ບໍ່ຈົບງ່າຍໆ ບາສເຊັມ ວາບາ ຟ້ອງຮ້ອງ ຣາມອສ ເຫດຈົງໃຈທຳຮ້າຍ ຊາລາ
May 29, 2018 - 5:52 PM
ສືຂ່າວລາຍງານວ່າ: ກໍລະນີລະຫວ່າງ ເຊຄິໂອ ຣາມອສ ກັບຕັນທີມ ຣີລ ມາດຣິດ ແລະ ໂມຮາເໝັດ ຊາລາ ປີກຈອມຖະຫຼົ່ມປະຕູຂອງ ລິເວີພູລ ຍັງບໍ່ຈົບງ່າຍໆ ເມື່ອ ບາສເຊັມ ວາບາ ທະນາຍຄວາມຊາວເອຢິບ ໄດ້ຢືນຟ້ອງຮ້ອງ ຣາມອສ ຈຳນວນເງິນ 1 ພັນລ້ານເອີໂຣ ຂໍ້ຫາຈົງໃຈທຳຮ້າຍ ຊາລາ ດາວເຕະຂວັນໃຈຂອງແຟນບານ ລິເວີພູລ.
ເນື່ອງຈາກ ຊາລາ ຕ້ອງຖືກປ່ຽນຕົວອອກລະຫວ່າງນັດຊີງຊະນະເລີດ ຢູຟາ ແຊມປ້ຽນລີກ ຈາກການຖືກ ຣາມອສ ຕຳບ່າຈົນບາດເຈັບຫລິ້ນຕໍ່ບໍ່ໄຫວ ເຊິ່ງສຸດທ້າຍຜົນຈົບລົງດ້ວຍໄຊຊະນະຂອງ ຣີລ ມາດຣິດ 3-1 ຈົນເຮັດໃຫ້ຊາວເອຢິບກັງວົນວ່າ ເຈົ້າຂອງດາວຊັລໂວພຣີເມຍລີກ ຈະພາດບານໂລກ ທີ່ປະເທດຣັດເຊຍ. ເຖິງຢ່າງໃດກໍຕາມ ຊາລາ ສະແດງຄວາມໝັ້ນໃຈວ່າຈະເຊົາທັນໃນລາຍການນີ້ແນ່ນອນ.
