ມີຜູ້ເສຍຊີວິດ 11 ຄົນ ຈາກເຫດ ກິນເຫັດປ່າມີພິດຢູ່ອີຣານ
May 22, 2018 - 5:09 PM
ໃນວັນທີ 21 ພຶດສະພາ, ສຳນັກຂ່າວ BBC ລາຍງານວ່າ: ຊາວອີຣານກວ່າ 800 ຄົນອາການໜັກ ແລະ ອີກຢ່າງໜ້ອຍ 11 ຄົນເຖິງຂັ້ນເສຍຊີວິດ ຫລັງຈາກກິນເຫັດປ່າມີພິດ ໂດຍພື້ນທີ່ທີ່ພົບຜູ້ເສຍຊີວິດ ແລະ ອາການໜັກຈາກການກິນເຫັດປ່າພິດນີ້ຢູ່ໃນພື້ນທີ່ 10 ແຂວງທາງພາກຕາເວັນຕົກຂອງປະເທດອີຣານ ສະເພາະຢູ່ແຂວງເຄີມານຊາພົບຜູ້ເສຍຊີວິດ 7 ຄົນ.
ສຳນັກຂ່າວທາສນິມຂອງອີຣານລາຍງານວ່າ: ຍັງບໍ່ມີວິທີປິ່ນປົວທີ່ມີປະສິດທິຜົນສຳລັບຄົນເຈັບທີ່ກິນເຫັດປ່າມີພິດນີ້. ຂະນະທີ່ເຈົ້າໜ້າທີ່ກະຊວງສາທາລະນະສຸກອີຣານເປີດເຜີຍວ່າ: ຜູ້ປ່ວຍທີ່ກິນເຫັດປ່າມີພິດນີ້ຫລາຍຄົນອາດຈຳເປັນຕ້ອງເຂົ້າຮັບການຜ່າຕັດປູກຖ່າຍຕັບ.
