ຮັກງົວຄວາຍໃຫ້ຜູກຮັກລູກໃຫ້ຕີ

ໂດຍ: ທິດກ່ຳ   

ຍັງອີກບໍ່ດົນວັນທີ 1 ມິຖຸນາ ກໍຈະໝູນວຽນມາບັນ ຈົບຄົບຮອບອີກວາລະໜຶ່ງ, ກ່າວເຖິງວັນທີ 1 ມິຖຸນາ ມັນ ມີຄວາມໝາຍຢູ່ສອງຢ່າງຄື: ເປັນວັນປູກຕົ້ນໄມ້ແຫ່ງ ຊາດ ແລະ ເປັນວັນເດັກນ້ອຍສາກົນ.

+ 14 ສິ່ງນ້ອຍໆ ທີ່ພໍ່ແມ່ຄວນເຮັດ ເພື່ອສື່ສານກັບລູກວ່າພໍ່ແມ່ຮັກລູກ

+ ການລ້ຽງລູກໃຫ້ກາຍເປັນຄົນພາກພຽນ

ເມື່ອເອີ່ຍເຖິງວັນເດັກ ນ້ອຍສາກົນ, ທິດກ່ຳກໍຄິດ ເຫັນສຸພາສິດລາວປະໂຫຍກໜຶ່ງທີ່ເປັນອຳມະຕະທີ່ວ່າ “ຮັກງົວຄວາຍໃຫ້ຜູກຮັກລູກ ໃຫ້ຕີ” ເຊິ່ງມາຮອດປັດຈຸບັນ ສຸພາສິດດັ່ງກ່າວກໍຍັງມີ ຄວາມໝາຍສຳລັບໄທເຮົາ ເຈົ້າຂ້ອຍ ແລະ ມັນກໍພົວພັນ ເຖິງຊີວິດປະຈຳວັນໃນການ ສ້າງສາພັດທະນາລູກເຕົ້າ ຫລື ວ່າສ້າງເດັກນ້ອຍໃນວັນນີ້ ໃຫ້ເປັນຄົນດີໃນວັນໜ້າກາຍ ເປັນຜູ້ສືບທອດພາລະກິດ ຂອງປະເທດຊາດບ້ານ ເມືອງ ໃນອະນາຄົດ.

ສຸພາສິດດັ່ງກ່າວນັ້ນ, ມັນກໍມີທັງຄວາມໝາຍເລິກ ແລະ ຄວາຍໝາຍແປນແຕ່ ໃນທີ່ນີ້, ທິດກ່ຳຂໍອະທິບາຍ ຄວາມໝາຍແບບກວມລວມວ່າຮັກງົວຄວາຍໃຫ້ຜູກກໍ ແມ່ນການລ້ຽງດູ ແລະ ປົກ ປັກຮັກສາສັດທີ່ເຮົາລ້ຽງ ໃຫ້ມັນເຕີບໃຫຍ່ຂະຫຍາຍ ຕົວ. ນອກນັ້ນກໍຕ້ອງໄດ້ຄຸ້ມ ຄອງເບິ່ງ ແຍງບໍ່ໃຫ້ໄປມັນ ຊະຊາຍ, ໄປບຸຮົ້ວເຂົ້າສວນ ກິນຜົນລະປູກຂອງປະຊາຊົນ, ຍິ່ງໄປກວ່າ ນັ້ນໃນສະໄໝ ນີ້ ບາງຄົນລ້ຽງສັດງົວ-ໄດ້ ປ່ອຍໄປຊະຊາຍຕາມຖະໜົນ ຫົນທາງ ຈົນເກີດອຸປະຕິເຫດ ຕາຍທັງສັດທັງຄົນກໍມີ, ສ່ວນ ວ່າຄວາມໝາຍຂອງການ ຮັກລູກໃຫ້ຕີນັ້ນ, ກໍແມ່ນການ ລ້ຽງດູຂອງພໍ່ແມ່ນັບແຕ່ມື້ ເກີດຈົນຮອດເວລາເຕີບ ໃຫຍ່ຂຶ້ນມາມັນກໍຕ້ອງຜ່ານ ຮ້ອນຜ່ານໜາວ, ຜ່ານອຸ ປະສັກທັງອັນສະດວກ ແລະ ຫຍຸ້ງຍາກ, ໝົດແກງຫລາຍ ໝໍ້, ໝົດເຂົ້າຫລາຍຕິບ, ເມື່ອ ໃຫຍ່ຂຶ້ນມາແລ້ວກໍກ້າວເຂົ້າ ສູ່ການສຶກສາຮ່ຳຮຽນມີວິຊາ ຄວາມຮູ້ສ້າງຄອບສ້າງຄົວ ສືບທອດພາລະກິດຂອງພໍ່ ແມ່ ແລະ ເປັນຄົນດີຂອງປະ ເທດຊາດ.

