ລົດແກ້ວ ຍາດໄດ້ 2 ຫລຽນຄໍາທີ່ອຸດອນ ຮາຟມາລາທອນ

ນາງ ລົດແກ້ວ ອິນທະກຸມມານ ນັກກິລາແລ່ນທີມຊາດລາວ ສາມາດຍາດໄດ້ 2 ຫລຽນຄໍາໃນລາຍການແຂ່ງຂັນແລ່ນອຸດອນ ຮາຟມາລາທອນ ((Udon Half marathon) ທີ່ແຂວງອຸດອນທານີ ປະເທດໄທ ຈັດຂຶ້ນໃນວັນທີ 27 ພຶດສະພານີ້.

ນາງ ລົດແກ້ວ ອິນທະກຸມມານ ໃຫ້ສໍາພາດວ່າ: ການເຂົ້າຮ່ວມແຂ່ງຂັນອຸດອນ ຮາຟມາລາທອນ ຄັ້ງນີ້ ຕົນເອງໄດ້ເຂົ້າຮ່ວມ 2 ລຸ້ນຄື: ລຸ້ນອິນເຕີ ແລະ ອາຍຸບໍ່ເກີນ 29 ປີໄລຍະ 10,5 ກິໂລແມັດ. ຜ່ານການແຂ່ງຂັນ ຕົນເອງສາມາຍາດໄດ້ຫລຽນຄໍາທັງ 2 ລຸ້ນ ເຊິ່ງໄດ້ສ້າງຄວາມພາກພູມໃຈໃຫ້ແກ່ຕົນເອງ. ສໍາລັບຜົນງານໄລຍະຜ່ານມາ ສາມາດສ້າງຢ່າງໂດດເດັ່ນທີ່ສຸດໃນປີ 2018 ລົງແຂ່ງຂັນເກືອບ 10 ລາຍການ ແລະ ຜົນງານທີ່ອອກມາບໍ່ຫລຸດອັນດັບທີ 3 ຖືເປັນນັກແລ່ນລາວທີ່ໄຟແຮງສຸດໆໃນຕອນນີ້ ໂດຍສະເພາະ 2 ລາຍການໃຫຍ່ຢ່າງ ສິງກະໂປ ໂອເພນ ສາມາດຍາດ 1 ຫລຽນຄໍາ ແລະ 1 ຫລຽນເງິນ ກ່ອນທີ່ອີກລາຍການໃຫຍ່ຢ່າງ ໂດຍສະເພາະລາຍການ ໄທແລນ ໂອເພັນ ສາມາດຍາດໄດ້ 1 ຫລຽນເງິນ ແລະ 1 ຫລຽນທອງ.