ພັດທະນການຂອງລູກນ້ອຍ ເດືອນທີ 7

ເດືອນທີ 7 ແມ່ກຽມຝຶກຮ່າງກາຍໄວ້ດີໆ ເພາະສໍາລັບເດັກນ້ອຍບາງຄົນທີ່ກ້າມຊີ້ນລໍາໂຕພັດທະນາພ້ອມເຂົ້າສູ່ການເຄື່ອນໄຫວໄດ້ແລ້ວ.

1. ດ້ານສະຕິປັນຍາ ແລະ ການຮຽນຮູ້

• ຮຽນຮູ້ຈັກອະໄວຍະວະຕ່າງໆເພີ່ມຂຶ້ນ
• ສະໝອງຂອງລູກພັດທະນາໄດ້ຕະຫຼອດເວລາ ນອກຈາກຈັດລໍາດັບເຫດການທີ່ເກີດຂຶ້ນໄດ້ແລ້ວ ເດືອນນີ້ລູກຍັງສາມາດເຊື່ອມໂຍງຄວາມຄິດໄດ້ຫຼາຍຂຶ້ນ
• ສາມາດເຊື່ອມໂຍງພາບສັດກັບສຽງຮ້ອງໄດ້ເຊັ່ນ ສຽງແມວຮ້ອງ ຫຼື ສຽງໝາເຫົ່າ ຊຶ່ງຄວາມສາມາດນີ້ເປັນຜົນຈາກການທີ່ແມ່ປ້ອນຂໍ້ມູນໃຫ້ກັບລູກດຸໆ ຈຶ່ງເຮັດໃຫ້ລູກເກີດການຮຽນຮູ້, ຈື່ຈໍາ ແລະ ເຊື່ອມໂຍງໄດ້ໃນທີ່ສຸດ
• ເລີ່ມໃຫ້ຄວາມສົນໃຈກ່ຽວກັບຂະໜາດຂອງວັດຖຸ, ສັງເກດໄດ້ຈາກການຈັບສິ່ງຂອງສອງອັນ ທີ່ມີຂະໜາດແຕກຕ່າງກັນ ແລ້ວເບິ່ງກັບໄປກັບມາ ຖ້າແມ່ປ້ອນຂໍ້ມູນໃຫ້ກັບລູກໂດຍບອກວ່າສິ່ງນີ້ໃຫຍ່ ສິ່ງນີ້ນ້ອຍ ເຮັດແບບນີ້ດຸໆ ລູກກໍພ້ອມຈະຮຽນຮູ້ ແລະ ເຂົ້າໃຈໄດ້

2. ດ້ານຮ່າງກາຍ ແລະ ການເຄື່ອນໄຫວ

• ກ້າມຊີ້ນຂອງລູກຈະພັດທະນາຫຼາຍຂຶ້ນ ນອກຈາກນັ້ນທີ່ໝັ້ນຄົງແລ້ວ ຍັງເປັນການກຽມພ້ອມໄປສູ່ການເຄື່ອນໄຫວເຊັ່ນ ການຄານ, ຢືນ ແລະ ຍ່າງໃນອະນາຄົດ
• ລູກຈະນັ່ງໄດ້ໝັ້ນຄົງແລ້ວ ເພື່ອຝຶກຝົນການຄືບຄານຕໍ່ໄປ ຊຶ່ງນອກຈາກຄວາມພ້ອມຂອງກ້າມຊີ້ນຕ່າງໆ ທີ່ຊ່ວຍໃຫ້ລູກຄານໄດ້ແລ້ວ ສະໝອງສ່ວນເທິງ ແລະ ລຸ່ມທີ່ຄວບຄຸມກ້າມຊີ້ເຫຼົ່ານັ້ນຕ້ອງ​ເຮັດ​ວຽກປະສານກັນໄດ້ດີດ້ວຍ ແມ່ຈຶ່ງຕ້ອງເປີດໂອກາດໃຫ້ລູກໄດ້ຝຶກຝົນການເຄື່ອນໄຫວລະຫວ່າງຕອນເວັ້ນຫຼາຍກວ່າປ່ອຍໃຫ້ລູກນອນຢູ່ກັບທີ່
• ເມື່ອລູກເຄື່ອນໄຫວຮ່າງກາຍໄດ້ຢ່າງອິດສະຫລະຫຼາຍຂຶ້ນ ເຂົາກໍພ້ອມຈະຮຽນຮູ້ສິ່ງໃໝ່ໆໄດ້ທຸກເວລາ
• ຢິບຈັບເຄື່ອງຫຼິ້ນໄດ້ຄ່ອງແຄ້ວ ແລະ ມັກໃຊ້ມືຢິບອາຫານໃສ່ປາກເອງ

3. ດ້ານພາສາ ແລະ ການສື່ສານ

• ສົ່ງສຽງເປັນຄໍາໆ ທ່ີທັງສຽງສະຫລະ ແລະ ພະຍັນຊະນະປະສົມກັນໄດ້ແດ່ແລ້ວເຊັ່ນ ປະປາ ມາມາ ຫຼື ອື່ນໆ
• ສົນໃຈຟັງສຽງທີ່ໄດ້ຍິນທັງສຽງຂອງໂຕເອງ ແລະ ສຽງຂອງຄົນອື່ນ ຊຶ່ງພະຍາຍາມທີ່ຈະຮຽນແບບ ຊ່ວງນີ້ຈຶ່ງເປັນໂອກາດທີ່ເໝາະສົມທີ່ແມ່ຈະຊ່ວຍເພີ່ມຄໍາສັບຕ່າງໆໃຫ້ລູກ ສອນໃຫ້ລູກຮຽນຊື່ສິ່ງຕ່າງໆຮອບໂຕ, ຊວນລົມ ຫຼື ອ່ານໜັງສືໃຫ້ລູກຟັງ ເພື່ອເສີມສ້າງພັດທະນາການທາງພາສາຂອງລູກ

4. ດ້ານອາລົມ ແລະ ສັງຄົມ

• ເລີ່ມສະແດງອາການຕິດແມ່ຫຼາຍຂຶ້ນ
• ເມື່ອລູກຕິດແມ່ ເຂົາກໍຈະບໍ່ໄວ້ວາງໃຈຄົນອື່ນ ໂດຍສະເພາະຄົນແປກໜ້າ
• ຍິ້ມຫົວງ່າຍເມື່ອໄດ້ຫຼິ້ນສິ່ງທີ່ມັກ ຫຼື ມີເລື່ອງກະຕຸ້ນຄວາມສົນໃຈ

ເຖິງແມ່ນວ່າພັດທະນາການທີ່ກ້າວໜ້າຈະຊ່ວຍເປີດທາງການຮຽນຮູ້ໃຫ້ລູກສາມາດສໍາຫລວດໂລກຮອບໂຕໄດ້ຫຼາຍຂຶ້ນ ແຕ່ຕ້ອງຢູ່ພາຍໃຕ້ຄວາມເບິ່ງແຍງຢ່າງໃກ້ສິດຂອງພໍ່ແມ່ ເພື່ອຄວາມປອດໄພຂອງລູກດ້ວຍເຊັ່ນກັນ.