ຍ້ອນຫຍັງເດັກເກີດໃໝ່ມີອັດຕາການເສຍຊີວິດສູງ

ໃນແຕ່ລະປີມີເດັກນ້ອຍເກີດໃໝ່ເກືອບ 2,6 ລ້ານຄົນ ໄດ້ເສຍຊີວິດ ໃນອາທິດທຳ ອິດຂອງການເກີດ, 99% ຂອງການເສຍຊີວິດເຫລົ່ານີ້ ເກີດຂຶ້ນໃນບັນດາປະເທດ ກໍາລັງພັດທະນາ, ຍ້ອນການ ຂາດແຄນຜະດຸງຄັນ ແລະ ບໍ່ໄດ້ມີການຝຶກອົບຮົມຢ່າງ ເໝາະສົມກັບມາດຕະຖານ ຂອງໂລກ, ອີງຕາມລາຍ ງານ ຂອງອົງການ UNFPA ແລະ ຜ່ານການສໍາຫລວດ ດັດສະນີເປົ້າໝາຍທາງສັງ ຄົມລາວ 2011-2012, ໄດ້ ສະແດງໃຫ້ເຫັນວ່າ: ອັດ ຕາສ່ວນ ການຕາຍຂອງ ແມ່ ແມ່ນ 357/100.000 ຄົນ, ເຊິ່ງສູງທີ່ສຸດ ໃນຂົງເຂດປະ ເທດອາຊຽນ. ແມ່ຍິງ ແລະ ເດັກຍິງ ໄດ້ຮັບຜົນກະທົບ ຈາກການຈໍາແນກ, ຄວາມ ບໍ່ສະເໝີພາບ ແລະ ການເຂົ້າ ເຖິງຂໍ້ມູນຂ່າວສານທາງສຸ ຂະພາບ ແລະ ການ ບໍລິການ ທີ່ຈໍາກັດລວມທັງການວາງ ແຜນຄອບຄົວ.

+ ສາກົນຊີ້ອັດຕາການຕາຍຂອງເດັກເກີດໃໝ່ໃນລາວຍັງສູງ

+ ເພີ່ມພູມຕ້ານທານໃຫ້ລູກເມື່ອຕ້ອງຜ່າຕັດເກີດ

ເນື່ອງຈາກອັດຕາການຕາຍຂອງແມ່ ແມ່ນຍັງສູງ, ລັດຖະບານເຮົາຈິ່ງໄດ້ມີ ຄວາມພະຍາຍາມຢ່າງ ຫລວງຫລາຍ ເພື່ອປັບປຸງ ທາງດ້ານປະລິມານ ແລະ ຄຸນ ນະພາບ ຂອງຜະດຸງຄັນ ແລະ ໃຫ້ຄຳໝັ້ນສັນຍາໃນ ການ ສ້າງຜະດຸງຄັນໃຫ້ໄດ້ 1500 ຄົນໃນປີ 2015. ວິ ຊາຊີບ ຜະດຸງຄັນກໍໄດ້ຖືກ ສ້າງຂຶ້ນ, ໂດຍ ຜ່ານແຜນພັດ ທະນາ ຜູ້ມີທັກສະຊ່ວຍເກີດ ໃນ ປີ 2009-2012, ໂດຍ ການສະໜັບສະໜູນຈາກ ອົງການສະຫະປະຊາຊາດ ກອງທຶນປະຊາກອນ ແລະ ບັນດາຄູ່ຮ່ວມພັດທະນາ ອື່ນໆ.