ບໍ່ວ່າຍຸກໃດສະໄໝໃດ, ບາງຄົນ, ບາງຄອບຄົວ ພໍ່ແມ່ ລ້ຽງລູກມາເວລາເຕີບໃຫຍ່ ຂຶ້ນແລ້ວພໍ່ແມ່ບໍ່ໄດ້ກິນແຮງ, ອາໄສໄພເພິ່ງກໍບໍ່ໄດ້, ກາຍ ເປັນຄົນເສເພບ້າໃບ້ເສຍຈິດ, ຕິດເຫລົ້າເມົາຢາ, ກາຍເປັນ ໂສເພນີ, ມົ້ວສຸມຢາເສບຕິດ, ເປັນນັກເລງອັນຕະພານ ອັນ ເນື່ອງມາຈາກຫລາຍປັດໄຈ ແລະ ຫລາຍສາເຫດ. ແຕ່ ອັນທີ່ເປັນບັນຫາຕົ້ນຕໍກໍຄື ພໍ່ແມ່ທີ່ເອົາອົກເອົາໃຈບົ່ມ ເພາະປູກຝັງແນວຄິດມາແຕ່ ຍັງນ້ອຍ, ເຊິ່ງທາງສິນທຳ ເພິ່ນວ່າເປັນຍ້ອນບຸນຜະຫລາ ກຳຂອງຕົນທີ່ສ້າງໄວ້, ນັ້ນ ກໍໝາຍຄວາມວ່າເຮົາສ້າງ ຄົນບໍ່ສາມາດຕີຫລົບໄດ້.

ໃນສະໄໝນີ້, ເປັນຍຸກໂລ ກາພິວັດ, ເປັນຍຸກແຫ່ງເຕັກ ໂນໂລຊີລ້ຳຍຸກນຳສະໄໝ, ເຊິ່ງປາກົດການທາງສັງຄົມມີແຕ່ຄວາມເຫີ່, ບາງຄອບ ຄົວຜົວເມຍຂາດການສຶກສາອົບຮົມລູກເຕົ້າ, ໄປໃນທິດ ທາງທີ່ຜິດເຂວ,ຈຶ່ງເຮັດໃຫ້ ການພັດທະນາຄົນ ຫລື ສ້າງ ລູກເຕົ້າບໍ່ໄປຕາມຈຸດປະສົງ ຂອງພໍ່ແມ່ກາຍເປັນຄົນເສເພຂ້າພໍ່ຕີແມ່.

ແນວໃດກໍຕາມ, ອີງໃສ່ ແນວທາງນະໂຍບາຍຂອງ ພັກ ແລະ ລັດຖະບານ ໜຶ່ງໃນ ການບຸກທະລຸເພື່ອກ້າວເຂົ້າ ສູ່ວິວັດທະນາການໃໝ່ຂອງ ຊາດບ້ານເມືອງນັ້ນຄືບັນຫາການສ້າງຊັບພະຍາກອນມະນຸດຕ້ອງເປັນກົກ. ໂດຍກ່ອນ ອື່ນໝົດແມ່ນນັບແຕ່ຢູ່ທ້ອງ ແມ່, ການຮັກສາສຸຂະພາບ ຕະຫລອດເຖິງບັນຫາໂພຊະ ນາການ, ເມື່ອເກີດມາແລ້ວ ກໍມີພາກບັງຄັບເຂົ້າສູ່ການ ສຶກສາຮ່ຳຮຽນແຕ່ລະໄລຍະ, ຫລີກເວັ້ນເດັກປະລະການ ຮຽນນັບທັງການສ້າງຢ່າງ ມີເປົ້າໝາຍ ເພື່ອກ້າວໄປເຖິງ ຜົນສຳເລັດພວກເຮົາຕ້ອງໄດ້ພ້ອມກັນອົດທົນສູ້ຊົນໃນການທະນຸບຳລຸງ ແລະ ສ້າງເດັກ ໃຫ້ກາຍເປັນຄົນຮຸ້ນໃໝ່ແຫ່ງຍຸກສະໄໝຂອງຊາດລາວເຮົາ ດັ່ງສຸພາສິດທີ່ວ່າ: “ຮັກງົວ ຄວາຍໃຫ້ຜູກຮັກລູກໃຫ້ຕີ” ນັ້ນລະຈຶ່ງເປັນການດີ./.