຽວຊານ ແລະ ມີປະສົບການສູງໃນແຕ່ລະດ້ານ ເພື່ອໃຫ້ມີການບໍລິການດີທີ່ສຸດ ແກ່ຜູ້ປ່ວຍທຸກລະດັບດ້ວຍຈັນ ຍາບັນຂອງວິຊາຊີບ. ສ່ວນໄລຍະ ທີສອງແມ່ນຈະທຸ່ມເທເຂົ້າໃນ ການກໍ່ສ້າງຕຶກບໍລິການຜູ້ປ່ວຍ, ສະຖານທີ່ຈອດລົດ ແລະ ສິ່ງອຳ ນວຍຄວາມສະດວກອື່ນໆທີ່ຈຳ ເປັນ. ຄາດວ່າໂຄງການຈະສຳ ເລັດ ໃນໄລຍະເວລາ 20-24 ເດືອນ ແລະ ຈະໃຫ້ບໍລິການໃນ ປີ 2020.
ໃນພິທີ, ທ່ານ ພູທອນ ເມືອງປາກ ຮອງລັດຖະມົນຕີ ກະ ຊວງສາທາລະນະສຸກ ໄດ້ກ່າວ ວ່າ: ຕາງໜ້າການນໍາກະຊວງ ສາທາລະນະສຸກ ຂໍສະແດງ ຄວາມຊົມເຊີຍຕໍ່ການຮ່ວມທຶນລະ ຫວ່າງຜູ້ລົງທຶນຝ່າຍລາວ ແລະ ໄທ ທີີ່ໄດ້ຕັດສິນໃຈລົງທຶນເຂົ້າ ໃນຂະແໜງການສາທາລະນະ ສຸກໂດຍສະເພາະແມ່ນການລົງທຶນກໍ່ສ້າງໂຮງໝໍບໍລິການປິ່ນປົວເບິ່ງແຍງສຸຂະພາບຂອງປະຊາ ຊົນ. ຕາມແນວທາງສາທາລະນະ ສຸກຂອງລັດຖະບານລາວ ໄດ້ຖື ເອົາວຽກງານປິ່ນປົວ-ຟື້ນຟູໜ້າທີ່ການເປັນວຽກງານໜຶ່ງທີ່ສຳຄັນ ເພື່ອເຮັດໃຫ້ການບໍລິການປິ່ນປົວທີ່ມີຄຸນນະພາບໄດ້ທົ່ວເຖິງ ແລະ ຍຸຕິທຳ, ໃນໄລຍະຜ່ານມາ ລັດຖະ ບານລາວກໍໄດ້ໃຫ້ບູລິມະສິດ ແລະ ລົງທຶນໃສ່ການປັບປຸງກໍ່ສ້າງໂຮງ ໝໍລັດໃຫ້ທັນສະໄໝຢູ່ນະຄອນ ຫຼວງວຽງຈັນ ແລະ ຕົວເມືອງ ໃຫຍ່ຕ່າງໆໃນຂອບເຂດທົ່ວປະ ເທດ ທັງໄດ້ເປີດໂອກາດໃຫ້ພາກ ເອກະຊົນມີສ່ວນຮ່ວມໃນການບໍລິການດ້ານສາທາລະນະສຸກ ເພື່ອເປັນທາງເລືອກໃຫ້ແກ່ປະ ຊາຊົນ ແນໃສ່ຕອບສະໜອງ ຄວາມຮຽກຮ້ອງຕ້ອງການຂອງ ການບໍລິການທາງດ້ານການ ແພດທີ່ນັບມື້ນັບສູງຂຶ້ນ ເຊິ່ງຫວັງ ຢ່າງຍິ່ງວ່າ ໂຄງການກໍ່ສ້າງໂຮງ ໝໍກະເສມຣາດ ອິນເຕີເນຊັ້ນແນວ ວຽງຈັນ ຈະເປັນໂຄງການກໍ່ສ້າງ ໂຮງໝໍທີ່ທັນສະໄໝລະດັບສາກົນ ຊ່ວຍໃຫ້ປະຊາຊົນລາວບັນດາເຜົ່າ ຜູ້ມີເງື່ອນໄຂບໍ່ຕ້ອງເສຍເວລາ ແລະ ຄ່າໃຊ້ຈ່າຍສູງໃນການເດີນ ທາງໄປປິ່ນປົວຢູ່ຕ່າງປະເທດ ແລະ ຈະສາມາດຕອບສະໜອງ ໄດ້ນະໂຍບາຍ 5 ດີ 1 ພໍໃຈ ຂອງ ກົມປິ່ນປົວ ຄື: 1) ຕ້ອນຮັບດີ ດ້ວຍອັດທະຍາໄສດີ, 2) ມີ ຄວາມສາມາດດີ, 3) ມີຄວາມ ສະອາດງາມຕາ-ສິ່ງແວດລ້ອມທີ່ດີ, 4) ການບົ່ງມະຕິດີ ແລະ 5) ການປິ່ນປົວດີ; 1 ພໍໃຈ ແມ່ນພໍ່ແມ່ ແລະ ຍາດຕິພີ່ນ້ອງຂອງຄົນເຈັບ ມີຄວາມພໍໃຈ ລາຄາຍຸຕິທຳ.
