ສະຫລອງວັນເດັກໃຫ້ກຸ້ມຄ່າ

ໂດຍ: ທ່ຽງທຳ

ສະບາຍດີ, ເພື່ອນຜູ້ອ່ານ ທີ່ຮັກແພງ ຍັງອີກບໍ່ດົນພວກ ເຮົາກໍຈະໄດ້ພ້ອມກັນສະເຫລີມ ສະຫລອງວັນເດັກສາກົນທີ 1 ມິຖຸນາ ທີ່ໄດ້ໝູນວຽນມາບັນ ຈົບຄົບຮອບອີກຄັ້ງໜຶ່ງ, ເພື່ອ ແນໃສ່ປູກຈິດສຳນຶກທີ່ດີໃຫ້ ແກ່ເດັກນ້ອຍອານຸຊົນເຍົາວະ ຊົນເຮົາຄື: ໃຫ້ເຂົາເຈົ້າຮູ້ຈັກ ຮັກປະເທດຊາດ ບ້ານເກີດ ເມືອງນອນ, ຮັກພໍ່ແມ່ຄອບ ຄົວ, ຮັກທ່ານຜູ້ນຳ ແລະ ຮູ້ ບຸນຄຸນບັນພະບູລຸດຂອງຕົນ, ພ້ອມນັ້ນກໍເປັນໂອກາດສຶກສາ ອົບຮົມໃຫ້ເດັກຮູ້ຮັກການອອກ ແຮງງານ, ຮູ້ເຄົາລົບນັບຖືຮີດ ຄອງປະເພນີ ແລະ ວັດທະນະ ທຳອັນດີງາມຂອງຊາດ, ເວົ້າ ລວມແລ້ວການສະເຫລີມສະ ຫລອງວັນດັ່ງກ່າວກໍເປັນໂອ ກາດໜຶ່ງເພື່ອໃຫ້ເດັກໄດ້ເບີກ ບານມ່ວນຊື່ນດ້ວຍການຈັດ ກິດຈະກຳຕ່າງໆ ເຊັ່ນ: ການ ສະແດງຟ້ອນລຳທຳເພງ, ການຫລິ້ນເກມ ແລະ ຕອບບັນ ຫາຕ່າງໆ ທາງດ້ານວິທະຍາ ສາດ ແລະ ໂລກອ້ອມຕົວ ເພື່ອ ສ້າງທັກສະນະອັນສະຫລາດ ຄ່ອງແຄ້ວຂອງເດັກໃນວັນ ນີ້ຈະກາຍເປັນຜູ້ໃຫຍ່ໃນວັນ ໜ້າ ແລະ ເປັນອະນາຄົດທີ່ດີ ຂອງຊາດ.

ໃນຜ່ານມາ,ໂດຍທົ່ວໄປ ແລ້ວການສະເຫລີມສະຫລອງ ວັນເດັກດັ່ງກ່າວຢູ່ຫລາຍຂະ ແໜງການທີ່ມີເງື່ອນໄຂກໍເຮັດ ໄດ້ດີ, ໂດຍສະເພາະການຈັດ ໃຫ້ເດັກເຂົ້າຢ້ຽມຢາມຫໍພິ ພິທະພັນ ແລະ ອານຸສາວະລີ ຂອງບັນພະບູລຸດເຮົາເພື່ອເຂົາ ເຈົ້າໄດ້ຮຽນຮູ້ ແລະ ຈາລຶກ ຄຸນງາມຄວາມດີທີ່ເພິ່ນໄດ້ ເສຍສະຫລະຊີວິດເພື່ອປະເທດ ຊາດ ບ້ານເມືອງເຮົາ, ບາງ ບ່ອນກໍມີການຈັດກິດຈະກຳ ສະແດງສິລະປະການເລົ່າ ນິທານ ແລະ ການແຂ່ງຂັນ ກິລາ, ການແຕ້ມຮູບລະບາຍ ສີ ແລະ ອື່ນໆ ຢ່າງມີຄວາມ ໝາຍ, ແຕ່ຄຽງຄູ່ກັນນັ້ນ, ກໍ ຍັງມີຫລາຍແຫ່ງຫລາຍທ້ອງ ຖິ່ນຍັງບໍ່ມີເງື່ອນໄຂເຮັດໄດ້ ໂດຍສະເພາະແມ່ນເດັກນ້ອຍ ໃນເຂດພູດອຍ ບ່ອນຫ່າງໄກ ສອກຫລີກ, ເຊິ່ງຈະຫາເຂົ້າ ໝົມກ້ອນໜຶ່ງເພື່ອເປັນກຳ ລັງໃຈໃນວັນດັ່ງກ່າວກໍເປັນ ການຍາກ.

ດັ່ງນັ້ນໃນໂອກາດສຳຄັນ ນີ້ ຜູ້ມີເງື່ອນໄຂ, ນອກຈາກ ຈະຈັດຕັ້ງການສະເຫລີມສະ ຫລອງ ໃຫ້ແກ່ລູກຫລານຂອງ ຕົນດ້ວຍຄວາມຫລູຫລາແລ້ວ, ກໍຄວນຄຳນຶງບິແບ່ງນ້ຳໃຈ ລົງຊຸກຍູ້ສົ່ງເສີມເດັກນ້ອຍ ຜູ້ດ້ອຍໂອກາດທີ່ຍັງມີຢູ່່ຢ່າງ ຫລວງຫລາຍນັ້ນແມ່ນຈະເປັນ ການດີທີ່ສຸດ, ເພື່ອເຂົາເຈົ້າໄດ້ ມີໂອກາດເປີດໂລກໃຫ້ກວ້າງ ອອກໃນອະນາຄົດ.

ເອົາລະໃນໂອກາດນີ້ ກໍ ຫວັງວ່າຜູ້ຫລັກຜູ້ໃຫຍ່ຜູ້ມີ ເງື່ອນໄຂໃຈບຸນທັງຫລາຍ ຈະພ້ອມກັນຄົ້ນຄິດ ເພື່ອອະ ນາຄົດທີ່ດີຂອງຊາດບ້ານ ເມືອງເຮົາ./.

+ ຫລາຍແຫ່ງສະຫລອງວັນເດັກນ້ອຍສາກົນ ແລະ ປູກໄມ້

+ ສະຫວັນນະເຂດສະຫລອງວັນເດັກນ້ອຍສາກົນ ແລະ ປູກໄມ້