ທ່ຽວຊົມນ້ຳຕົກຕາດເລາະໃຫ້ຊື່ນໃຈ
ໂດຍ: ຊາຍພະເນຈອນ
ຕາດເລາະ ເປັນສະຖານ ທີ່ທ່ອງທ່ຽວທີ່ໂດດເດັ່ນ ແລະ ໜ້າປະທັບໃຈອີກແຫ່ງໜຶ່ງ ຂອງແຂວງສາລະວັນ , ເປັນ ຕາດທີ່ມີຊື່ສຽງ ແລະ ເປັນ ທີ່ນິຍົມຂອງນັກທ່ອງທ່ຽວ ທັງພາຍໃນ ແລະ ຕ່າງປະ ເທດ ເຊິ່ງແຕ່ລະທ້າຍອາ ທິດ ກໍຈະມີຜູ້ຄົນເດີນທາງເຂົ້າ ມາທ່ຽວຊົມບໍ່ຂາດຍ້ອນເປັນສະຖານທີ່ເຕັມໄປດ້ວຍທໍາ ມະຊາດປ່າໄມ້ທີ່ດົກໜາ ຂຽວງາມ ປົກຄຸມໄປທົ່ວບໍລິ ເວນນ້ຳຕົກຕາດແຫ່ງນີ້ເຮັດ ໃຫ້ອາກາດ ມີຄວາມສົດຊື່ນ ແຈ່ມໃສເໝາະແກ່ການມາ ພັກຜ່ອນ, ທ່ຽວຊົມ, ອາບນໍ້າ ແຊ່ ເຢັນ ແລະ ກິນເຂົ້າປ່າ ດ້ວຍຄວາມສະນຸກສະໜານ.
+ ໄປເມືອງວັງວຽງ-ລ່ອງເຮືອນ້ຳຊອງ-ທ່ອງທ່ຽວຖ້ຳຈັງ-ລອຍນ້ຳຖ້ຳປູ
ຕາດເລາະ ຕັ້ງຢູ່ເຂດ ບ້ານແສນວັງ, ຫ່າງຈາກຕົວ ເມືອງສາລະວັນ ໄປປະມານ 31ກິໂລແມັດ,
ໄດ້ເປີດບໍລິການໃຫ້ເຂົ້າໄປທ່ຽວຊົມມາແຕ່ປີ 1990 ເປັນຕົ້ນມາ. ເປັນຕາດທີ່ ງົດ ງາມ ແລະ ມີລາຍນໍ້າຕົກທີ່ ໃສເຢັນດີ ໂດຍມີສະຖານ ທີ່ ທ່ຽວຫຼິ້ນ ແລະ ອາບນໍ້າຢ່າງ ກວ້າງຂວາງ, ບໍລິເວນອ້ອມ ຕາດຈະມີກ້ອນຫີນຂະໜາດ ໃຫຍ່ຢັງຢາຍໄປທົ່ວບໍລິເວນຫ້ວຍນໍ້າເໝາະແກ່ການນັ່ງ ຫຼິ້ນຊົມວິວ ແລະ ມີພະລານ ຫີນຢູ່ລຸ່ມນໍ້າຕົກຕາດເໝາະ ແກ່ການລົງນັ່ງຫຼິ້ນແຊ່ນໍ້າໄດ້ຢ່າງຊື່ນໃຈ.
ຕາດເລາະ ມີກົກເຄົ້າ ມາຈາກພາສາຂອງຊົນເຜົ່າທີ່ອາໄສຢູ່ເຂດນີ້ວ່າ: ໂລະ ມີຄວາມໝາຍວ່າ ອະໄວຍະ ວະເພດຊາຍ ໂດຍໄດ້ມີຕໍາ ນານ ເລົ່າຂານກັນມາວ່າ: ມີ ສອງເອື້ອຍນ້ອງໄດ້ມີການ ພະນັນຂັນຕໍ່ທ້າໃຫ້ພໍ່ເຖົ້າຄົນໜຶ່ງໂຕນລົງນໍ້າຢູ່ຕາດແຫ່ງ ນີ້, ຖ້າກ້າໂຕນລົງສອງເອື້ອຍ ນ້ອງຈະຕົກລົງຍອມໃຫ້ເປັນ ເມຍ, ພໍ່ເຖົ້າກໍຕັດສິນໃຈແກ້ ເຄື່ອງປະເປືອຍຈົນເຫັນໂລະທີ່ແຫ່ວຍານ ແລ້ວກໍໂດດລົງ ໄປດົນເຕີບ, ທັງສອງເອື້ອຍ ນ້ອງພາກັນຄິດວ່າ ພໍ່ເຖົ້າ ຄົນນັ້ນຕາຍແລ້ວ, ແຕ່ໂຊກ ເຂົ້າຂ້າງ ພໍ່ເຖົ້າດວງດີຄາດ ຊິໄດ້ເມຍສາວນ້ອຍທັງສອງ ເອື້ອຍນ້ອງ ສາມາດເງີຍຫົວ ຂຶ້ນມາຈາກນໍ້າຢ່າງປອດໄພ ເຮັດໃຫ້ສອງເອື້ອຍນ້ອງຍອມ ເປັນເມຍຕາມທີ່ໄດ້ສັນຍາ ກັນໄວ້ ຈຶ່ງເປັນທີ່ມາຂອງ ຕາດ ໂລະ ຫຼືວ່າ ຕາດເລາະ ຈົນເທົ່າທຸກວັນນີ້.
ມາຮອດປັດຈຸບັນ, ຕາດ ເລາະ ໄດ້ຮັບການປັບປຸງປົວ ແປງຄືນໃໝ່ ແລະ ໄດ້ສ້າງ ສິ່ງເອື້ອອໍານວຍເພື່ອຮອງ ຮັບນັກທ່ອງທ່ຽວເຂົ້າມາ ທ່ຽວຊົມບໍ່ວ່າຈະເປັນສະ ຖານທີ່ຊົມວິວ ຫຼື ບ່ອນຕາກ ອາກາດ, ສະຖານທີ່ທ່ຽວຊົມ, ຮ້ານອາຫານ-ກິນດື່ມ ແລະ ສິ່ງອຳນວຍຄວາມສະດວກ ອື່ນໆ ໄວ້ຄອຍບໍລິການຢ່າງ ສະດວກສະບາຍ. ຖ້າທ່ານ ໃດ ຫາກຮູ້ສຶກວ່າຕົນເອງ ຍັງບໍ່ທັນໄດ້ໄປທ່ຽວຊົມຕາດເລາະເທື່ອ ກໍຄວນໃຫ້ເວລາ ຕົນເອງພ້ອມຄອບຄົວ ຫຼືຄົນ ຮັກເພື່ອໄດ້ໄປທ່ຽວຊົມ ແລະ ສໍາພັດກັບທໍາມະຊາດທີ່ສວຍສົດງົດງາມຂອງຕາດແຫ່ງ ນີ້ຈະຊ່ວຍໃຫ້ທ່ານມີຄວາມ ສຸກໄປກັບບັນຍາກາດອັນ ແສນສົດຊື່ນແຫ່ງນີ້./.
