ນັກຂ່າວສອງຄົນຖືກຕົ້ນໄມ້ຫັກທັບ ລະຫວ່າງເຮັດຂ່າວພະຍຸຢູ່ອາເມລິກາ
ເຈົ້າຄອງລັດນອດແຄໂຣລນາຂອງອາເມລິກາປະກາດຂໍໃຫ້ປະຊາຊົນລະມັດລະວັງຝົນຕົກໜັກຈາກພະຍຸຮຸນແຮງທົ່ວພື້ນທີ່ຫລາຍແຫ່ງ ແລະ ທາງໃຕ້ຂອງປະເທດ, ນັກຂ່າວ 2 ຄົນເສຍຊີວິດຈາກຕົ້ນໄມ້ຂະໜາດໃຫຍ່ຫັກທັບລະຫວ່າງຕິດຕາມເຮັດຂ່າວສະພາບອາກາດປ່ຽນແປງຮຸນແຮງ.
ນັກຂ່າວ ແລະ ເພື່ອນຮ່ວມງານທີ່ສະຖານີໂທລະພາບໃນເມືອງກຣີນວິລ ລັດເຊົາແຄໂຣໄລນາເສຍຊີວິດທັນທີໃນຈຸດເກີດເຫດ ໃນວັນທີ 28 ພຶດສະພາ ທີ່ລັດນອດແຄໂຣໄລນາລະຫວ່າງຕິດຕາມເຮັດຂ່າວສະພາບອາກາດ ແລະ ຕົ້ນໄມ້ຫັກລົງມາທັບລົດທີມຂ່າວພໍດີ. ເຈົ້າຄອງລັດນອດແຄໂຣໄລນາຖະແຫລງວ່າ: ທີມນັກຂ່າວສອງຄົນເສຍຊີວິດລະຫວ່າງໜ້າທີ່ລາຍງານຂ່າວສະພາບອາກາດປ່ຽນແປງ, ເຈົ້າໜ້າທີ່ຂໍສະແດງຄວາມເສຍໃຈຕໍ່ຄອບຄົວ, ມິດສະຫາຍ ແລະ ເພື່ອນຮ່ວມງານຂອງພວກເຂົາ. ນອກຈາກນີ້, ຂໍເຕືອນໃຫ້ປະຊາຊົນທຸກຄົນຕິດຕາມຂ່າວພະຍາກອນອາກາດຢ່າງໃກ້ຊິດ, ຄາດວ່າຈະມີຝົນຕົກໜັກຫລາຍກວ່າທີ່ຄາດຄະເນໄວ້ໃນລັດນອດແຄໂຣໄລນາ. ຂະນະທີ່ສະຖານີໂທລະພາບທ້ອງຖິ່ນ WYFF-TV ລາຍງານຂ່າວດ່ວນວ່າ: ທີມນັກຂ່າວເສຍຊີວິດລະຫວ່າງເຮັດຂ່າວ ພ້ອມສະແດງຄວາມອາໄລວ່າພວກເຂົາເປັນທີ່ຮັກຂອງເພື່ອນຮ່ວມງານ ແລະ ເສຍໃຈຕໍ່ຄອບຄົວ.
