ລິເວີພູລ ຄວ້າຕົວ ຟາບິນໂຢ ເສີມທີມ ດ້ວຍຄ່າຕົວ 39 ລ້ານປອນ
May 29, 2018 - 5:48 PM
ລິເວີພູລ ເສີມຜູ້ຫລິ້ນເປັນຄົນທຳອິດຢ່າງວ່ອງໄວ ຫລັງຈາກຄວ້າ ຟາບິນໂຢ ກອງກາງສາລະພັດປະໂຫຍດຈາກທີມ ໂມນາໂກ ດ້ວຍຄ່າຕົວ 39,3 ລ້ານປອນ ແລະ ອາດຈະເພີ່ມຂຶ້ນອີກ 4 ລ້ານປອນຕາມຂໍ້ຕົກລົງ.
ສຳລັບ ຟາບິນໂຢ ອາຍຸ 24 ປີ ຊາວເບຣຊິນ ສາມາດຫລິ້ນໄດ້ທັງມິດຟິລຕົວຮັບ ແລະ ວິງແບັກ ເຖິງວ່າຈະບໍ່ໄດ້ມີຊື່ຕິດທີມຊາດເບຣຊິນລຸຍບານໂລກຮອບສຸດທ້າຍທີ່ຣັດເຊຍ ແຕ່ຜູ້ຈັດການທີມ ເຈີເກັ້ນ ຄລ໊ອບ ມັກນັກເຕະຄົນນີ້ຫລາຍ ແລະ ເຊື່ອວ່າຈະສາມາດຫລິ້ນເຂົ້າກັບແທັກຕິກຂອງ ລິເວີພູລ ໄດ້ເປັນຢ່າງດີ, ຄາດວ່າ ຟາບິນໂຢ ຈະເຂົ້າມາແທນບ່ອນຂອງ ເອັມເຣ ຊານ ທີ່ຈະໝົດສັນຍາກັບທີມໃນຊຳເມີນີ້.
