ສຶກສານະຄອນຫລວງ ແລະ ເບຍລາວ ຮ່ວມສະຫລອງວັນເດັກນ້ອຍສາກົນ ແລະ ວັນປູກໄມ້ແຫ່ງຊາດ

ໃນວັນທີ 26-27 ພຶດສະ ພານີ້, ພະແນກສຶກສາທິ ການ ແລະ ກິລານະຄອນ ຫຼວງວຽງຈັນ ຮ່ວມກັບຜະ ລິດຕະພັນນ້ຳດື່ມຫົວເສືອ ບໍລິສັດ ເບຍລາວ ຈຳກັດ, ຈັດງານສະຫຼອງວັນເດັກ ນ້ອຍສາກົນ ແລະ ວັນປູກຕົ້ນ ໄມ້ແຫ່ງຊາດ ພາຍໃຕ້ຫົວຂໍ້ ” ດິນແດນແຫ່ງໄດໂນເສົາ ກັບນ້ຳດື່ມຫົວເສືອ” ຂຶ້ນ ທີ່ສູນການຄ້າ ລາວ- ໄອເຕັກ ມໍນະຄອນຫຼວງວຽງຈັນ, ໂດຍການເຂົ້າຮ່ວມຂອງ ທ່ານຮອງຫົວໜ້າພະແນກ ສຶກສາທິການ ແລະ ກິລານະ ຄອນຫຼວງວຽງຈັນ, ພ້ອມພະ ນັກງານຄູ-ອາຈານ, ພໍ່-ແມ່ຜູ້ ປົກຄອງ ແລະ ນັກຮຽນອະນຸ ບານ-ປະຖົມສົມບູນ ທັງພາກ ລັດ ແລະ ເອກະຊົນທົ່ວນະ ຄອນຫຼວງວຽງຈັນ ເຂົ້າຮ່ວມ ຢ່າງຄຶກຄື້ນ. ທັງເປັນການ ເສີມສ້າງຄວາມສາມັກຄີ ພາຍໃນໃຫ້ໜັກແໜ້ນ ແລະ ຄວາມອົບອຸ່ນຫຼາຍຂຶ້ນ, ເຮັດ ໃຫ້ເດັກນ້ອຍໄດ້ພົບປະ ແລະ ມ່ວນຊື່ນສະໜຸກສະໜານ ກັບໝູ່ເພື່ອນ, ພ້ອມທັງເປັນ ການຊຸກຍູ້ສົ່ງເສີມໃຫ້ເດັກ ໄດ້ຮັບການພັດທະນາທາງ ດ້ານຮ່າງກາຍ, ຈິດໃຈ, ທັກ ສະໃນການຄິດ, ການຕັດສິນ ໃຈ ແລະ ເຄື່ອນໄຫວຮ່ວມກັບ ໝູ່ເພື່ອນ.

+ ສະຫລອງວັນເດັກໃຫ້ກຸ້ມຄ່າ

+ ຫລາຍແຫ່ງສະຫລອງວັນເດັກນ້ອຍສາກົນ ແລະ ປູກໄມ້

ໃນງານດັ່ງກ່າວມີຫຼາຍ ກິດຈະກໍາໃຫ້ຊົມ ແລະ ມ່ວນ ຊື່ນເຊັ່ນ: ແຂ່ງຂັນສິລະປະ ວັນນະຄະດີ, ເດີນແບບ, ຮຽນພັບໄດໂນເສົາ, ນັກສຳ ຫຼວດ, ສາລະຄະດີໄດໂນເສົາ, ສິລະປິນນ້ອຍ-ແຕ້ມຮູບລະ ບາຍສີ, ຫຼິ້ນເກມຕ່າງໆ, ການແຂ່ງຂັນສ້າງປະຕິມາ ກຳໄດໂນເສົາຈາກຕຸກນ້ຳ ຫົວເສືອ ແລະ ອື່ນໆອີກ ແລະ ໃນງານດັ່ງກ່າວ, ມີຜູ້ເຂົ້າ ຮ່ວມແຂ່ງຂັນຟ້ອນ ແລະ ເດີນແບບມີທັງໝົດ 20 ໂຮງ ຮຽນ, ມີທັງໂຮງຮຽນອະ ນຸບານ-ປະຖົມສຶກສາອ້ອມ ຂ້າງນະຄອນຫຼວງວຽງຈັນ ລວມທັງໝົດ 74 ທີມ, ໃນ ນັ້ນ, ຊັ້ນອະນຸບານເຂົ້າຮ່ວມ ແຂ່ງຂັນຟ້ອນມີ 17 ທີມ ແລະ ເດີນແບບ 18 ທີມ, ຊັ້ນ ປະຖົມສຶກສາ ແຂ່ງຂັນຟ້ອນ ຈຳນວນ 19 ທີມ ແລະ ເດີນ ແບບ 20 ທີມ ເພື່ອຊີງເອົາ ທຶນການສຶກສາຈາກຜະລິດ ຕະພັນນ້ຳດື່ມຫົວເສືອຫຼາຍ ກວ່າ 65 ລ້ານກີບ./.