ໃນປັດຈຸບັນ, ຢູ່ລາວ ມີຜະດຸງຄັນຫລາຍກວ່າ 1.794 ຄົນ ທີ່ໃຫ້ບໍລິການ ທາງສຸຂະພາບຢູ່ທົ່ວປະເທດ, ປະຕິບັດໜ້າທີ່ ຢູ່ຂັ້ນພື້ນຖານ ໃນລະດັບສຸກສາລາ, ໃກ້ຊິດ ຕິດແທດກັບແມ່ ແລະ ຊຸມ ຊົນຜະດຸງຄັນເຫລົ່ານີ້ ແມ່ນ ໄດ້ຊ່ວຍໃຫ້ເພີ່ມການເຂົ້າ ເຖິງການບໍລິການຂອງ ປະຊາຊົນ ຢູ່ເຂດຊົນນະບົດ. ການເພີ່ມຈໍານວນຜະດຸງ ຄັນທີ່ມີທັກສະໄດ້ຊ່ວຍຢ່າງ ຫລວງຫລາຍ ໃນການຫລຸດ ຜ່ອນອັດຕາການຕາຍຂອງແມ່. ເຫັນໄດ້ວ່າອັດຕາການ ຕາຍຂອງແມ່ ໄດ້ຫລຸດລົງ ເປັນ 206 ຕໍ່ ການເກີດ ລູກ 100.000 ໃນປີ 2015 (ຂໍ້ມູນຈາກການສໍາຫລວດ ພົນລະເມືອງ ແລະ ຄົວເຮືອນ ປີ 2015).

ທ່ານ ນາງ ເຟຣດເດີ ລີກາ ເມເຢີ ຜູ້ຕາງໜ້າອົງ ການ UNFPA ປະຈຳລາວ ໄດ້ກ່າວວ່າ: ຜະດຸງຄັນແມ່ນ ມີໜ້າທີ່ຫລາຍກວ່າການ ຊ່ວຍເກີດພວກເຂົາໄດ້ໃຫ້ ບໍລິການສຸຂະພາບທາງເພດ ແລະ ສຸຂະພາບຈະເລີນພັນ ຫລາຍກວ່າ 85% ຂອງ ການບໍລິການ. ຕະຫລອດ ການດູແລເບິ່ງແຍງການ ຖືພາ ແລະ ການເກີດລູກ, ຜະດຸງຄັນໄດ້ສະໜັບສະໜູນ ທາງດ້ານຂໍ້ມູນ ແລະ ການ ບໍລິການແກ່ແມ່ ແລະ ເດັກ ນ້ອຍ. ສາຍພົວພັນໃກ້ຊິດ ອັນນີ້, ເຮັດໃຫ້ມີໂອກາດທີ່ ດີ ທີ່ຈະໃຫ້ແມ່ຍິງເຂົ້າເຖິງຂໍ້ ມູນກ່ຽວກັບການວາງແຜນ ຄອບຄົວ, ສຸຂະພາບຈະເລີນ ພັນ, ລວມທັງພະຍາດຕິດຕໍ່ ທາງເພດສໍາພັນ, ເອັສ ໄອວີ ແລະ ການລ້ຽງລູກດ້ວຍນົມ ແມ່ ແລະ ໂພຊະນາ ການທີ່ມີ ຄຸນນະພາບ.

ທ່ານ ນາງ ເຟຣດເດີລີ ກາ ເມເຢີ ກ່າວຕື່ມວ່າ: ຜະ ດຸງຄັນໄດ້ຊ່ວຍແມ່ຍິງ ແລະ ເດັກຍິງ ໃນການເຂົ້າເຖິງ ຂໍ້ມູນຂ່າວສານ ແລະ ການ ບໍລິການສຸຂະພາບທາງເພດ ແລະ ການບໍລິການສຸຂະ ພາບຈະເລີນພັນທີ່ເຂົາເຈົ້າ ຕ້ອງການພ້ອມໃຫ້ມີການ ເຂົ້າເຖິງການບໍລິການທີ່ຈຳ ເປັນ. ຜະດຸງຄັນຮັບປະກັນ ສິດທິສຸຂະພາບຈະເລີນພັນ ແລະ ສະໜັບສະໜູນທຸກ ຄວາມພະຍາຍາມ ເພື່ອໃຫ້ ອັດຕາຄວາມຕ້ອງການ ການວາງແຜນຄອບຄົວໃຫ້ດີຂຶ້ນຊ່ວຍໃຫ້ອັດຕາການ ຕາຍຂອງແມ່ ແລະ ເດັກ ຫລຸດໜ້ອຍລົງ./.